Matendelelu 18:22 - O Mikanda Ikola

²² Kabasa kiá ki mu mona kuila polofeta uazuela kizuelu mu dijina dia Jihova, maji ki kia di kumbidila, o kia zuela ki kiene kiabhiti, kizuelu kiókio-phe ki Jihova ua ki zuela; polofeta ió ua ki zuela ngó ni izala iê; kana ku mukala ni uoma ua ku mu bhanga kiaiibha.

Matendelelu 18:22 ပူးပေါင်းရင်းမြစ်များ

I Jisobha 22:28

Anga Mika u zuela, uixi: Eie ku vutuka ni uembu, kale o Ngana ka zuelela moʼmuami. Uixi dingi: Enu athu oso ivuenu-kiu!

II Jisobha 20:1

Mu izuua muenhomo Ezekiia anga u kata, kukatela kúfua; anga o musesedi Izaia, monʼa Amoze, uiza mu ku di-mona-nê, hé u mu ambela, uixi: O Ngana uambe kiki: O dibhata dié ta-diu kiambote mu ididi, kuma uandu fua muene, kua-ndu kola muenhu, kana.

Jisabhu 26:2

Njila i nhungina kima, phiáphia u tukila ue kima; o muthu ue ku mu ta o mázui nʼa mu kuata, kale bhu kala kikuma.

Izaía 41:22

Ndokuenu, zenu mu tu kundile ima ioso ia-nda kuiza-ku; tu kundidienu ioso ima ia kexe-ku mu thembu jokulu, nda tu i tongolole, tu ʼijiie o disukelu diê; mba-phe tu ivisienu o ima ia hádia.

Jona 3:4

Jona anga u mateka kubokona mu mbanza, uende hanji ngó dikanga dia kizuua kimoxi, hé u boka, uixi: Kua kambe ngó makuinhi a uana a kizuua, Ninive a-nda ku mu sengulula, u jima mbutu.

Jona 4:2

Hé u sambela Ngana, uixi: U Jihova, ki kiene ki nga tangelʼiki, kioso ki ngala hanji kʼoxi iami? Kiene kia ngi bhekelele kulengela ku Talxixi, kuma ngejiia muene kuila eie u Nzambi ia henda ni kulenduka, ua vula o mbote ni muanu, u kokoloka kubeta, u lenguluka kukuatela henda, anga u lenguluka ue kudiela, ki uandala kubhana muthu kaxtiku.

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Matendelelu 18:20

Maji uoso polofeta u di metena mu ukumbu uê kuzuela kima mu dijina diami, sé eme ku mu tuma-kiu, mba-phe u di metena ku ta maka mu dijina dia jinzambi ja kioso-kioso, polofetʼio ua kà fua muene.

Matendelelu 18:21

O ki uzuela mu muxima ué, uixi: Tu kʼijiia kiebhi kuila o kizuelu kiki ki kia tundu kua Jihova?

I Samuuele 3:19

Samuuele anga uia ni ku kula, Jihova anga u kala-nê, kehela maka-mê moso-moso kuláuka bhoxi.