Matendelelu 2:15 - O Mikanda Ikola

¹⁵ Mu kienhokio lukuaku lua Jihova lukuata kua sondemeka phala ku á jima o mbutu katé kia a buikisa muene kilômbo ngùndu.

Matendelelu 2:15 ပူးပေါင်းရင်းမြစ်များ

Jisálamu 106:26

Muene anga u loka ni kuzangula lukuaku, uixi: Ngʼa a buidisila mumu, mu kikangalakata,

Jisálamu 32:4

Kuma lukuaku lué lua ngi nemena muanha ni usuku; mukutu uia ni kuxoueta kala mu muanha ua kixibhu. (Selah.)

Jisálamu 78:33

Izuua iâ anga i di bota mu kingoho, mivu iâ ia di bhange ia uíndua.

Izaía 66:14

Kiki mua-nda kubuingita kala mafe a kindemvuna; bhenhobho lukuaku lua Jihova luà fumanena ku jiselevende jê, muene ua kà thathamena o jinguma jê.

Dialuilu 14:28

A ambedienu; Ki ngedi eme ngi muthu ua muenhu, eme ngi Jihova, kioso ki mua zuelenu mu mátui mami, kiene muene ki ngi mi bhanga;

I Kolindo 10:5

Sumbala kiene, maji athu a uabhelele kiambote Nzambi ka vudile-ku; kiene kia a bhekelele o kubuidila mu kikangalakata, anga o mikutu iâ i di muangena momo.

Juda 1:5

Nga bhindamena ku mi lembalesa kuila, sumbala ima ioso mua ijiia ukulu, kuma Ngana kia bhuluile o mundu uê mʼ oxi ia Ijitu, o ku pholo ku eza kunu ua a buikisa, oso a kambele o kuxikana.

Afundixi 2:15

Kuoso-kuoso ku a di tela a sanga lukuaku lua Jihova luala ku a bhanga kiaiibha, kaia Jihova muene kia a zuelelele ni kia a lokela, anga a kala mu tata kiavulu, kuma ku mbandu joso a a phopheka.

I Samuuele 5:11

Mukonda dia kiki a tuma kubhongolola dingi jisobha joso ja akua Fidíxia, exi: Alaka ia Nzambi ia Izalaiele i tunde mʼoxi ietu, tumenu ku i bheka dingi bhu kididi kiê, kuma o kukamba ku ki bhanga, i tu jibha muene ni mundu uetu uoso. Mukonda o kibuika kia kalunga kia sambuka mu mbanza ioso kia kuata uoma uavulu; lukuaku lua Nzambi lua a nemena ni nguzu ioso.

I Samuuele 5:6

O lukuaku lua Jihova phe anga lu nemena ku thandu dia akua Ajindodi, anga ua buikisa ni mabhumbu a bheka jifidila ku mataku, kutale mu Ajindodi, uixi mu mabhata mê moso.

I Samuuele 5:9

Anga a bheka álaka ia Nzambi ia Izalaiele kuenhoko. Kia zubha-phe ku i sondolola, lukuaku lua Jihova lu nemena ku thandu dia akua dibhata koko ni kibuika kia dikota ki kuata uoma; anga Jihova u beta akua bhata, ni jindenge ni makota, aia ni ku tunda mabhumbu ku mukutu mu ididi ia jisonhi.

I Samuuele 7:13

Kienhiki akua Fidíxia a toloka, ka somboka dingi mbámbe ia Izalaiele; o Lukuaku lua Jihova anga lu kala ku thandu dia akua Fidíxia izuua ioso ia Samuuele.