Matendelelu 2:11 - O Mikanda Ikola

¹¹ Anga ene uâ a a luka exi Jinefalimi kala o akua-Anake; akua-Mouabhe-phe anga a a luka exi Ji-Emeu.

Matendelelu 2:11 ပူးပေါင်းရင်းမြစ်များ

Dimatekenu 14:5

O ku muvu ua kauana ku dikuinhi, Kedolaumele ni jisobha jamukuá ja di bande-nê kumoxi, eza hé a beta akua Lefaíme, mu Axitalote dia Jimbinga, ni Mazuzi mu Hame, ni Mamimi mu ngânga ia Kediataíme.

Dimatekenu 6:4

Izuua ienʼoio mu ngongo mu kala iiala ia makota, ni ku pholo kunu anʼa Nzambi a mala kia sakana ni anʼa athu a ahatu, anga a vuala-nâ ana; enhá ene a kexile o mazonda ma xahulu, o iiala ia xi fuma.

II Samuuele 21:16

Davidi anga u sota kusènduka. Ixibi-benobi muthu ku mbutu ia kiiala kia dikota, uavu dionga diê dia pezala jinga hâma jitatu ja xikulu ja ngondo, ua maneka xibhata ia ubhe mu mbunda, u mesena kujibha Davidi.

Dialuilu 13:22

Ku mbandu ia Sulu a bhiti-ku, a bhikila mu Hebolone; mua tungu Ahimane, ni Xexai, ni Talamai, anʼa Anake. (Hebolone muene a dianga ku mu tunga, Zouane mu Ijitu ua xala kuema, bhu kaẋi bhua bhiti sambuadi dia muvu.)

Dialuilu 13:28

Maji-phe akuaʼxi a tungu kuenhoko ala ni nguzu iavulu, jimbanza a ji te imbaka, ja makota muene; kua di te dingi ni anʼa Anake tua a sange kuenhoko.

Dialuilu 13:33

Tua mono-ko ni iiala, anʼa Anake, a tokala muiji ua Nefalimi; etu-phe bhu mbandu iâ tua di mono tu mahoho, ni ene uâ kiene kia tu mono.

Matendelelu 1:28

Tuia dingi kuebhi? Phange jetu ene a tu botomokesa o miẋima, exi: Athu ala koko a makota kulebha kuvula etu ndenge, a tu tundu; o jimbonge ue ja makota, imbaka iâ ia tuta muene ku maúlu. Exi dingi: Tua mono-ko ue o anʼa Anake, o mazonda.

Matendelelu 2:20

(Oxi ienhiʼii ue ia kexi ixi ia mazonda, o Jinefalimi, a tungile-mu mu xahulu; akua Amone-phe a a lukile exi Jinzanzumine.

Matendelelu 3:11

(Mukonda ku mazonda a xahulu, ua subhukile-ku ngó Hoke, sobha ia Basane; talesa o hama iê, hama ia felu; abha ki i ié hanji mu Labate dia anʼa Amone? Kulebha kuê dívua dia kóvadu, o kuzanza kuê kóvadu jiuana, mu midila ia kóvadu ia diiala.)

Matendelelu 9:2

Mua-nda kúvua mundu ua nzungule, athu onéne a lebha kitala, anʼa Anake, enuʼenu-phe mua ejiia, kuma muene ku a evua kiá; mbutu ia mazonda iala kiókio, mukua-hi u ki sesa o kuzangalala bhuemana ene?