Matendelelu 16:16 - O Mikanda Ikola

¹⁶ Mala oso mu kaẋi kenu a tokala kuiza lutatu ku muvu mu ku di bhakula bhu pholo ia Jihova Nzambi ié, bhu kididi bhuoso bhua solo muene; moxi, bhu fesa ia jimbolo ja hangâla; kadi, bhu fesa ia jisemana; tatu, bhu fesa ia jifundu; maji kana kuiza ni maku ahatu bhu pholo ia Jihova.

Matendelelu 16:16 ပူးပေါင်းရင်းမြစ်များ

I Jisobha 9:25

Anga Solomá lutatu ku muvu u kala mu kubhakula jisata ja kuoha, ni jisata ja uembu ku kalatódio ka tungidile Ngana, ni kuoha uasu ua dizumba bhu pholo ia Jihova. Muene anga u zubha kienhiki o kikalakalu kioso kia inzo ia Jihova.

II Malunda 8:13

O kienʼiki hé u ki bhanga muene kala kia tokala mu izuua ioso, ni kubhakula kala kia tumu o kijila kia Mozé mu jisabhalu, ni bhu jimbeji ja thethama, ni mu jifesa, lutatu ku muvu: Bhu fesa ia jimbolo ja ususu, ni bhu fesa ia jisemana, ni bhu fesa ia jifundu.

Ejidala 3:1

Kia bhixila mbeji ia kasambuadi, kuila anʼa Izalaiele ala kiá mu jimbonge jâ, mundu uoso u di bhongoluela mu Jeluzaleme kala muthu umoxi ngó.

Nehemiia 8:15

Hé a ki tanga kuene kuoso, anga a bhitisa ngonge ni kutumikisa njimbu mu jisanzala jâ joso, ni mu Jeluzaleme, exi: Ndenu ku mulundu, mu takane-ku jithangu ja midiva, ni jithangu ja midiva ia muxitu, ni isasa ia miẋi iengi, ni isálale ia maie, ni jithangu ja miẋi ia vundu, nda mu tunge jifundu, kala kia ki soneka.

Jisálamu 122:4

miji kuene ku aia mu bheza, o miji ia ifuẋi iangene ia Jihova, i banda kuenhoko, kala ki kia xala kijila mua Izalaiele, phala kusakidila o dijina dia Jihova.

Jisálamu 84:7

Mu kuenda kuê ku tunda nguzu kuiza nguzu, katé kia bhixila; kuma ene oso a kala kiókio, a kà mona o pholo ia Nzambi mu Ziione.

Jisálamu 84:8

Jihova, Nzambi ia ilômbo, ivua o musambu uami, bhana mátui, eie u Nzambi ia Jakobo!

Jisálamu 96:8

Bhakulenu kua Jihova o fuma ia tokala dijina diê; zenu ni maujitu, mu bhixile ni sata mu malumbu mê.

Makatukilu 34:20

se monʼa bulu u tuama kujikula divumu, u mu kula ni mona mbudi mba hombo; o ki uila kana ku mu kula, u mu bukula xingu; anʼenu oso a phande-kumbi mu a kula. Kana muthu uiza bhu pholo iami ni maku a hatu.

Makatukilu 34:24

Mukonda eme ngi kaia ifuẋi ia miji iengi bhu pholo ienu, ngi kudisa jimbambe jaʼxi ienu; kana muthu ue u kala ni luimbi lua mavu enu, kioso enu ki mu banda mu ku di bhakula bhu pholo ia Jihova Nzambi ienu, lutatu ku muvu.

Izaía 23:18

Anga o uenji uê ni futu iê ia undumbu a kà i bhakula kua Jihova; ku i lunda kana, ku i bhaka ue kana; maji uenji uê ua kà tokala ió oso ene ku nanga bhu pholo ia Jihova, phala adie katé ki ekuta, a kale ni kizuatu kia kolo, kinanga, kia makembu.

Izaía 33:20

Talesa-ze ku Ziione, diembu dietu dia ionge ikôla; o mesu mé ma kà mona Jeluzaleme, dibhata dia ximbakata; iene o balaka i xalela-ku, jiphapha jê kene ku ji vuza, o mikolo iê ki iene kubatuka.

Izekiiele 36:38

Mukuâ ni kilunga kiʼòkôlese, kala o kilunga kia Jeluzaleme mu ionge iâ ikôla, kiene ue o jimbanza ja budijika ki ja kʼèzala ni ilunga ia athu; hé a kà kʼijiia kuila emeʼeme ngi Jihova.

Ijila 23:34

Anʼa Izalaiele a tangele kuamba: O mbeji ia sambuadi ienhoio, se iala kiá mu kuinhiu dia izuua nʼitanu, bhu kale kiá o fesa ia jifundu kua Jihova mu sambuadi dia izuua.

Ajeu 1:9

Muendi ima iavulu, maji mua kuata ngoho ia tolo; o ia tolo iii-phe, kioso ki mueza na-iu mʼonzo, eme ue nga i bhusué. Mukonda diahi? Jihova dia Ifuẋi, uixi: Mukonda dia inzu iami i mudielela, enu-phe mudienu kala muthu u lengela mu kulanga kiambote onzo iê.

Matesu 2:11

Anga a bokona mʼonzo, hé a sanga kamona ni Madiia mamʼâ; anga adibhala, hé a mu sambela. O kuila a jikula mu imbamba iâ, a mu bhanga ujitu, ni ulu, ni uasu ua dizumba ua libana, ni uamukuá ua sumuna; a mu bhana.

Marku 12:3

Jingunza anga ji mu kuata, ji mu beta, he ji mu kaia maku ma hatu.

Nzuá 7:2

O fesa ia Jijudé, iexana Fesa ia Jifundu, anga i zukama.

Matendelelu 16:15

Fesa iii u i bhangela Jihova Nzambi ié mu sambuadi dia izuua, bhu kididi kioso kia solo Jihova; mbata Jihova Nzambi ié ua-nda ku ku zediuisa mu ima ioso i u muna, ni mu ikalakalu ioso ia maku mé; kala kiki, eie u tumbujuka muene ni kutana.

Matendelelu 16:17

Kala muthu a bhane kioso kia tena kukuata o lukuaku luê, kala kioso kia soko o kubhanduluka kuê, ni kioso kiasoko mabesá ma mu bhana Jihova Nzambi ié.

Matendelelu 31:11

kioso ki bhongoloka jinga Izalaiele ioso bhu pholo ia Jihova Nzambi iê, bhuʼikididi kia dibhata dia tungula muene, bhenhobho utanga Kitumuʼiki bhu pholo ia Izalaiele ioso, ku mátui mâ.

I Samuuele 1:3

Diialʼidi mukua kuila muvu ni muvu uia kubheza Jihova dia ifuẋi, ni ku mu bhakuila jisata mu Silo. O jinganga ja Jihova-phe ia bhobho. Anʼa aiadi a Eli, Hofini ni Finehase, jinganga ja Jihova, bhene bhuala.

I Samuuele 6:3

Ene exi: Se mu tumikisa álaka ia Nzambi ia Izalaiele, ki mu i tumikise ia hatu; ki bhinga muene mu mu vutuila mubhaku ua kudiẋikina mulonga; se mua ki bhange, mu iluka; hé mu kʼijiia kioso kia mu kambesa kukatula luluaku luê ku thandu dienu.