Matendelelu 18:13 - O Mikanda Ikola

¹³ Eie-phe kikale utenena kala kia tenena Jihova Nzambi ié.

Matendelelu 18:13 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 6:9

O malunda a Noué eneʼá: Noué ua kexi muthu uaiuka, sè kuêla kua kima muʼa xaxe ka akua muiji uê; Noué anga uenda ni Nzambi.

I Jisobha 8:61

Enu-phe muẋima uenu u tenene mu kudituma ni Jihova Nzambi ietu, nda muendele mu itumu iê, ni mu bhake o ijila iê kala lelu ki mua mu bhangʼiki.

Jobe 1:1

Kua kexile muthu, mu ixi ia Uze dijina diê a muʼixana Jobe. Muthu iú ua kexile kidi, muthu ua iuka, mukua uoma ua Nzambi; o ia ibha u i lenga.

Jobe 1:8

Ngana anga uibhula dingi Satana, uixi: Mubhikʼami Jobe ua mu mono? Mukonda ki kuala mukuá mu ngongo ua soko ni muene; muthu ua kidi, ua iuka o muẋima, u xila Nzambi, o ia ibha u i lenga.

Jisálamu 37:37

Batekela o muthu u bhanga ima ia kidi, u tale kiambote uemana nzanza; kuma ku pholo kuia muthu ió, kuà kala kutululuka.

Matesu 5:48

Kikale-phe mu zubha kutenena kala kia tenena Tata ienu uenu mu diulu.

Filipe 3:12

Eme ki ngedi kuma nga zubha kiá kutolola, ki ngedi kuma nga tenena kiá. Maji nga jiji ni kuenda, phala nga kà tambule kioso eme kia ngi kuatela Kristu Jezú.

Filipe 3:15

Ndokuenu kiá, etu oso-ku tua kulu kiá mu nzumbi, tu kadienu ni kilunji kia kuxinganeka jinga kala kiki. O ki kala sai ni bhuma bhu mua kuatela kilunji kiengi, kieniokio ue Nzambi u mi jimbuluila-kiu.

Josuué 24:14

Kiki-phe Jihova mu kuatedienu uoma, muende ni ku mu bhikila ni muẋima ua tenena ni kidi. Texenu o mahamba oso a xingidisa jinga o jitata jenu mu sámbua dia ngiji ia Ufalate ni ku Ijitu, nda mu bhikile Jihova.

Dijingunuinu 3:2

Di lange-phe, u kuatese ima ia xala-ku, ia-lu sota kufua. Mukonda ki nga ku mono ni kubhanga kimbamba kia tenena bhu pholo ia Nzambi iami.