Matendelelu 14:3 - O Mikanda Ikola

³ Kana-phe kúdia jinga ima i ibhila Nzambi.

Matendelelu 14:3 ပူးပေါင်းရင်းမြစ်များ

Dimatekenu 7:2

Ku jixitu joso ja zele u kuata-ku sambuadi dia ndumbe, ni sambuadi dia akaji, ji kale kumoxi ni eie; o ku jixitu ja kambe kuzela-phe, kiiadi-kiiadi, ni ndumbe ni mukajiʼê.

Izaía 65:4

a xikama bhu jimbila, o mausuku a ma bhitila mu ididi ia tuhôio ni kúdia xitu ia ngulu, ni mizonge ia ima ia isunji ia kala na-iu mu jímbia jâ;

Izekiiele 4:14

Eme bhenhobho, anga ngʼila: Àhá! Jihova, Jihova, tata! Tala, muenhu uami ki u di kasanesa, mukonda nuka ngi dia kima kia di-fuila mba a ki kuata ku iama, tundeʼami undenge ʼté kindala; mba ngó xitu ia ibha i bokona mu kanu diami! Kikola!

Ijila 11:2

Tangelenu anʼa Izalaiele, kuamba: Ku iama ioso iene kʼulu dia mundu, ienda ni inama iuana, jixitu ji mu tokala kudia-ku, jiji:

Ijila 11:43

Mienhu ienu kana ku i tambuisa lufuku, mba mu kutoualela tubamba tu zanzala bhoxi, mu di kasanesa na-tu, phala ki mu kale ni lufuku anga mu kasana.

Ijila 20:25

Muenda jinga ni kutungula o ibhaku iazele mu iii iaxidi, ni jinjila jaxidi mu jiji jazele, o kia kúdia muila kia kúdia; o kia musekanda muila kia musekanda; kana ku di xidisa o mienhu ienu mu kukuata kúdia ngó o iama ia kioso-kioso, mba jinjila, mba tubamba tuoso tu zanzala ni kudihuha o mala bhoxi; iene ioso iii enu nga mi longoʼio kiá ku i tungula ni mu di batuka na-iu, kuma misekanda.

Loma 14:14

Eme ngejiia, kuma kia ngi tetulukila mua Ngana Jezú, kuila kana-ku kima kia di xidila ngó kiene. Maji se bhu kala muthu uoso u kita kima o kuxila, phala muène kia xidi muène.

I Kolindo 10:28

Maji se bhu kala muthu u kuambela, uixi: Kudiʼuku a tuamene ku ku bhana mu sata ia iteka, eie ku die-ku dingi, mukonda dia muene ua kuidikiza, ni mukonda ue dia kitongoluelu.—

Tito 1:15

Uazele, ima ioso i mu zela. Kua iâ phe a bolo, a kambe kuxikana, kana-ku kima kia zele, mukonda ni kilunji kiâ, ni muẋima uâ moxi, ua bolo.