Matendelelu 17:12 - O Mikanda Ikola

¹² Muthu uoso-phe usola kunanuka ni ukumbu, na kambe kubatekela kia mu ambela o nganga uene bhu pholo ia Jihova Nzambi ié, ne-mbé kuividila o kizuelu kia mufundixi, nguê na-kiu, kuabhu, muthu ió mu mu jibha afue muene. Sembele mu kubhanga kiki ituxi iende ni kubhua mu Izalaiele;

Matendelelu 17:12 ပူးပေါင်းရင်းမြစ်များ

Ejidala 10:8

O uoso mu izuua itatu kʼeza, kala kia tange o kaiula ka adiakimi ni ikulakaji, umvuama uê uoso a-nda ku u koleka, o muene-phe a mu uanununa, mu kilômbo kia iá a tundu mu ibhika ka kala-mu.

Jisálamu 19:13

Selevende ié, Ngana, mu fudise o kubhuma kua izala; o ima ia ku di zangeleka ki iende ni ku ngi tumina; phala ngʼimane nzanza ni kulunga, mbé ki ngi kale ni kituxi kia dikota kokué.

Jisabhu 21:11

O seletete mukua kusebha, kioso kia bonga o kaxitiku, kieneʼokio-phe ki bhangesa kuila o kiximba u biluka njimu; kuma o njimu-phe kia mu longa o kikombo, ki mu tetulukila lusolo.

Hozeia 4:4

Ki bhuala muthu-phe u zoka, ki bhuala u bazela mukuá; mukonda o mundu ué a sokoʼâ ngó mukuâ ni ió a zoka ni nganga.

Zakadiia 3:7

Jihova dia Ifuẋi uambe kiki: Se uenda mu jinjila jami, anga uaiuka kiambote o ima i nga kuambela, eie ue ua kà findisa dibhata diami, ua kà kala ue u mulangidi ua imbaka iami, nga kà ku bhana kididi, ua kà nhungʼé muene muʼaxaxe ka iá ala bhabha.

Dialuilu 15:30

Muthu uoso-phe u ta kituxi ku luelu, a kale mvàle, a kale nzuángiza, ua bhumina Jihova, muthu ua ku mu batula ku kifuẋi kiê.

Dialuilu 15:31

Mukonda ua tobhesa kizuelu kia Jihova, ua bulu kitumu kiê, muthu ió a mu batula muene ku kifuẋi; kituxi kiê ki kala muene ku thandu diê.

Matesu 10:14

Uoso ka mi tambulula, mba u kamba kuívua maka menu, ki mu tunda mu inzuʼ oio mba mu mbongeʼ omo, mu a kukumuina fufuta ia inama ienu.

Luka 10:16

Bhenhobho Jezú anga u ambela o maxibuluʼê, uixi: Uoso u mʼívua enu, eme a ngʼivu; uoso u mi tènda, eme a ngi tènde; o uoso-phe u ngi tènda eme, ua tènda ió uoso ua ngi tumu.

Nzuá 12:48

Uoso ua ngi di tunu, ua kambe kutambulula o maka mami, sai uoso u mu êlesa. Maka mami moso u nga tange, ene a ka mu êlesa mu kizuua kia kà suka-ku.

Nzuá 20:23

Muthu uoso mu mu loloka ituxi iê, i kala iòloloke. O uoso ituxi iê mu i xalesa, i xala muene.

I Kolindo 5:13

Athu-phe ku kanga, Nzambi muene ua kà a fundisa. Kala ki ambe o Madivulu a Nzambi: Muthu ió ua bhukumuka mu tubhudienu mudienu.

Matendelelu 1:43

Maji ki nga zuelʼiki, enu ki mua ki suu; Jihova mua mu ẋinukina kiá, mua di zangeleka, nguenu kutumaka o kizuelu kiê. Anga mu banda muene o mulundu.

Matendelelu 10:8

Mu thembu muenhomo Jihova anga utungula kibuka kia Levi, phale kuambata o álaka ia kikutu kia Jihova, ni kukala bhu pholo ia Jihova, mu ku mu sedivila, nʼende ni kubhana kizediuise ku athu mu dijina diê, katé mu kizuua kia lelu.

Matendelelu 13:11

Bhanga-kiu muene, nda Izalaiele ioso a kʼivue, a kale ni uoma, mbé kʼalukile kubhanga kisunji kala kiki mudienu.

Matendelelu 13:5

O Polofetʼoio-phe, mba ka-jinzojʼó mu mu jibha, mukonda ua tange ima ia kubhumina Jihova Nzambi ienu, ua mi katula mʼoxi ia Ijitu, iú ua mi kula mu dibhata dia ubhika mu mua kexi; muene iú ualu sota ku mi katula mu njila ia mi xindila Jihova Nzambi ienu. Mu kubhanga kiki, mua katula o ku-ibha muʼaxaxe kenu.

Matendelelu 13:6

O ki ku funhisa phangʼié, monʼa mamenu, mba monʼé eʼmuène, ua diiala mba ua muhatu, mba-phe mukajiʼé ua kazola muene kiá ua tokala bhuʼhata jé, mba kamba dié ua di kata-nê kala o muenhu ué eʼmuène, anga u ku fuetela, uixi: Tuende, tu bhandulule jinzambi jengi, o jene eie kua jʼijiia, né eie né jitata jé,

Matendelelu 17:13

mundu uoso nda a kʼivue, a kale ni uoma mu muxima, mbé ka kale jinge ni izala.

Matendelelu 17:7

O lukuaku lua jimbangi luene lu mu andekela o ku mu bûba phala ku mu jibha; anga ku kaiela kiua o mundu uoso; mu kubhanga kiki mua katula o kituxi muʼaxaxi kenu.

Matendelelu 18:20

Maji uoso polofeta u di metena mu ukumbu uê kuzuela kima mu dijina diami, sé eme ku mu tuma-kiu, mba-phe u di metena ku ta maka mu dijina dia jinzambi ja kioso-kioso, polofetʼio ua kà fua muene.

Matendelelu 18:5

Mbata o Jihova Nzambi ié muene ua tungula o nganga mu miiji ié ioso, phala akale mu kikalakalu kia kubhikila o dijina dia Jihova, ni muene ni anʼê a mala, izuua ioso.

Matendelelu 18:7

hé ukuata kusedivila mu dijina dia Jihova Nzambi ié, kala kiala kusedivila o jiphange jê joso, o jilevita jene bhenhobho bhu pholo ia Jihova,

I Tesalonika 4:2

Mukonda enu muejiia o mutendelelu u tua mi xila mua Ngana Jezú.

I Tesalonika 4:8

Uila kiki, uoso ua ditunu o ulongelu iú, ki muthu a mu ditunu, maji ua ditunu Nzambi mukua ku mi tumikisa o Nzumbi iê Ikôla.

I Timote 5:20

Oso a ta ituxi, a bazele bhu pholo ia ene oso, phala akuâ a kale ni uôma.

Josuué 1:18

Uoso u bhukumukina kizuelu kié, mba u kamba kuívua ima ioso i u muambela, a kale muthu ua ku mu jibha; kia kate-ku eie ku kala u kindanda, u kole kiambote muxima.

Afundixi 20:13

Kiki-phe mala enhó a sekala, ala mu Ngibeia, tu bhakuidienu-nâ, tu a jibhe, phala kituxi kiki tu ki bhuise mua Izalaiele. Bajamí-phe ka xikina kuivua o dízui dia akuâ, o phange jê anʼa Izalaiele.

I Samuuele 3:13

Mukonda nga mu tangela kiá kuila dibhata diê ngi di êlesa ku mivu sé dizubhilu, mukonda dia kutondala kuejiia muene, mbata anʼê a di bhange ifusa, muenephe ua tokoka o ku a bazela ni kua fudisa.