Matendelelu 15:13 - O Mikanda Ikola

¹³ Kioso ki u muambula-phe ku mu ehe kuia ni maku ahatu.

Matendelelu 15:13 ပူးပေါင်းရင်းမြစ်များ

Dimatekenu 31:42

Se o Nzambi ia tatʼetu, o Nzambi ia Mbalahamu, a mu mu kuatela uoma kuala Izake, ua kambele ku ngi bhângela, eie hinu ua ngi kaie maku a hatu. Nzambi ua tongolola o hadi iami i nga tale, ni kukalakala kua makuʼami, kiene kia ku bazelela mu usuku ua mazá.

Makatukilu 3:21

Eme-phe nga kà bhangesa kuila mundu iú u kala ni ngalasa ku mesu ma akua Ijitu. Anga kià ka bhita kuila, mu kutunda, ki mua kà tunda maku a hatu.

Jelemiia 22:13

Lamba dia ió uoso u tunga dibhata diê, ni mangonha! uedi jinzu jê u ji tungila muʼngumba, ukalakesa mukuá se ngó ku mu futa, o ua kalakala kia mu-ié ngó.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matendelelu 15:12

Se a ku sumbisa phangʼié, ia diiala mba ia muhatu, mukua muiji ua Jihebeleu, a ku bhikile mivu isamanu, o ua kasambuadi-phe, u mu bhana ufuôlo, anga u mueha kiá nʼaié.

Matendelelu 15:14

Di-fikixile muene, phala u mu longelese kiasoko, uila o mu kibhanga kié ua mu nomuena-mu, o bhu diʼanekenu dié ua mu nomuena-bhu, o mu ditangi dié ua mu katuila-mu; bhuoso kiá bhua ku muesa kuala Jihova Nzambi ié, muene ue u mu nomuesa-bhu anga u mu bhana.

Kolose 4:1

Enu jingana, kalenu ni muanu ua kubhana abhikʼenu kioso kiaiuka kiasokela. Kuma muejiia kuila enu uenu sai Ngana ienu ku diulu.