Matendelelu 15:6 - O Mikanda Ikola

⁶ Kienhókio o Jihova Nzambi ié ua-nda ku ku bhandulula muene, kala kia ku ambela kiá; eie ua-nda kusobhesa athu avulu mu jixi-jixi, maji eie kua-nda kukala ni kubhindama ku ku bhekela kusobha kima; ua-nda kutumina ifuẋi iavulu, maji eie ka-nda ku ku tumina kuala kifuẋi kioso-kioso.

Matendelelu 15:6 ပူးပေါင်းရင်းမြစ်များ

I Jisobha 4:21

Solomá anga utumina o jisobha joso tunde ku Honga ia Ufalate katé ku ixi ia akua Fidíxia, katé ku mbámbe ni Ijito; ene oso a bheka jinga lubhaku kua muene, a bhikila jinga Solomá izuua ioso ia muenhu uê.

I Jisobha 4:24

Kuma Solomá muene ua kexe mu tumina jixi joso ku sámbua dia Honga ia Ufalate kunu, tunde bhu Tipiza katé ku Ngaza, jisobha joso ku sámbua kunu, ji mu beleselela muene; hé u kala ni kutululuka; ku jimbandu jê joso kana muthu ua mu kumbulula.

I Malunda 17:27

Kala kiki-phe, Ngana, eie ki ku uabhele o Kuzediuisa o inzo ia selvende iê, phala ikala mu nangenena jinga bhu pholo ié. Kuma, eie u Jihova ua i zediuisa, ia kà kala muene ni kizediuise katé ku hádia ni hádia.

II Malunda 9:26

Anga Solomá uia ni kutumina jisobha joso tunde ku ngiji katé ku ixi ia akua Fidíxia, tule mu jimbambe ja Ijitu.

Ejidala 4:20

Mʼukulu ue kua kexile jisobha ja nguzu mu Jeluzaleme, o ku sámbua diodio dia ngiji a tumina jinga mu ididi ioso anga aia muene ni ku a bhana ima ia tokala kufuta, ni madijimu, ni mibhaku.

Nehemiia 9:27

Kia ku bhangesa eie Ngana kua a bhana bhu lukuaku lua jinguma jâ, anga a kala mu ku a tatesa; maji mu kithangana-phe kia kutata kuâ, ene ki a dikola ko kué, eie ua evua tunde mu diulu; anga mukonda dia kuvula o henda ié, u a bhana athu a a bhulula nʼa kala mu ku a kula bhu maku ma ió, o jinguma jâ a kexi mu ku a tatesa.

Jisálamu 112:5

U mona mbote, muthu u kala mukua kiadi, u bhandulula akuá; imbamba iê ioso u i endesa ni kutetuluka.

Jisálamu 37:21

Mukua phulu u sobha ngó, maji ka futu dingi; Uaiuka-phe izuua ioso u kuatela henda, u bhana.

Jisálamu 37:26

Kumbi dioso u kuatela henda, u bindumuna akuâ atate, o mbutu iê i zediua kiengi.

Jisabhu 22:7

Mvama muene patalá ia jingadiama; mukua ku sobha muene selevende ia ió mukua kusobhesa.

Luka 6:35

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

Matendelelu 15:5

Kabasa eie u kalé ngó u muthu ua tumaka kiambote o dízui dia Jihova Nzambi ié ni muanu uoso; anga uenda ni kualuka jinga o ijiia ioso i ngala ku ku tendelela lelu.

Matendelelu 28:44

Muene muene uenda ni ku ku sobhesa eie, eie-phe bhu u nomuena kia ku mu sobhesa muène ku mono-bhu. O nzuá-ngiza muene u di bhanga o mútue, eie u kituka u mukila.