Matendelelu 19:10 - O Mikanda Ikola

¹⁰ Kulengesa ku bhubhisa manhinga ma muthu kala ni kikuma mʼoxi ia-nda ku ku bhana Jihova Nzambi ié mu ubhinganu, phala eie ku kale ni manhinga ku thandu dié.

Matendelelu 19:10 ပူးပေါင်းရင်းမြစ်များ

I Jisobha 2:31

Kuala muenexi: Mu bhange kala kia zuela muene, u mu te, u mu fûnde; phala manhinga ma ẋamuna Jouabe sé kikuma, kà kale ku thandu diami mba ku thandu dia dibhata dia tatʼetu.

II Jisobha 21:16

O kia di-te-ku dingi o Manasa ue ua zunza manhinga a vulu a athu a bene katé Jeluzaleme kia mu izalesa ngó ni manhinga tundé kua tundu katé kua suku; katu-ku hanji o kituxi kiê kia bhangesa na-kiu Juda o ku-ta kituxi ni kubhanga ima ki ia fuama bhu mesu ma Jihova.

II Jisobha 24:4

Kumoxi ue ni manhinga a athu a iuka muene a ẋamuna, o mbanza ia Jeluzaleme iú ua i-zalesa ni Kihaxi kia athu a bene; ki kia bhangesa kuila o Ngana ue nguaiʼé kuloloka.

Jisálamu 94:21

A di vubula kumoxi enhoso mu kúdia ió aiuka, a jibhisa ió kala ni kikuma mba mulonga.

Jisabhu 6:17

o mesu ma tala ni izala, o dimi di tanga makutu, o maku ma zunza manhinga ma muthu ua kambe kikuma,

Izaía 59:7

Inama iâ i lenga mu ku bhanga phulu, a sakalela mu kubhubhisa manhinga ma muthu ua kambe kikuma; o ilunji iâ i funha ikuma mu ikuma; kubuika ni kubhondalala kuenhé mu njila jâ.

Jouele 3:19

Ijitu ua kà kituka disengulukilu, Idomo ua kà di bhanga kikangalakata ki bhekela ngùnzu, mukonda dia usuéia ua bhange ku anʼa Juda, kua bhingi ni mʼoxi iâ muene mua zunzumuina o manhinga a iú ka bhange kima kioso-kioso.

Jona 1:14

Anga a samba kua Ngana, exi: U Jihova, etu tua ku diondo, ki tu di bote mukonda dia muenhu ua diiala didi, o manhinga mê ka kale kikuma kiza ku thandu dietu, kuma eie Jihova ua bhange kioso kia ku uabhela ki ua solo kubhanga.

Dialuilu 35:33

Kienhiki ixi i mua tungu ki mu i te lufuku; kuma o manhinga ma kijibha ma fukula ixi; ixi ki i xikina ku i bonza o lufuku lua manhinga ma kijibha, ki kale uoso ua jibha u bhana ue o manhinga mê.

Matendelelu 19:13

Kana ku mu kuatela henda; bhanga-kiu muene, kífua ua bhuisa o mulonga ua manhinga ma muthu kala ni kikuma muʼaxaxe ka Izalaiele, nda u tunge u some.

Matendelelu 26:1

Mu kuila-phe eie ua bokona kiá mʼoxi ia-nda ku ku bhana Jihova Nzambi ié mʼubhinganu, anga u iʼvua, anga utunga muenhomo,

Matendelelu 4:21

Eme ue Jihova ua ngi thathamena, mukonda dia uzuelelu uenu, anga uloka uixi: Eie ue Njolodá kutena ku mu záuka, oxi iauabha ia-nda ku ku bhana Jihova Nzambi ienu mu ubhinganu, eme ki nga-nda kubokona-mu.

I Samuuele 19:5

Kuma muene muenhu uê ka u suu, kifua ua u ambatele bhu lukuaku, anga u jibha mukua Fidíxia, Jihova iu ua bhesa kikóue kia dikota kua Izalaiele; eie-muène ue u mbangi kuma ua ki muene, anga u kala mu sanguluka; eie ua mu edile: Tanaku! Kiki-phe u tela-hi kituxi kia kuzunza manhinga a kambe mulonga, hé Davidi u mu jibhʼê ngó sé kikuma?