Matendelelu 19:15 - O Mikanda Ikola

¹⁵ O ki bhu kala kituxi mba unzangi, mba mulonga uoso-uoso, kana kuívua mbangi imoxi i balumuka mu kutatela muthu; inda mu kanu dia mbangi jiiadi, mba mu kanu dia jitatu, muene mua xikikila o maka oso.

Matendelelu 19:15 ပူးပေါင်းရင်းမြစ်များ

I Jisobha 21:10

Anga mu mu bhekela anʼaiadi a Kadiaphemba ku pholo iê, hé ene a mu tetela umbangi ua makutu, exi: Eie ua ẋonguena Nzambi ni sobha; ni mu tubhuka-nê bhu kanga dia mbonge, anga mu mu bûba ni matadi katé ua fu.

I Jisobha 21:13

Bhenhobho kuiza malʼaiadi anʼa Kadiaphemba, hé emana bhu pholo iê; anga mala enhá ana Kadiaphemba, a tatela Nabote ni umbangi ua makutu, bhu pholo ia kifuẋi, exi: “Nabote ua ẋonguena Nzambi ni sobha”. Anga a mu ambata ku kanga dia sanzala, hé a mu búba ni matadi anga u fua.

Dialuilu 35:30

Uoso u jibha mukuâ kiluelu, kijibhanganga, a mu jibhila mu kuzuela kua jimbangi; mbangi imoxi-phe ki i tena kubjibhisa muthu mu umbangi uê.

Matesu 18:16

Kia kamba-phe ku kuívua, katula dingi kiiadi mba kitatu, phale u bhange kala kia tange o Mikanda ia Ngana, kuila: Kutetulula maka moso, kikale ma tetulukila mu kanu dia mbangi jiiadi mba jitatu.

Nzuá 7:51

Manhi Kitumu kietu ki êlesa muthu, sé kudianga ku mu ívua, ni kuijiia kioso kia bhange?

Nzuá 8:17

Kiene ki ambe mu Kitumu kienu, exi: Mbangi jiiadi, se ji zuela kiene kimoxi, umbangi uâ ua kidi.

II Kolindo 13:1

Tatu kiabhʼú kukala mu kuia kuenioko ku mi kunda. Kala ki ambe o Mikanda Ikôla kuma: Mulonga uoso-uoso ki bhinga a u kuatesa ku kizuelu kia mbangi jiiadi mba jitatu.

Matendelelu 17:6

Muthu-phe ku mu jibha kiki, ki kale mulonga uê ukala ni mbangi jiiadi mba jitatu; kana kujibha muthu mu kanu dia mbangi imoxi.

I Timote 5:19

Kana kuivua muthu uiza mu kutatela muadiakime ua Ngeleja, kikale uiza ni mbangi jiiadi mba jitatu.

Jihebeleu 10:28

Uoso u xibhaka o Kitumu kia Mozé, a mu jibha sé ngó kulenduka, mu kizuelu kia mbangi jiiadi mba jitatu.