Matendelelu 18:20 - O Mikanda Ikola

²⁰ Maji uoso polofeta u di metena mu ukumbu uê kuzuela kima mu dijina diami, sé eme ku mu tuma-kiu, mba-phe u di metena ku ta maka mu dijina dia jinzambi ja kioso-kioso, polofetʼio ua kà fua muene.

Matendelelu 18:20 ပူးပေါင်းရင်းမြစ်များ

I Jisobha 13:19

Anga muene ualuluka, hé uiza, anga u dia mbolo mʼonzo iê anga u nua menha,

I Jisobha 18:19

Kala kiki-phe, tuma ku ngi bhongoluela Izalaiele ioso ku mulundu ua Karmelo ni hama jiuana ni makuinhʼatanu a jipolofeta ja dihamba dia Bahale ji bhongoloke ue, ni hama jiuana ja jipolofeta ja dihamba dia Asela ala kudia o makudia a tunda ku mezʼa Jezabele.

I Jisobha 18:27

Anga ki bhita-phe kuila, Elija u kuata ku a bhanga kasekelu, uixi: Dikodienu muene ni mázui ma suína mbata muene nzambi; amoxi sai ni bhabha ua landuka ku maka, mba uala ni kima kia kubhanga, mba ua kane njila ioso-ioso, mba-phe ua zeka, phala a tone.

I Jisobha 18:40

Elija anga u a tangela, uixi: Kuatenu jipolofeta joso ja Bahale, ki bhu lenge muthu. Anga a a kuata; anga Elija u kulumuka-nâ ku kangiji ka Kisone, anga u a jibhila kuenhoko.

Jelemiia 2:8

O jinganga a lembua kuila: Jihova uala kuebhi? O jimesene ja kitumu a lembua ku ngʼijiia; o alongi a ngi tondalela ijila; o jipolofeta a zambuila Bahale ni ku landukila ima ki i bhandulula kima!

Jelemiia 23:30

Uila kiki-phe, eme Jihova, nga bilukila jipolofeta jenhiji ja muʼia ni ku di nhana izuelu iami mudiâ, iú u nhana mukuá, iú u nhana mukuá.

Jelemiia 23:31

Jihova uambe, uixi: Eme nga bilukila muene jipolofeta jenhiji ja mu kuila, a zuela ima iâ ene, exi: Muene uambe uixi.

Jelemiia 26:11

Bhenhobho jinganga ni jipolofeta a tangela adiakime a Juda ni mundu uoso, exi: Muthu iú, muedi ua kúfua, mukonda enuʼenu mua dʼivila-kiu ni mátui menu kioso muene kia zambula o mbungula ku mbonge iii.

Jelemiia 27:15

Mukonda kʼeme nga a tumikisa, anga aia ni kuzambula ngó makutu mu dijina diami, phala eme ngi mi kaiele kuengi; enu ni mu jime o mbutu ni enu ni jipolofeta jene ala ku mi zambuila makutu; Jihova ua ki tange.

Izekiiele 13:6

Ala mu kumona kingoho ni kuzambula makutu, oso a mu zuela, kuila: Ngana uixi: mbebhu Ngana ki muene ua a tumikisa; anga a bhangesa athu ku kinga kuila o kizuelu kia tange ki bhite.

Zakadiia 13:2

Bhu kizuuʼokio-phe, kia kà kala kiki: Kuma majina ma iteka mu ngongo nga kà ma bhuisa-mu; o iteka ki bhuà kala dingi uoso u i xinganeka, Jihova dia Ilombo Ieta ua ki tange. Ni jipolofeta ja makutu mu ngongo nga kà ji kaiesa-mu, ki ja kà kala-mu dingi; ni nzumbi ioso ia ufusa ue ia kà tunda.

Zakadiia 13:3

Se bhu kala muthu u di metena ku zuela uanji ua upolofeta, tatʼâ ni mamʼâmuene, a mu vuala, a kà mu ambela, kiki, exi: Eie kua-nda kukola muenhu, mukonda eie ua zuela makutu mu dijina dia Jihova. O muene se ukuata kuzuela uanji ua upolofeta, o tatʼâ ni mamʼâ a mu vuala, ene muene a mu jibha.

Matesu 7:15

Dimukinenu o jipolofeta ja makutu, a mi kana mu izuatu ia jimbudi, maji moxi diâ-phe ala jimbinji jahame.

Matendelelu 13:6

O ki ku funhisa phangʼié, monʼa mamenu, mba monʼé eʼmuène, ua diiala mba ua muhatu, mba-phe mukajiʼé ua kazola muene kiá ua tokala bhuʼhata jé, mba kamba dié ua di kata-nê kala o muenhu ué eʼmuène, anga u ku fuetela, uixi: Tuende, tu bhandulule jinzambi jengi, o jene eie kua jʼijiia, né eie né jitata jé,

Matendelelu 17:12

Muthu uoso-phe usola kunanuka ni ukumbu, na kambe kubatekela kia mu ambela o nganga uene bhu pholo ia Jihova Nzambi ié, ne-mbé kuividila o kizuelu kia mufundixi, nguê na-kiu, kuabhu, muthu ió mu mu jibha afue muene. Sembele mu kubhanga kiki ituxi iende ni kubhua mu Izalaiele;

Matendelelu 18:21

O ki uzuela mu muxima ué, uixi: Tu kʼijiia kiebhi kuila o kizuelu kiki ki kia tundu kua Jihova?

Matendelelu 18:22

Kabasa kiá ki mu mona kuila polofeta uazuela kizuelu mu dijina dia Jihova, maji ki kia di kumbidila, o kia zuela ki kiene kiabhiti, kizuelu kiókio-phe ki Jihova ua ki zuela; polofeta ió ua ki zuela ngó ni izala iê; kana ku mukala ni uoma ua ku mu bhanga kiaiibha.

II Phetele 2:12

Athu enhá-phe kala iama ki i moneka kilunji, edi kala ibhaku ia ngó ia kukuata ni ku i jibha, enda ni kuxinga o ima ia tokoka ku i ijiia. A kà di bota mu kubola kuâ, a kà tambula o hadi, kuma kifutilu kia kubhanga kiaiibha.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Afundixi 2:15

Kuoso-kuoso ku a di tela a sanga lukuaku lua Jihova luala ku a bhanga kiaiibha, kaia Jihova muene kia a zuelelele ni kia a lokela, anga a kala mu tata kiavulu, kuma ku mbandu joso a a phopheka.