Matendelelu 17:1 - O Mikanda Ikola

¹ Kana kusatela Jihova Nzambi ié ngombe mba kibhaku kioso kiofele, se kiala ni kisemu mba unema uoso-uoso; kienhókio Jihova Nzambi ié kia mu iibhila.

Matendelelu 17:1 ပူးပေါင်းရင်းမြစ်များ

Dimatekenu 41:19

Kithangana ngi mona dingi sambuadi dia ngombe jamukuâ ja kaiela akuâ mu tunda mu menha; jiji-phe o kuiibha kuvula ni kubhela ni jene bheletu, kiluua ngi mona jingombe jaiibha kiki mʼoxi ioso ia Ijitu.

Makatukilu 12:5

O mbudi iene i kala iadisanze sé ngó unema, ndumbe ia kiubha kimoxi; hé ku jimbudi mu katula, hé ku jihombo mu katula;

Jisabhu 11:1

Pezu ia kupezala ni mangonha Jihova ia mu ibhila kiavulu; maji o nzongo-phe ia kuzonga mu kidi, iene ku mu uabhela kinéne.

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jisabhu 20:10

O pezu ku kala luiadi, ni nzòngo ku kala luiadi, ima iiadi iii Jihova ua di zemba na-iu.

Jisabhu 6:16

Ima isamanu iii Jihova ua di zemba na-iu, o kia sambuadi-phe kua muene kisunji:

Ijila 1:3

Ujitu uê se u kala sata ia kuoha ia ngombe, a sole ia ndumbe, sé ngó unema; a i bheke muène mu vondadi iê, bhu muelu ua balaka ia kutakanena, phala a i ẋikine bhu pholo ia Jihova.

Malakiia 1:8

Mukonda kioso ki mu satela kibhaku kiafu mesu, muexi ki ki di kima, manhi ki kima kiaiibha? Se mu satela kibhaku kiala mú tenguna ni unema, mba kiala ni uhaxi, muexi ki ki di kima, manhi ki kima kiaiibha? Bhakula hanji o ujitu kala iú, kua muenexi uenu; muene uanda ku ku sakidila, inga muene ua-nda ku ku tambulula? kiene kiambe Jihova dia Ifuxiʼiki.

Dialuilu 29:8

maji-phe mu bhakula sata ia kuoha, ia Jihova, mu dizumba diambote: Kangombe kamoxi ka ndumbe, kilumbe kia mbudi, sambuadi dia tumbudi tua ndumbe, tua muvu umoxi; ki tu moneka dixaka; mu i kuata;

Matendelelu 15:21

Maji-phe, se uanemana, uala huhi, mba kifuôfo mba unema uengi uoso-uoso kana ku mu lumbila Jihova Nzambi ié.

Matendelelu 23:18

Kioso ki uiza mu kumbidila hasa ié mʼonzo ia Jihova Nzambi ié, kana kubheka-mu kitadi kia lumbula kidianzunga mu uuaia, mba suilu iatundu ku uenji ua imbua i ua sumbisa. Mbata ima iiadi ienhiʼii Jihova Nzambi ié ua di zemba na-iu, kuma ufusa.

Matendelelu 24:4

munumiʼê uadiangʼó, ka tena dingi ku mu vutukila ku kala mukajiʼé, kia zubha kiá o ku mu kasanesa kuengʼiki. Mukonda o kienhókio kikôla kua Jihova kuma ku mesu mê ió ufusa; oxi-phe ia ku bhana kuala Jihova Nzambi ié mu ubhinganu, eie kana ku i bokuesa lufuku.

Matendelelu 25:16

Muthu uoso u bhanga o mangonha, ió kua Jihova Nzambi ié-phe, kikôla! Kuma Jihova Nzambi ié ua di zemba ni muthu uia ni kufumba akuâ ni ku a bhanga mangonha.

Matendelelu 7:25

Iteka iâ ia kusonga, ia jinzambi jâ mu i ta mu túbhia; ni phalata ni ulu uoso ua zunzila ku iteka ioio ki i mi kuate luimbi, ki mu i katule ni i mi bhekele kidibukanu ki mi jikinisa; mukonda ima ienhoio kua Jihova Nzambi ienu ufusa!

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

I Phetele 1:19

maji a mi kula mu manhinga ma te kiengi, kifua ma kambudi ki ka moneka kisému, mba dixaka, o manhinga ma Kristu.