Matendelelu 16:3 - O Mikanda Ikola

³ Bhu fesa ii kana kúdia mbolo i kala ni felemendu, sambuadi dioso dia izuua muenda ni kúdia jimbolo ja hângala, jimbolo ja dilamba, (mukonda mua tunda ni lusolo mʼoxi ia Ijito) jene ji mi lembalesa kizuua ki mua tundu ku Ijito; kienhiki nuka ki mi jimba, izuua ioso ia muenhu uenu.

Matendelelu 16:3 ပူးပေါင်းရင်းမြစ်များ

I Jisobha 22:27

anga mua kèla: Sobha uambe kiki: Diiala iú mu jikilienu mu kaleia, anga mu mu dikila jinga ni mbolo ia phaxi ni menha ma jingongo, katé eme kioso ki ngiza ni uembu.

Jisálamu 102:9

Ngadi o uthókua kala mbolo, o ki ngi nua, mu di lunga ni masoxi.

Jisálamu 111:4

Ikalakalu iê ia madiuanu ia xala muene fuma; Jihova ualenduka, u kuatela henda.

Jisálamu 127:2

Kingoho ue o kudimeneka ku thonga, ni kuseiala usuku kudia kua ku di huha; kuma oso a a zolo kuala muene, a a bhela ku kilu.

Makatukilu 12:11

Mu i dia kala kiki: Mua zuata, mua di bhadika, jihaii ku inama o mbangala bhu lukuaku; mu i dia ni lusolo; kuma iene o Phasu ia Jihova.

Makatukilu 12:17

O fesa ia jimbolo ja kambe felemendu, mu i kuata kienhiki; kuma kizuua kimoxʼiki, kiene kizuua ki nga katula o ilombo ienu mʼoxi ia Ijitu; mukonda dia kiki, mu kuata kizuuʼiki ku miji ienu ioso, katé ku hádia ni hádia; ki kala kijila ki nga mi bhana.

Makatukilu 12:39

Anga a kanga o jimbolo ja kambe o felemendu, ku ikose ia tundu na-iu mu Ijitu; kuma ka tele-mu luua felemendu, mukonda o kutunda mu Ijitu kifua ku a kaia, ka a bhana kithangana, ni huta ka i iudika dingi.

Makatukilu 12:8

Xitu a i dia usuku uenʼió, ia uóhe ku túbhia, ni jimbolo ja kambe felemendu; a i elela mafe a lulu.

Makatukilu 34:18

U kuata jinga o kijila kia fesa ia jimbolo ja kambe felemendu. Sambuadi dia izuua u dia jimbolo ja kambe felemendu, kala ki nga ku tumu, thembu ioso i nga mi lekela bhu mbeji ia Abibe; kuma mbejí ioio, ia Abibe, iene i mua tundu na-iu mu Ijitu.

Izaía 52:12

Kuma ki mua-nda kutunda ni lusolo, kana, ki mua-nda kuila kala mua lenge; mbata Jihova muene ua-nda ku mi tuamenena ku pholo, O Nzambi ia Izalaiele anga ua kà kala kuema dienu.

Ijila 23:6

O ki kúkia mu kizuua kia kuinhi ni tanu, Fesa-phe ia jimbolo ja kambe felemendu kua Jihova; mu dia jimbolo ja kambe felemendu katé mu sambuadi dia izuua.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Dialuilu 28:17

Kizuua kia kakuinhi ni kitanu ki kala kia kizokola, mu dia jimbolo ja kambe kifulufulu kia kinanesa mu sambuadi dia izuua.

Dialuilu 9:11

A i bhitisa kiá bhu mbeji ia kaiadi, bhu kizuua kiê kia kuinhi ni kiuana, mu kumbi dia ngoloxi; a i dia ni mbolo ia kambe kifulufulu kia felemendu, ni iangu ia lulu.

Luka 22:19

Anga u katula o mbolo, u sakidila Nzambi, anga u i uana, u i bhana o maxibulu, uixi: Iú uene o mukutu uami, [uòbhane mukonda dienu. Bhangenu jinga kienhiki mu ku ngi banza eme.

I Kolindo 5:8

Uila kiki, tu bhangienu o fesa ia Phasu ietu, kana ni mbolo ia kifulu-fulu kiokulu, o kifulu-fulu kia ituxi ni jiphanda, maji ni mbolo ja hangala, o mbolo ja kuiuka ni kidi.

Matendelelu 16:2

Bhu Phasu u satela jinga-phe Jihova Nzambi ié o jimbudi ni jingombe bhu kididi kioso kia solo Jihova Nzambi ié, kukala dibhata dia Dijina diê.

Matendelelu 4:9

Hé kima, di lange-phe ngó kiambote eie-muène, enda ni kuinga ue kiambote o muenhu ué, o ima i ua mono ni mesu mé ki i ku jimbe, ki i ku bhue ku muxima, enda ni ku i banza katé bhua kà suka o muenhu ué, uende ni ku i longesa ku anʼê katé ku mululu ni ku muláula.

I Tesalonika 1:6

Enu anga mu kala mu afikixi etʼuetu, mu afikixi ue a Ngana. Kuma o maka mua ma tambula ni hadi iavulu, ni ngalasa ioio i tunda kua Nzumbi Ikôla.

Josuué 4:7

Kienhókio mua kà a tangela, muixi: Mukonda menha a Njolodá a batukile bhu pholo ia álaka ia kikutu kia Jihova; kioso ki ia zaukile Njolodá, menha a Njolodá a batukile ku thala iê; matadi enhá-phe a kala dixinganeku di nangenena dia anʼa Izalaiele.