Matendelelu 16:9 - O Mikanda Ikola

⁹ Kienhókio u kondala-phe kiá sambuadi dia semana, u andekela bhu kizuua kia kuila omvo a i te kiá mu mábhia, phala kumateka kumuna, anga eie uandeka kukondala sambuadi dia semana.

Matendelelu 16:9 ပူးပေါင်းရင်းမြစ်များ

II Malunda 8:13

O kienʼiki hé u ki bhanga muene kala kia tokala mu izuua ioso, ni kubhakula kala kia tumu o kijila kia Mozé mu jisabhalu, ni bhu jimbeji ja thethama, ni mu jifesa, lutatu ku muvu: Bhu fesa ia jimbolo ja ususu, ni bhu fesa ia jisemana, ni bhu fesa ia jifundu.

Makatukilu 23:16

Ni kizokola kia idima ia dianga, kia ibundu ia kutomona, kioso ki mu mateka kudia-ku ku muanu uenu ua kudima mu díbhia; ni kizokola kia kumuna idima ki batuka o muvu, kioso ki mu zubha ku bhongoluela ku bhata o ima ioso ia tundu mu kukalakala kuenu ku mábhia.

Makatukilu 34:22

U kuata jinga ue o fesa ia jisemana, mu kumateka kumuna tiliku, ni fesa ia kubhongolola o idima ki batuka o muvu bhu bhuilu diê.

Jipoxolo 2:1

Kizuua kia Pendekoxi ki kia zubhile kubhiẋila, ene oso a kala bhu kididi kimoxi ni muẋima umoxi.

I Kolindo 16:8

Maji ngendi ngi xikama-phe hanji kunu ku Efezo katé bhu Pendekoxi.

Matendelelu 16:10

O ki ji bhita kiene ki u bhanga fesa ia jisemana phala Jihova Nzambi ié; kioso kia ki u bhakula bhenhobho, kikale lubhaku lua vondadi ié lu u kuata; lusoke-phe kala kioso kia kubhandulula kuala Jihova Nzambi ié.

Matendelelu 16:16

Mala oso mu kaẋi kenu a tokala kuiza lutatu ku muvu mu ku di bhakula bhu pholo ia Jihova Nzambi ié, bhu kididi bhuoso bhua solo muene; moxi, bhu fesa ia jimbolo ja hangâla; kadi, bhu fesa ia jisemana; tatu, bhu fesa ia jifundu; maji kana kuiza ni maku ahatu bhu pholo ia Jihova.

Jihebeleu 2:1

Uila kiki, tua fuama tu kuata dingi muanu ua ima ioso ia kidi i tuevu, sumba se tu di ehelela, tu kunguluka.

Lute 2:23

Kienhiki Lute anga u nhenganana o ilumba ia Bouaji ni kunona, katé ene kia zubha kumuna sevada, ni kumuna ue dingi o tiliku. Lute anga u tunga-phe ni ukouʼê.