Matendelelu 16:22 - O Mikanda Ikola

²² Kana ue kuimika-bhu kiteka, kuma kienhókio Jihova Nzambi ié ua di zembana-kiu.

Matendelelu 16:22 ပူးပေါင်းရင်းမြစ်များ

I Jisobha 14:23

Mbata akua Juda ene uâ a tungu ididi ia matala ma di leka, ni iteka, ni idifua ia jinzambi ja ditutu ku milundu ioso ia di leka ni bhoxi dia miẋi ioso ia uisu ia di zandela.

II Jisobha 17:10

Iá a di-kubila iteka ni idifua ia mixitu mu tu milundu tuoso ni bhu ixina ioso ia miẋi ia di-zandela.

Makatukilu 20:4

Kana ku di iudikila kiteka kiósonge, né kidifanganu kioso kia kima ki kala mu diulu ku thandu, mba mu ngongo bhoxi, mba mu menha kʼoxi a mavu.

Makatukilu 34:13

Maji o kalatódio jâ mu ji bula, iteka iâ mu i bukujula, o matutu ma Axelahe mu a kokela bhoxi.

Jelemiia 44:4

Eme-phe, abhikʼami oso, o jipolofeta, nga mi tumikisa-nâ, ngi di meneka mu ku a tumikisa ku mi tangela, kuila: Tatʼenu! Kana kubhanga kiki kia bolo ki nga ibhila eme.

Ijila 26:1

Kana, ki mu di iudikile mahamba, ki mu dʼimikine iteka ia kusonga mba jipholela, o mʼoxi ienu ue ki mu xikike-mu fikula ia ditadi, phala kuenda ni ku i fukamena; mbata Eme-eme ngi Jihova Nzambi ienu.

Zakadiia 8:17

Ki bhu kale muthu mudienu u xinganeka mu muẋima uê kima kia phulu kua mukuâ, mba bhu kala muthu u uabhela kuloka mu makutu; kuma ima ioso iii ia ngi ibhila, Jihova ua ki tange.

Matendelelu 12:31

Jihova Nzambi ienu ki mu mu bhange kiókio, kana; xinganekenu kuma ima ioso ia ufusa ia ibhila Jihova, ia di zemba na-iu muene, iene ia bhanga jinga ene kioso kia bheza jinga o jinzambi jâ. Katé ni tuana tuâ tua mala, ni tuana tuâ tua ahatu akexe ku tuoha mu túbhia, mu kusatela jinzambi jâ.

Matendelelu 4:16

kana-phe kutambula lufuku lua ku di iúdikila kima kioso-kioso kia kusonga, kiteka ki kala ni lubhe lua muthu, u kala ni ukexilu ua diiala mba ua muhatu,

Matendelelu 4:23

Alukenu-phe, kana kujimba o kikutu kia te Jihova Nzambi ienu nʼenu; kana ku di songela kiteka kioso-kioso, mba ilúmbua ia ima ia mi kidika kuala Jihova Nzambi ienu.

Matendelelu 4:25

O kioso-phe ki mu vuala ana ni aláula, anga muiza ku uadiakimi, ni jimvi mu mútue, mʼoxi muenhomo, hé ku mʼiza lufuku lua ku di songela kiá iteka mba ima ikala ni kidifua kioso-kioso, o Jihova kia kʼila sûi, anga ki mu ibhila kuma mua mu lokalala.

Dijingunuinu 2:15

Sai-ku ue amoxi muʼaxaxe kenu a kuata ulongelu ua akua Nikolau, Kienhokio ue eme nga di zemba na-kiu.

Dijingunuinu 2:6

Maji sai-phe ki uala na-kiu, kia kuzemba ima i bhanga akua Nikolau, eme-muène ue nga di zemba na-iu.