Matendelelu 15:3 - O Mikanda Ikola

³ Se muthu uatundu kuengi ua ku di dikongo u di kobhalala muene; maji o kiaii kua phangʼié, katula-ku lukuaku lué, u ki ehele bhoxi.

Matendelelu 15:3 ပူးပေါင်းရင်းမြစ်များ

Makatukilu 22:25

Se u bhana dikongo dia kitadi ku muthu ua tokala ku mundu uami, o muene uala ngadiama, ku kale u mukua kuvualesa kitadi kua mukuenu, ku kale ni ku mu futisa avasu.

Nzuá 8:35

Mubhika-phe kene kuxala mʼonzo, o mona-phe u xalela.

Ngalásia 6:10

Uila kiki, bhuoso bhu tu muena o kithangana, tu bhangienu mbote athu oso, kota-kota-phe a tokala mu dianda dia kuxikana.

Matendelelu 15:2

Ufuôlo iú-phe u kala kiki: se bhuala muthu ua bhana dikongo mba ua sobhesa kima kua mukuá, u ki ehela kiá bhoxi, kuabhu! Ka ki kobhalale dingi kua mukuá, mbá kua phangʼié, kuma ufuôlo ua Jihova uókole kiá.

Matendelelu 23:20

Se mukuaʼxi iengi, ió utené ku mu sobhesa ni avasu, maji phangʼié o ki u mu sobhesa, kana kutambula avasu. Phala Jihova Nzambi ié a ku zediuise ni dibhesá diambote ku thandu a ima ioso i u tula o lukuaku lué phala ku i bhanga mʼoxi i ua-nda kúvua.

Matendelelu 23:21

O kioso ki u bhanga plomesa bhu pholo ia Jihova Nzambi ié, ku laleke-phe mu i kumbidila; mukonda o Jihova Nzambi ié ka fulu ku kuibhula-iu muene mu kidi, bhenhobho-phe, ei ueza mu kituxi.