Matendelelu 14:29 - O Mikanda Ikola

²⁹ mbé kia kà tukuluka o levita (kuma muene muthu ka moneka ngó dikânda ku undundu kala eie), ni nzuángiza ua tunda o dikanga, ni mona difundu, ni mutudi, u ua tungu-nâ bhuamoxi, mu sanzala ienu, a tene kúdia katé kiekuta; phala Jihova Nzambi ié a ku tele dingi dibesá ku ikalakalu ioso ia maku mé i uenda ni kubhanga.

Matendelelu 14:29 ပူးပေါင်းရင်းမြစ်များ

Jisálamu 41:1

U zediua o muthu ió uoso u xinganeka ngadiama; kuma mu kizuua kia dilamba, Jihova u mu kudila ue bhuoso bhua tatela.

Jisálamu 41:2

Jihova u mu kondeka, u mu bhana muenhu; u mu bhana o kukala ni dibesá mu ngongo; ka ẋikina ku mu bhakula mu vondadi ia jinguma jê.

Jisálamu 94:6

Mutudi a mu jibha, ni nzuángiza, hukunhi a mu zubhidisa muene, ka mu xi.

Jisabhu 11:24

Sai-ku amoxi a bhana kiavulu, maji hanji-phe o jimbongo jâ jiia ni ku di-bandekeza; amukuá-phe asombuesa o unjenje, anga a bonga uíndua.

Jisabhu 19:17

Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

Izaía 1:17

Dilongienu kubhanga o mbote; bhangenu ioso iaiuka; kudilenu uoso a mu tatesa; batuilenu monʼa difundu kioso kia iuka; atudi a bhangedienu.

Ijila 19:34

Ki kala mukuaʼxi, kiene ue kikala o múlungi ua-lu nhunganena muʼaxaxi kenu; mu zole, kala ki ua di zola eie-muène, kaẋi enu uenu muakexe mu jinzuángiza mʼoxi ia Ijitu; Eme-muène Ngi Jihova Nzambi ienu.

Dialuilu 18:20

Jihova ue anga uambela dingi Alá, uixi: O mu ixi ié eie kua kà kala-mu ni undundu ua kima, o muʼaxaxe kâ ene ki mua kà ku kala dikânda; muʼaxaxe ka anʼa Izalaiele, emiʼeme ngi undundu ué, eme ngi dikânda dié.

Luka 11:41

Kala kiki, ima ioso ia mi kala moxʼa kopho ni dilonga, bhanenu-iu ku jingadiama, nda ima ioso i mi kale iazele.

Luka 6:35

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

Matendelelu 10:9

Kiene kia bhekesa kuila o Levi kala ni undundu ua kima muʼaxaxi ka jiphange jê, mukonda undundu ua-muene, Jihova muene, kala kia ku ambela Jihova Nzambi ié.

Matendelelu 12:12

Anga mu kuata kutana ni kusanguluka bhu bhata dia Jihova Nzambi ienu, nʼenu ni anʼenu a mala ni anʼenu a ahatu, ni jiselevende jenu ja mala ni ja ahatu; ni levita uoso uala mu malumbu menu; oko muene ka moneka kânda dia undundu muʼaxaxi kenu.

Matendelelu 14:27

O levita-phe ku mu landuke uoso kiá ua tungu-nê mu mbonge ienu; kuma muene ka tambula-ku dikânda ku undundu u ua tambuile eie.

Matendelelu 15:10

Eie-phe u mu bhana muene kiambote ni kieha kioso, muxima ué ki u dimbuluke kioso ki u mu bhana; kuma kienhiki kiene kia-nda ku ku zediuixila Jihova Nzambi ié mu ikalakalu ié ioso, ni mu ima ioso i u sota kubhanga ni lukuaku lué.

Matendelelu 16:11

Kienhokio-phe anga utana ni kusanguluka bhu pholo ia Jihova Nzambi ié, eie, ni monʼé ua diiala, ni ua muhatu, ni selevende ié ia diiala, ni ia muhatu, ni levita uoso uatungu-nê mu mbonge ienu, ni nzuángiza, ni monʼa difundu, ni mutudi; oso kia u uatungu-nâ, bhu kididi kioso bhua solo Jihova Nzambi ié kukala dibhata dia Dijina diê.

Matendelelu 16:14

O ki u bokuesa o fesa, utana, eie ni monʼé ua diiala, ni ua muhatu, ni selevende ié ia diiala, ni ia muhatu, ni levita, ni nzuángiza, ni monʼa difundu, ni mutudi, oso kiá u uatunga-nâ mu sanzala ienu.

Matendelelu 23:21

O kioso ki u bhanga plomesa bhu pholo ia Jihova Nzambi ié, ku laleke-phe mu i kumbidila; mukonda o Jihova Nzambi ié ka fulu ku kuibhula-iu muene mu kidi, bhenhobho-phe, ei ueza mu kituxi.

Matendelelu 28:8

Jihova ua-nda kutuma kusuku-muina o dibesá diê ku itula ié-eie, ni ku ikalakalu ioso i u bhanga ni maku mé; anga muene u ku bhana kuzediua mʼoxi ioso ia-nda ku ku bhana Jihova Nzambi ié.

Matendelelu 6:11

Ni jinzo jezala ni jimbote joso; kʼeie-phe ua jʼizalesa mba ku ji funa, ni ixima iòkande kʼeie-phe ua i kande, ni milenga ia mivide ia bhingi eie ua i sange a i phaphe kiá anga eie udia ngó uikuta;

Jihebeleu 13:2

Kana kufula kutambulula asonhi mu mabhata menu. Kuma amoxi mu ku ki bhanga, a langeka ji-anju sé ku kʼijiia.

Tiiaku 1:27

O kubheza kua kidi, ki kuene kuxila bhu pholo ia Nzambi, Tata, kuenhuku: O kubindumuna jihukunhu ni atudi a ahatu mu ibhidi iâ, ni kudilanga eʼmuène sè kukasana ni ima iaiibha iene ku mundu iú.