Matendelelu 15:1 - O Mikanda Ikola

¹ Thembu joso kuila bhua bhiti kiá sambuadi dia mivu, o ki i bhua-phe, kola-bhu ufolo.

Matendelelu 15:1 ပူးပေါင်းရင်းမြစ်များ

Nehemiia 10:31

ni kuila, akua ixi ki a bheka uenji uoso-uoso mu kizuua kia sabhalu, mba mu izuua ia kizokola, ni jimbundu joso-joso ja kusumbisa, etu ki tu sumbu-nâ kima mu sabhalu, mba mu kizuua kiòkole; ni mavu, etu a kudima, mu muvu ua kasambuadi tua nhohesa, ki tu bhingi-mu ku tu futa dikongo dioso-dioso.

Makatukilu 21:2

Se u sumba mubhika ua Hebeleu, u ku bhikila mivu isamanu; maji o mu muvu ua kasambuadi-phe a tambule ufolo, u mu eha sé ku mu xinda kima.

Jelemiia 34:14

Kʼibhua sambuadi dia mivu, kala muthu a jitune uoso phangʼiê, hebeleu, a mu sumbisa kokué, iú ua ku bhikila kiá eie mu mivu isamanu, u mu ambudisa ni ufolo kokué; maji phe jitata jenu nguâ ku ngʼivua, mba ku ngi bhetekela mátui.

Matendelelu 15:2

Ufuôlo iú-phe u kala kiki: se bhuala muthu ua bhana dikongo mba ua sobhesa kima kua mukuá, u ki ehela kiá bhoxi, kuabhu! Ka ki kobhalale dingi kua mukuá, mbá kua phangʼié, kuma ufuôlo ua Jihova uókole kiá.

Matendelelu 15:9

Aluka-phe, kuehele Kadiaphemba ku ku fuetela mu muxima ué, kuamba: O muvu ua kasambuadi, ua ufuôlo, iú zukama; anga diesu dié di kitukila phangʼié uala ngadiama, uixi ki ngi mu bhana kima, kuma kiendelela; o muene-phe na di tende kua Jihova, eie-phe momué mua-nda kukala kituxi.

Matendelelu 31:10

Mozé iu ua a tendelela, uixi: Muila jinga, se bhua bhiti kiá sambuadi dia mivu, bhu thembu iatokala ku muvu ua ufolo, bhu fesa ia jifundu,