Matendelelu 15:10 - O Mikanda Ikola

¹⁰ Eie-phe u mu bhana muene kiambote ni kieha kioso, muxima ué ki u dimbuluke kioso ki u mu bhana; kuma kienhiki kiene kia-nda ku ku zediuixila Jihova Nzambi ié mu ikalakalu ié ioso, ni mu ima ioso i u sota kubhanga ni lukuaku lué.

Matendelelu 15:10 ပူးပေါင်းရင်းမြစ်များ

Jisabhu 22:9

Uoso uene ni utalelu ua mbote, sai dibesá diê; mukonda u tena kutonginina o ngadiama, ni ku mu bhana kúdia.

Ndongixi 11:1

Takuila o kúdia kué ku menha, kuma hádia ki bhita o izuua u ku bongʼê dingi.

Izaía 32:8

Maji muthu a mu edi mujitu, u kana ujitu uene; mukonda dia ujitu uê, uimana kididi, utunga, usoma.

Izaía 58:10

se mukua nzala u mu jikuila muẋima, o muthu ua tate u mu dikila; kua-bhu-phe, mu kitombe muenhomo mua-nda ku ku kiela mukengeji, kuvunda kué ku bhiluka kala kumbi dia mediia.

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

Jipoxolo 20:35

Mu ima ioso nga mʼ idikiza kioso ki mua fuama kukalakala ni kubhindumuna mukuenu ua tate. Endenu ni kuxinganeka o kizuelu kia Ngana Jezú, ki edile uixi: O kubhana kota mu kuzediuisa, o kutambula ndenge.

Loma 12:8

Se ua kubhetula akuetu miẋima, tu a bhetule muene. Uoso u uana ni akuâ kioso ki ala na-kiu, a ki bhange ni muẋima uambote. Uoso uala ni ukota ua kutumina, a tumine ni muanu. Uoso u kuatekesa akuâ ni ku a bhanga mbote, a i bhange ni kusanguluka.

Matendelelu 14:19

Tubamba tuoso ue tuenda ni kutukatuka bhulu, tuòkidike; kana ku tu dia.

Matendelelu 14:29

mbé kia kà tukuluka o levita (kuma muene muthu ka moneka ngó dikânda ku undundu kala eie), ni nzuángiza ua tunda o dikanga, ni mona difundu, ni mutudi, u ua tungu-nâ bhuamoxi, mu sanzala ienu, a tene kúdia katé kiekuta; phala Jihova Nzambi ié a ku tele dingi dibesá ku ikalakalu ioso ia maku mé i uenda ni kubhanga.

Matendelelu 15:18

Kioso-phe ki u mu bhana ufolo, ki ki ku nemese muxima; kuma muene kifua ua ku futu luiadi mu mivu isamanu iosʼiii ia ku bhikila se u mu sokesa ni nguzu mukua nganhu; kienhiki o Jihova Nzambi ié ua-nda ku ku zediuisa mu ima ioso i u bhanga.

Matendelelu 15:4

Nga ki ambela-phe phala momuenu ki mu kale ngadiama; kuma Jihova Nzambi ié ua-nda ku ku bhana kubhanduluka kuanzungule mʼoxi ia-nda ku ku lunduisa phala ku ivua.

Matendelelu 23:20

Se mukuaʼxi iengi, ió utené ku mu sobhesa ni avasu, maji phangʼié o ki u mu sobhesa, kana kutambula avasu. Phala Jihova Nzambi ié a ku zediuise ni dibhesá diambote ku thandu a ima ioso i u tula o lukuaku lué phala ku i bhanga mʼoxi i ua-nda kúvua.

Matendelelu 24:19

O kioso ki u muna idima ié mu mábhia, se ualanduka-mu kita kimoxi, ku ki vutukile dingi; ehá-kiu kiá phala o nzuángiza, ni monʼa difundu, ni mutudi uoso ua fundu diiala; bhanga kienhiki, phala Jihova Nzambi ié a ku bhandulule mu midimu ioso i u bhanga ni maku mé.

Matendelelu 28:8

Jihova ua-nda kutuma kusuku-muina o dibesá diê ku itula ié-eie, ni ku ikalakalu ioso i u bhanga ni maku mé; anga muene u ku bhana kuzediua mʼoxi ioso ia-nda ku ku bhana Jihova Nzambi ié.

Jihebeleu 13:16

O kubhanga o mbote ni ku di bhindumuna mudienu ki ku mi jimbe, mukonda ilumbu kala iii Nzambi ia mu uabhela kiavulu.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.