Matendelelu 16:2 - O Mikanda Ikola

² Bhu Phasu u satela jinga-phe Jihova Nzambi ié o jimbudi ni jingombe bhu kididi kioso kia solo Jihova Nzambi ié, kukala dibhata dia Dijina diê.

Matendelelu 16:2 ပူးပေါင်းရင်းမြစ်များ

II Jisobha 23:21

Sobha bhenhobho o mundu uoso u a xikila o ngonge, uixi: Jihova Nzambi ienu mu bhangedienu o kizokola kia Phasu, kala kia ki soneka mu divulu didi dia kikutu.

II Malunda 35:7

Joziia anga u bhana ku anʼa kifuẋi tumbudi ni tuhombo tua ndumbe, tua kilunga, tuene tuoso phala jisata ja Phasu, ku athu oso a bhongolokele bheneʼobho. Tumbudi ni tuhombo anga tu tena makuinhi a tatu a midi, o jingombe midi jitatu, imʼiii ia tundu ku jimbongo ja sobha.

Dialuilu 9:2

Anʼa Izalaiele a bhitise Phasu bhu kizuua kiê kioso kia i xindi.

Matesu 26:17

Mu kizuua kia dianga kia Fesa ia Jimbolo ji Kamba Kithûthume, jixibulu jiza kua Jezú, exi: Tu ku iudikila kuebhi, Ngana, ku ua mesena kudila o Phasu?

Matesu 26:2

Enu mua kʼijiia kuila kua kambe ngó izuua iiadi, kuanda kuiza Fesa ia Phasu, o Monʼa Muthu-phe a-nda ku mu thelekala phala ku mu phaphela ku dikulusu.

Marku 14:12

Kutula mu kizuua kia dianga kia Fesa ia Jimbolo ji Kamba kithûthume, thembu o Jijudé iene kujibha o jimbudi phala kusata o Phasu, jixibulu je, exi: Kuebhi, Ngana, ku ua mesena ku tuia mu ku zalela, ku u dila o Phasu?

Luka 22:15

Anga ua ambela, uixi: Nga Seme ni vondadi iavulu kúdia o Phasu iíi ni enu, kiosuʼ iki kiluua ngi mateka kubhita ni jingongo ji nga-nda kumona!

Luka 22:8

Jezú anga u tuma Phetele ni Nzuá, uixi: Ndenu kà iudikienu o Phasu nda tu i die.

I Kolindo 5:7

Kombenu-phe o kifulu-fulu kiokulu kia ituxi, nda mu xale ni kuzela kua kidi. Bhenhobho mbé mu kale mu dikende diobhe, kuma muala ku hangala. Mukonda o fesa ietu ia Phasu, ioiudike kiá, kiosuʼ iki Kristu, o Kambudi ka Phasu ietu a tu satela-nê kiá.

Matendelelu 12:11

Kiene kiua Jihova Nzambi ienu kia kà sola kididi bhua kà tunga ue kiá o Dijina diê; o bhenhobho bhene bhu mua kà bheka jinga ioso-lolo i nga mi xindi: jisata jenu ja kuoha, mibhaku ienu ia kusatela, ni madijimu menu, ni ma-ujitu menu ma ku di fikixila bhu lukuaku luenu, ni ioso kiá i mu sola kubhakula ni hasa ioso i uate kua Jihova.

Matendelelu 12:14

maji jisata ja kuoha ni ima ioso kiá i nga ku xindi kale u ji bhakuila bhu kididi kioso ki sola Jihova, phala kukala kididi kiê, muʼaxaxe ka kibuka kimoxi kia tungula mu ibuka ienu.

Matendelelu 12:18

o ima iii ki muiza mu ku i dia, mu i dila bhu Bhata dia Jihova Nzambi ienu, bhu kididi kia tungula Jihova Nzambi ienu bhene bhu mu ongama, nʼenu ni anʼenu a mala ni ahatu, ni jiselevende jenu ja mala ni ja ahatu, ni jilevita joso ji mua tungu na-ju mu mbonge ienu; o bhu Bhata dia Jihova Nzambi ienu bhene bhu mu sangulukila jinga ni ima ioso i mu suualela jinga,

Matendelelu 12:26

Maji ioso ima i ua lumbila Nzambi, ni ioso kiá i mua tela hasa ienu, muiza na-iu muene bhu kididi kioso kia tungula Jihova,

Matendelelu 12:5

Bhuoso kiá bhu kididi kia solo kuala Jihova Nzambi ienu muʼaxaxi ka miji ienu ioso, phala kuxikika-bhu o Dijina diê, bhene bhu muia jinga, kuma bhene bhu bhata diê.

Matendelelu 15:20

Uiza-na bhu pholo ia Jihova Nzambi ié bhene bhu ua a dila, muvu ni muvu, bhu kididi kia tungula Jihova, nʼeie ni athu oso ala bhu jiku dié.

Matendelelu 16:1

Aluka mbeji ia Abibe, ubhange jinge o fesa ia Phasu kua Jihova Nzambi ié; mukonda bhu mbeje ia Abibe bhene bhua ku katula Jihova Nzambi ié ku Ijito, mʼusuku.

Matendelelu 16:3

Bhu fesa ii kana kúdia mbolo i kala ni felemendu, sambuadi dioso dia izuua muenda ni kúdia jimbolo ja hângala, jimbolo ja dilamba, (mukonda mua tunda ni lusolo mʼoxi ia Ijito) jene ji mi lembalesa kizuua ki mua tundu ku Ijito; kienhiki nuka ki mi jimba, izuua ioso ia muenhu uenu.