Matendelelu 16:18 - O Mikanda Ikola

¹⁸ Mu mabhata moso ma-nda ku ku bhana Jihova Nzambi ié, ku ibuka, ibuka, mu ta-mu afundixi ni jifixiiadi, ende ni kufundisa o mundu ni ubatuilu ua tetuluka.

Matendelelu 16:18 ပူးပေါင်းရင်းမြစ်များ

I Malunda 23:4

Davidi anga uzuela, uixi: Kua iá ku tunda makuinhi aiadi a midi ia muthu ni midi jiuana, phala kubhanga jinga o kikalakalu kia inzo ia Jihova, ni midi jisamanu ja asoneki, o jifixiiadi ni afundixi.

I Malunda 26:29

Ku ji-izalitâ, Kenaniia ni anʼê a ate ku pholo ia Izalaiele phala o kikalakalu ku kanga, mu kukala atumini, ni kufundisa.

Ejidala 7:25

Eie-phe kiá, Ejidala, mu kuijiia ku uala na-ku, kua Nzambi ié, kuala bhu lukuaku lué, u sola atumini ni afundixi, aia ni kufundisa athu oso ala ku sámbua diodio dia honga ia Ufalate, oso kiá ejiia itumu ia Nzambi ié-eie; o ió uoso ua kambe ku ijiia, mu muʼijidisa na-iu.

Makatukilu 18:21

Sota mu mundu, oso athu a tena, ala ni kilunji, akua uoma ua Nzambi, akua kidi, ka ẋikina kúdia mangonha, u a tese ku pholo; iá a tambula konda ia jimidi, iá a tambula konda ia jihama, iá a tambula konda ia makuinhi atanu, o iá dikuinhi-dikuinhi;

Makatukilu 21:22

Hé bhu kala mala ala mu zoka, anga a kuama muhatu uala mu mikutu iiadi, anga ki mu bhangesa kuseluka mona, maji muene-ku ka nemana ni kima, a mu bhakesa muene mulonga, u bhana kioso kia mu xindi diiala uoso uavu muhatuʼê, u bhaka kala kia mu tetuluila adiakimi.

Makatukilu 21:6

ngana iê-phe u mu bheka bhu pholo ia afundixi, anga u mu bhiẋidisa ku dibhitu, mba ku mikangalu ia dibhitu, ngana iê bhenhobho a mu kubule dítui ni sovela; u kala-phe kiá mubhika katé bhu ufuilu.

Jisabhu 31:23

Muadi uê a mu ijiia bhu nangu dia mundu ni bhu mabhitu a imbaka ia mbonge, kioso kia xikama kumoxi ni adiakime aʼxi.

Matesu 5:21

Enu muevu kuma akua xiahulu a ambelele, exi: Kana kujibha mukuenu. Uoso-phe u jibha mukuá u kala muêdi ua ku mu fundisa ku afundixi.

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Matendelelu 16:17

Kala muthu a bhane kioso kia tena kukuata o lukuaku luê, kala kioso kia soko o kubhanduluka kuê, ni kioso kiasoko mabesá ma mu bhana Jihova Nzambi ié.

Matendelelu 16:19

Kana kudiodia dimanda; kana kubhanga katungu ka athu; kana kutambula kitadi kia diminhinu, mba kima kioso-kioso kia ku ku bhomba, kuma o kitadi kia diminhinu ki bheka ufofo ku akua mesu; kiselula uanji ua oso ejidile kutetulula mu kidi.

Matendelelu 17:12

Muthu uoso-phe usola kunanuka ni ukumbu, na kambe kubatekela kia mu ambela o nganga uene bhu pholo ia Jihova Nzambi ié, ne-mbé kuividila o kizuelu kia mufundixi, nguê na-kiu, kuabhu, muthu ió mu mu jibha afue muene. Sembele mu kubhanga kiki ituxi iende ni kubhua mu Izalaiele;

Matendelelu 17:9

uie ku jinganga ja jilevita, ni kua mufundixi uoso uala-ku mu izuua ienhoio; eie-phe ibhula-u muene kiambote, ene-ze a kà ku jimbuile kizuelu kioso kiatetuluka ki u batula na-kiu o mulonga.

Matendelelu 21:2

bhenhobho ni makota ni afundixiʼé a balumuke, aie a zonge o dikanga tunde bhuala o kimbi katé ku jimbonge joso jatungila bhua zukama ni mukáu uoso uafuila o kimbi.

Matendelelu 25:1

Se bhu kala athu kiiadi a di kuata mvunda, anga eza kufunda, phala ku a batuila milonga, uoso ualungu mu lungise; o uêle a mu elêse muene.

I Samuuele 8:1

Anga ki bhita kuila, ku izuua iavulu-phe, Samuuele kuila ua kuka kiá, u bhangesa anʼê kukala afundixi a Izalaiele.