Matendelelu 18:9 - O Mikanda Ikola

⁹ Kioso ki u bhixila hé u bokona mʼoxi ia-nda ku ku bhana Jihova Nzambi ié, kana kua kà fikisa maufusa ma akua-jixi enhó!

Matendelelu 18:9 ပူးပေါင်းရင်းမြစ်များ

II Jisobha 17:11

Iá a bhiti ue ni kuohela uasu ua dizumba ku matala eneʼó kala kia bhanga jinga o ifuxi ia akua jixi jengi ia kaiesa kuala Jihova bhu pholo ia ene; iá a bhanga jinga muene ima ia ufusa, mbé o kubalumuna o njinda ia Jihova.

II Jisobha 17:8

Iá enda jinga mu jingonge ja ifuẋi ia akua jixi, ia kaiesa kuala Jihova bhu pholo ia anʼa Izalaiele, ni mu ifua ni jingonge ja jisobha ja Izalaiele ja di hingisila ngoho eneʼâ.

II Malunda 28:3

Mu dikôlo dia monʼa Hinono, muene uohela-mu ue o uasu ua dizumba; anʼê-muène ue, ua oha mu túbhia, kala o maufusa ua matumbu ma kaiesa Jihova bhu pholo ia anʼa Izalaiele.

II Malunda 36:14

O atumini oso mu jinganga ni kifuẋi ene a kexile mu kuvudisa dingi ni dingi muene, o itondalu mu ku kaiela o maufusa moso ma matumbu; anga a kasanesa o inzu ia Jihova iala mu Jeluzaleme, ia zelesele kiá kuala Jihova muene.

Jelemiia 10:2

Jihova uambe kiki: Ki mu di longe o njila ia akua matumbu mba o isuma ia diulu i mi sasumuisa: Kuma iene o ima ia mu kuatesa uoma ku akua jixi.

Ijila 18:30

Uila kiki, alukenu ki nga mi tendelelʼiki, mu fule kubhanga o ijiia ia isunji kala ia bhanga jinga ene kioso enu kiluua ngó muiza. Kana-phe ku di kasanesa na-iu; kuma Eme-muène ngi Jihova Nzambi ienu.

Matendelelu 20:18

Kuma avula ku mi longesa kufikisa o ima iâ, ia ufusa ni kubhuma, iene kubhanga ene ku jinzambi jâ ja mahamba; anga a mi tesa kituxi kua Jihova Nzambi ienu.

Matendelelu 9:4

Kioso-phe kia-nda ku a muanga kuala Jihova Nzambi ienu, enu anga a mi bhua ku mesu, ki muile ni miẋima ienu, muixi: Jihova ua tu mono tu athu ambote, kiene kia tu tudila mʼoxi iii phala i kale ietu, ki kiene; maji o ituxi ia ifuẋi iii, iene-ku ia bhangesa Jihova ku a kaiesa-mu.

Matendelelu 9:5

Ka ki bhangela mukonda dia kuuabha kuenu, mba mukonda ua mi mono ni muxima ualùngu kua muene; kana. Maji o ituxi ia ifuẋi iii, iene-ku iabhangesa Jihova Nzambi ienu ku mi kaiela-u; mbé o kuxikika o kikutu kia lokela Jihova Nzambi ienu ku jitata jenu, a Mbalahamu, ni Izake ni Jakobo.