Matendelelu 18:18 - O Mikanda Ikola

¹⁸ Talesa-phe, Eme nga-nda kubalumuna kiá polofeta muʼaxaxi ka phange jé, mukua ni eie, anga ngi mu ta o maka mami mu kanu diê, muene anga u a jimbuila ioso i ngi mu tuma.

Matendelelu 18:18 ပူးပေါင်းရင်းမြစ်များ

Jisálamu 110:4

Jihova ua loka, ka ẋikina kualuluka, kuma eie uala u nganga inangenena, mukuâ ni unganga ua Melekizedeke.

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Makatukilu 4:12

Kiki-phe ndé kindala, eme muene ngi kala ni dikanu dié, ngi ku longesa kioso ki ua kà zuela.

Makatukilu 4:15

Eie-phe ua kà zuela ni muene, u mu ta maka mu kanu diê; eme-phe ngi kala ni dikanu dié, ni dikanu dia muene, anga ngʼenda ni ku mi longesa ioso i mu bhanga.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Izaía 51:16

Eme-phe ngi ta maka mami mu kanu dié, hé ngi ku vungina ni kilembeketa kia lukuaku luami, phala kuxikika o diulu, phala ue kusoma oxi, ni kuambela ue Ziione kuma: eʼmuène u povo iami.

Izaía 51:4

Athuʼami, ngʼivienunu muene, enu mu kifuxi kiami, ngi bhanienu mátui; mbata kokuami kuene kua-nda kutunda o kitumu, o uiukilu uami nga kà u xikika, ukala mukengeji ua ifuẋi ia athu.

Jelemiia 1:9

Jihova iú ua sunununa o lukuaku luê, anga u ngi tuta ku dikanu; anga Jihova u ngambela uixi: Tala, ngi ta maka mami mu kanu dié.

Hozeia 12:14

Ifalaíme ua lokalala kiavulu muene o njinda ia Jihova, maji o manhinga mê ma bhubhisa a-nda ku mu lunduluila-u ku thandu dia mútue uê, o Ngana iê ua-nda ku mu bhana o futu ia fuama o maufusa mê.

Amoji 2:11

Mu kaxi ka anʼenu nga zangumuna-mu amoximu phala kukala jipolofeta, o mu minzangala ienu mua tundu jinaziléu. Jihova uixi: Abha, enu mu anʼa Izalaiele, manhi ki kiene ki kia bhiti?

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Dialuilu 12:13

Mozé anga u di kola kua Jihova, uixi: Nzambi, mu sake, nga ku diondo.

Dialuilu 23:16

Jihova anga u takana ni Balamu, u mu ta kizuelu mu kanu, uixi: Vutuka kua Balake, u zuele Kienhiki.

Dialuilu 23:5

Jihova anga u ta kizuelu mu kanu dia Balamu, uixi: Vutuka kua Balake, u zuele kienhiki.

Luka 24:19

Muène uixi: Ima iahi? Ene a mu ambela, exi: Ima ia tokala kua Jezú dia mukua Nazalé. Muthu ió ua kexile polofeta i kôla ni mu ikalakalu, ni mu maka, bhu pholo ia Nzambi, ni bhu pholo ia mundu.

Nzuá 1:21

Ene anga a mu ibhudisa dingi, exi: Tuila-phe kiebhi? Manhi eie Elija? Uixi: Kana! Ki eme. Exi: Eie polofetʼoio tuene ku mu kinga? Uixi: Kana.

Nzuá 1:25

Anga a mu ibhudisa dingi, exi: Ihi-phe ia ku bhangesa kubatizala, se eie, ki eie u Kristu, ki eie Elija, ki eie u polofetʼoio tuene ku mu kinga?

Nzuá 1:45

Felipe anga u sota Natanaiele, u mu ambela, uixi: Etu tua sange muthu ió a mu soneka kua Mozé mu divulu dia Kitumu, iá a mu tange ue mu Mikanda ia jipolofeta. Muène Jezú, mukua Nazalé, monʼ a Zuze.

Nzuá 12:48

Uoso ua ngi di tunu, ua kambe kutambulula o maka mami, sai uoso u mu êlesa. Maka mami moso u nga tange, ene a ka mu êlesa mu kizuua kia kà suka-ku.

Nzuá 15:15

Ki ngi mʼixana dingi abhika, kuma mubhika kejiia ioso i bhanga ngana iê. Maji enu nga mʼixana-phe mu makamba, mukonda ima ioso i ngevu kua Tata iami, nga mʼ ijidisa-iu.

Nzuá 17:18

Kala ki ua ngi tumu Eme mu ngongo, kiene ue ki nga a tumu ene mu ngongo.

Nzuá 17:8

Mbata eme nga a bhana o maka oso u ua ngi bhele, o ene a ma tambulula, ia a kʼijiia kidi kuma eme nga tundu ko kué. Ene a xikana, kuma eie ua ngi tumu.

Nzuá 4:25

Muhatu ua mu ambela, uixi: Ngejiia kuma Mexiia ió a mu ixana Kristu, ua-ndu kuiza; hinu se ueza, Mùene u tu jimbuila ima ioso.

Nzuá 8:28

Kienhiki Jezú anga ua ambela, uixi: Ki mua kà zubha kuzangumuna o Monʼa Muthu, kiene ki muà kejiia mba Eme mukua-hi. Muà kejiia ue kuma Eme ki ngi bhange kima kʼ ubheka uami ngó, maji nga zuela kala kia ngi longo Tata.

Jipoxolo 3:22

Mukonda Mozé muène ua ki amba, uixi: Ngana hádia ua kà mi tubhuila polofeta mukuâ ni eme. O musèsedi muenʼió ua kà tunda mu ʼaxaxe ka mundu uenu muene. Enu-phe ivenu ioso ia kà mi tangela.

Jipoxolo 7:37

Muene Mozé umoxiʼú u tangela anʼ a Izalaiele, uixi: Ngana hadia ua kà mi zangelekela mu ʼaxaxe ka jiphange jenu enu-enu, polofeta mukuâ ni eme.

Matendelelu 18:15

Jihova Nzambi ié ua kà ku balumuina polofeta momué, muʼaxaxe kaʼphange jé, mukua nʼeme; muenhó muene kiá mua kà mu ivua.

Matendelelu 33:5

Uakexe ue Sobha mu Jesulume, kioso kia di bhongoluele o makota moso ma kifuẋi ni miji ioso ia Izalaiele.

Matendelelu 34:10

Kiluua kukala dingi polofeta mu Izalaiele kala Mozé, a mu ijidile kuala Jihova, katé kia diendela jinga mu kuzuela-nê pholo ni pholo.

Matendelelu 5:5

Thembu ienhoio eme ngemanene bhuʼaxaxi kenu o kuku Jihova, o koko enu, mbé o kuenda ni ku mi tudila izuelu ia Jihova; mukonda túbhia tua mi kuatele uoma, enu mua lembuele kubanda ku mulundu; o muene-phe, uexi:

I Timote 2:5

Mukonda sai-ku Nzambi imoxi ngó, ni Mubhangedi umoxi ngó u bhita bhu kaxi ka Nzambi ni athu—muène o muthu Jezú Kristu,

Jihebeleu 7:22

O kienʼiki kiene kia bhangesa Jezú kukala dilemba dia kikutu kiengi kia beta ujitu.