Matendelelu 18:11 - O Mikanda Ikola

¹¹ mba mukua kubhuuíka, mba mukua kutaha ngombo ia jinzambi, mba mukua kubhanga iphata; ki mu kale ue mukua kuibhula phangu ku ma-difundu afua kiá.

Matendelelu 18:11 ပူးပေါင်းရင်းမြစ်များ

Makatukilu 22:18

Muloji kana ku mu ehela kulaia.

Izaía 8:19

Kioso ki a mi ambela: Tenu mizambu, ibhulenu akua kuxingila, ni imbanda, akua kuzuelela ku mazu ni ku di-ngunguina, o mundu mbé ki uibhula kua Nzambi iâ? Manhi kibhidi kia kuata athu a muenhu, mu kʼibhula kua iá a fu kiá?

Ijila 19:26

Ki bhu kale kima ki mudia ni manhinga mê; kana kukaiela imbanda mba mu kuata kuia ni kuzambula,

Ijila 19:31

Kana kukaiela imbanda akua-kusuma; kana kulandula akua-ithutha ia kuzambula ni kubhanga iphata; kana ku a kolomona, kuma muavula ku di kasanesa-nâ; Eme Jihova Nzambi ienu.

Ijila 20:27

Se bhu kala diiala mba muhatu ukala ni nzumbi ia kuxingila kilundu kia ngômbo-a-nhange, mba kithutha kia kuzambula ni kubhanga iphata, athu ió a fié muene, sé phata; mu a bûba ni matadi; o manhinga mâ a soke-nâ ene kuthandu diâ.

Ijila 20:6

O ki bhu kala ue muthu u bilukila mu ku ta muxima ku akua-ithutha ia kuzambula ni kubhanga, iphata, nʼende ni ku a kaiela ene, Eme-phe ngi mu ta diesu katé ki ngi mu batula muʼaxaxe ka povo iê.

Jipoxolo 16:16

Mu kukala kuenioko, kizuua kimoxi ki tu kala mu kuia ku kididi kia kusambela, tu takana ni kahatu uala ni kithûtha kia kuzambula. Muenʼiú mukua kunganhalesa jingana jê kitadi kiavulu mu kuzambula kuê.

I Samuuele 28:8

Saúlo anga u di kitula, u di ta izuatu iengi, anga uia, ni muene ni malʼaiadi endela-nê kumoxi, a kana muhatu muenʼiú mu usuku. Anga u mu ambela, uixi: Nga ku diondo, xingila ngombo ié, u ngʼixanene uoso ngi ku tumbuila-nê dijina diê.