Matendelelu 17:17 - O Mikanda Ikola

¹⁷ Ka ki sese ue ku di vudixila ndumba ia ahatu, avula ku mu nhunganesa o muxima, anga ukuata ku di vudixila ue o phalata ni ulu.

Matendelelu 17:17 ပူးပေါင်းရင်းမြစ်များ

Dimatekenu 2:24

Mukonda dia kiki, kibhangesa diiala u xia tatʼâ ni mamʼâ anga u di banda kua mukajiʼê, ene kiiadi kiâ hé a di bhanga xitu imoxi ngó.

II Samuuele 12:11

Kala kiki, Jihova uixi: Ngi ku balumuina ufe mu dibhata dié muene; ngi ku tambula akajiʼé ku mesu mé, anga ngʼa bhana mukuenu uengi, muene uà kà zeka-nâ mu muanha uatu.

II Samuuele 5:13

Davidi anga u lumba dingi akama, u bhenga ue dingi ahetuʼê mu Jeluzaleme, kia zubha kutunda mu Hebolone; anga a vuala dingi anʼa mala ni anʼa ahatu a Davidi.

I Jisobha 10:21

O itutu ioso ue ia kunuina ia sobha Solomá ia kexile ia ulu, ni itutu ioso mʼonzo ia ditutu dia Libano ia kexile ia ulu uozunze kiambote. Ku sange-mu ima ia phalata, mukonda mu izuua ia Solomá o phalata ki ia tele kima.

I Jisobha 10:27

Anga sobha u bhangesa kuila mu Jeluzaleme mu izala ni phalata kala matadi; o misédulu mu kuvula, u fika kala mikuzu iala mu mikáu ku matutu.

I Malunda 14:3

Davidi hé usakana ue ahatu avuluʼ mu Jeluzaleme, anga uvuala uê ana mala avulu ni ana a ahatu.

II Malunda 1:15

Sobha anga u bhangesa kuila mu Jeluzaleme muizala ulu ni phalata kala matadi, o miẋi ia misedulu i vula kala mikuzu mu mikáu.

II Malunda 11:21

Lebouamu anga u beta kuzola Mahaka, monʼa Abisalone, ahetuʼê oso a mukuá ni jisai, ndenge; mbata muene ua kexile ni kuinhi dia muhatu ni nake ni makuinhi asamanu a jisai; anga u vuala makuinhi aiadi ni nake dia anʼa mala ni makuinhi asamanu a anʼa ahetu.

Nehemiia 13:26

Manhi o Solomá, o sobha ia Izalaiele, mu kusakana kuenhuku ki muene mua tele kituxi, suke muʼaxaxe ka ifuẋi ia athu avulu kana-mu sobha ia di fuile-nê, ni mu ku mu zola kuala Nzambi iê, ni mu ku mu bhanga kukala sobha ia Izalaiele ioso kuala Nzambi? Ku thandu diê-phe anga ahatu a akua matumbu a mu tesa kituxi.

Jisálamu 62:10

Kana ku di fiiala ungúngu, mba u kala mu ku ta thathe ni jimbongo ja kubhûnda; ku fike kuila u di bhanga ni uii; jimbongo se ji di vuala, ku ji dielele; katula-ku muene o muẋima ué.

Jisabhu 31:3

Ahatu-ze ku a handamene, kana ku a zangela o nguzu ia unzangala ué, mauendelu mê kana ku ma lungisa ku ahatu ió ene mu kutexikisa o jisobha.

Malakiia 2:15

Nzambi muene ka bhange dikaza dimoxi ngó? Nzambi ki muene uala ni nzumbi ia di xala? Mukonda diahi ua bhange dikaza dimoxi ngó? Ua kexi mu sota mbutu i mu xila. Kala kiki, alukenu mu miẋima ienu; ki bhu kale muthu uxa muhatuʼê ua unzangala nʼaii mu kusota muhatu uengi.

Matesu 13:22

A mu kuua mu minha, muenhú uívua maka, maji o luímbi lua mu ngongo-phe ni kusênduka kua jimbongo, kubhaka o maka mu a vundu, anga u tokoka kuima ibundu.

Matesu 19:5

Iú uambe, uixi: Mukonda dia kiki, diiala dixa tatʼâ ni mamʼâ, hé u di kuatenena kua muhatuʼê. Ene kiiadi kiâ anga a kala xitu imoxi.

Luka 12:15

Uambela enhoso, uixi: Ividilenu kiambote! Alukenu, mu di lange ku luímbi, mukonda o muenhu ua muthu ki u tundu mu umvuama uê ua kuvula o jimbongo.

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

I Timote 6:9

Mukonda oso-phe a bhindamena kukala jimvuama, ene kudibhala mu kudianguka, anga a fua mu mubhetu, ni mu jihânji javulu jaiibha ji tobhesa, ji bheka muthu mu kusenguluka anga u jikinina mu dibuikilu.