Matendelelu 17:16 - O Mikanda Ikola

¹⁶ O muene-phe ka di vudixile jikabalu; kana kuvutukisa o mundu mu Ijitu, mu kuvudisa dingi jikabalu; mukonda Jihova ua mi ambela, kuila: Njila iii ki mungu dingi mu i vutukila.

Matendelelu 17:16 ပူးပေါင်းရင်းမြစ်များ

II Samuuele 8:4

Davidi anga u mu bua midi ia muthu ni hâma sambuadi, akua kumondala jikabalo, ni makuinhi aiadi a midi, makuenze akua kuenda bhoxi; Davidi anga u batula mixibha ia jikabalo, u xia-ku ngó ji tokala mu hâma ia makalu.

I Jisobha 1:5

Thembu ienʼoio Adoniia, monʼa Hakiti, u di zangeleka, uixi: eme-muene ngi hinga o ungana; anga u iudikisa makalu, u sota akua jikabalu, ni makuinhi atanu a muthu enda ni ku mu tuamenena mu kuenda.

I Jisobha 4:26

Solomá anga u kala ni makuinhi auana a midi ia jikabalu ja tokala ku makalu, ni kuinhi dia midi ni midi jiiadi ja makuenze a mondala.

I Jisobha 5:6

Eie-phe ambela akua mbèle ié, a ngi kokele o miẋi ia misédulu iala mu muxitu ua Libano. O akua mbèle iami a kà kala kumoxi ni akua mbèle ié, o ioso-phe eme i u ngi xinda kubhana phala futu ia ku futa akua mbele ié, iene i ngi ku bhana; mukonda eie uejiia kiambote kuila o muʼaxaxi ketu kanamu athu ejiia kubatula, kiambote o miẋi, kala akua Sidónho.

II Malunda 1:16

O jikabalu ja kexile na-ju Solomá ja kexi mu ku tunda ku Ijitu; kuambe o linhu ia kubhota, abadi a sobha a kexi mu kuila o ngoji jê a ji sumba mu suilu ia tokala.

II Malunda 9:25

Solomá ue anga u kala ni midi jiuana ja ibhanga ia jikabalu ni makalu mâ, ni kuinhi dia midi ni kiiadi kia midi ia akua kusambela o jikabalu, anga u a uanena mu jimbonge ja makalu ni mu Jeluzaleme bhu mbandu ia sobha.

Jisálamu 20:7

Amoxi a di fiiala makalu a ita, amoxi a di fiiala jikabalu; etu-phe tu di fiiala dijina dia Jihova Nzambi ietu.

Makatukilu 13:17

Kia bhiti-phe kiki kuila, Falaó kia zubha kueha o mundu nʼaiâ, Nzambi ka a songuela mu njila ia akua Fidíxia, sumbala iene ia batulula; kuma Nzambi ua-mbe, uixi: Sumba mundu a diela, kia-ndu takana ni ita, a mesena a vutukila mu Ijitu;

Makatukilu 13:18

Kala kiki, Nzambi-phe ua nhungisa o mundu mu njila ia kikangalakata, njila ia Kalunga Kakusuka; anʼa Izalaiele-phe mu kutunda mʼoxi ia Ijitu, ene oso a maneka ibhakatu iâ.

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Izaía 2:7

Oxi iâ, iezala ni phalata ni ulu, jimbongo jâ ki jene mbambe; oxi iâ ue iedi ni jikabalu jinzungule, o makalu mâ kuvula kuahi.

Jelemiia 42:19

Jihova ua zuela ku mbandu ienu, eie u masubhu a Juda! Kana kubokona mu Ijitu; ijiienu-kiu mu kidi, kuila lelu nga mi bhela umbangi u mi bhanga kia ibha.

Izekiiele 17:15

Maji muene-phe ua mu bhukumukinʼé, iu ua tumikisa jiphunga ku Ijitu, mbé a mu tumikise jikabalu ni mundu uavulu; muenhó u bhanga ima iii, mbé u zediua hé u subhukʼé muene? Inga u bula o kikutu, u tena kusubhuka?

Hozeia 11:5

O mu Ijitu ka-nda kuvutukila-mu dingi, maji mukua Asídia muene u kala sobha iâ; mukonda a di tunu kudiela.

Hozeia 14:3

Asídia ki muene ua-nda ku tu bhulula; o ku jikabalu ue ki tua-nda kumondala-ku dingi; o kima kia bhange kuala makuʼetu, ki tua-nda ku ki tangela dingi, kuamba: Eie, eie kiá u Nzambi ietu; mukonda o monʼa kitungu, ua kambe tata ni mama, kiadi u ki bongela momué.

Mikeia 5:10

Anga kia kà bhita mu kizuuʼokio, kuma eme ngi Jihova, o jikabalu jé joso ji uala na-ju, nga kà ji buidisa, ni makalu moso nga kà a bukujula.

Matendelelu 28:68

Jihova ua kà mi bhangesa ku vutukila dingi ku Ijitu mu jinaviiu, ku njila iene ia kuambelele kiá, kuila: Njila iii ki mungu dingi u i kengelela. Kuenhoko-phe mua kà di bhakula ku jinguma jenu, muexi: Tu sumbienu phala tu kale tu abhikʼenu a mala ni abhikʼenu a ahetu, maji muthu ua kà mi sumba ka kà moneka.

I Samuuele 8:11

Anga uamba, uixi: Sobha mua-nda ku mu hingisa, utuminu uê uà kala kiki: U mi tambula anʼenu a mala, ua a bhanga makuenze ma makalu mê ma ita, ni ma jikabalo jê, a kala makuenze mê ma kusonguela o makalu mê ma ita.