Matendelelu 17:9 - O Mikanda Ikola

⁹ uie ku jinganga ja jilevita, ni kua mufundixi uoso uala-ku mu izuua ienhoio; eie-phe ibhula-u muene kiambote, ene-ze a kà ku jimbuile kizuelu kioso kiatetuluka ki u batula na-kiu o mulonga.

Matendelelu 17:9 ပူးပေါင်းရင်းမြစ်များ

I Malunda 26:29

Ku ji-izalitâ, Kenaniia ni anʼê a ate ku pholo ia Izalaiele phala o kikalakalu ku kanga, mu kukala atumini, ni kufundisa.

Makatukilu 18:16

Kioso, ene kia kala ni maka, eza kokuami, eme ni ngi fundisa bhu kaẋi ka muthu ni mukuâ, hé ngʼa tangela itumu ia Nzambi.

Makatukilu 22:8

Se muii ka mu kuata, mukuaʼnzo iê ki kale a mu bheka ku afundixi phala kuibhula kiambote se ua kuata lukuaku luê mu imbamba iangene ia mukuá.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Izekiiele 44:24

O kioso ki bhu kala mvunda, ene ue bhene bha kala muene, mbé o ku i fundisa; a i fundixila mu mabatuilu mami; o itumu iami ni jingonge jami, mu ionge ioso i kôla, a kà i aiuka muene, o jisabhalu jami a kà ji kôlesa.

Ajeu 2:11

Jihova dia Ifuẋi uambe kiki: Ibhudisa hanji kindala ku jinganga, o kitumu, kuila;

Zakadiia 3:7

Jihova dia Ifuẋi uambe kiki: Se uenda mu jinjila jami, anga uaiuka kiambote o ima i nga kuambela, eie ue ua kà findisa dibhata diami, ua kà kala ue u mulangidi ua imbaka iami, nga kà ku bhana kididi, ua kà nhungʼé muene muʼaxaxe ka iá ala bhabha.

Zakadiia 7:3

Iá ebhula ku jinganga ja kexile mʼonzo ia Jihova dia Ifuẋi ni ku jipolofeta, exi: Manhi, tu dila jinga kienhiki, ni kujila, bhu mbeji ia katatu kala ki tuene kiá ku ki bhanga mu mivu iavulu?

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Matendelelu 16:18

Mu mabhata moso ma-nda ku ku bhana Jihova Nzambi ié, ku ibuka, ibuka, mu ta-mu afundixi ni jifixiiadi, ende ni kufundisa o mundu ni ubatuilu ua tetuluka.

Matendelelu 17:10

Athu-phe ene bhu kididi kioso kia solo Jihova, hé a ku ambela kima, kiene muene ki u kumbidila; kioso kia ku longo kiene muene ki u tetulula na-kiu o maka.

Matendelelu 21:5

Kienhokio-phe o Jinganga ja anʼâ Levi ji bhiẋila-bhu, kuma o Jihova Nzambi ié ua a sola phala ku mu bhikila muene, ni kubenzela athu mu dijina dia Jihova; o ki bhu kala mulonga, mba manhinga, enhá ene a batula o maka.

Matendelelu 25:1

Se bhu kala athu kiiadi a di kuata mvunda, anga eza kufunda, phala ku a batuila milonga, uoso ualungu mu lungise; o uêle a mu elêse muene.

Matendelelu 33:10

A longo mabatuilu mé kua Jakobo, ni kitumu kié kua Izalaiele; Eʼmuene isenso ia dizumba dia uabha a ku fenhesa-iu, sata ja kuoha a ku tela-ju bhu kalatódio ké.