Matendelelu 15:15 - O Mikanda Ikola

¹⁵ Uxinganeka jinga, ulembalale kuma eie ue ua kexi u mubhika mʼoxi ia Ijito, maji Jihova Nzambi ié muene ua ku kula. Eie ue nga ku tumu kubhanga jinga kienhiki.

Matendelelu 15:15 ပူးပေါင်းရင်းမြစ်များ

II Samuuele 7:23

Mundu uahi ue mu ngongʼumu u soka ni mundu ué ua Izalaiele, ene ngó ubheka uâ ku mundu, a bhingi Nzambi iâ uia ni ku a kudila, ni ku a bhangesa kukala mundu uê uangene, muene, nʼa di bhangela dijina, nʼa mi bhangela ue ima iónene, ni ima i kuatesa uoma mʼoxi ienu, bhu pholo ia mundu ué katé ki ua a kula mu Ijito ku akuaʼxi iengi ni ku nzambi jâ, hé u a bheka dingi ku mukutu uê.

Makatukilu 20:2

Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

Jelemiia 16:14

Uila kiki, Jihova uambe, talesa, kua-nda kuiza izuua, o kiki kà ki tanga dingi, kia kuila: Jihova u kola; Ua bandesa ana a Izalaiele koxi ia Ijitu.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Efezo 2:12

Thembu ieneʼoio mua di batukile ni Kristu. Mua kexile mu asonhi, o mu dianda dia Izalaiele, o muiji uòsole kua Nzambi, enu ki mu tokalele-mu. Ki mu kexile ni mbandu ue ku ikutu ia tundu ku jipolomesa ja bhele Nzambi o mundu uê. Enu mua kexile mu ngongo mumu, sé ngó kima ki mu dielela, sé ue Nzambi.

Efezo 4:32

Inda kota o ku di kuatekesa mudienu, ni ku di xinganeka. Muenda ni ku di loloka, kala Nzambi kia mi loloka enu mukonda dia Kristu.

Matendelelu 15:14

Di-fikixile muene, phala u mu longelese kiasoko, uila o mu kibhanga kié ua mu nomuena-mu, o bhu diʼanekenu dié ua mu nomuena-bhu, o mu ditangi dié ua mu katuila-mu; bhuoso kiá bhua ku muesa kuala Jihova Nzambi ié, muene ue u mu nomuesa-bhu anga u mu bhana.

Matendelelu 15:16

Mubhika-phe kia kèla: Eme nguami kutunda, kuma ngana iami nga mu zola, ni dibhata diê; mukonda dia kukalʼê kiambote ni eie,

Matendelelu 16:12

Uenda jinga ni kulembalala kuila eie uakexe u mubhika ku Ijitu; kala kiki jingonge jiji u ji bhaka kiambote, uenda-phe ni ku ji bhanga.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

I Nzuá 3:16

Bhene bhu tu ijidila ki kala o henda! Mukonda Kristu ua tu bhela o muenhu uê bhu kididi. Mu kiki, etu uetu tua fuama tu bhana o mienhu ietu, mukonda dia jiphange jetu.