Matendelelu 14:1 - O Mikanda Ikola

¹ Enu muala mu ana a Jihova Nzambi ienu, né-mbe mua fundu muthu kana ku di bhuta mabhaia mu mítue mba mu di ẋanga jiphoko ku mukutu.

Matendelelu 14:1 ပူးပေါင်းရင်းမြစ်များ

Dimatekenu 6:2

Bhenhobho anʼa Nzambi a mala, a mona anʼa athu a ahatu, kuma auabha; anga a sakana ahatu oso a a uabhela-bhu.

Dimatekenu 6:4

Izuua ienʼoio mu ngongo mu kala iiala ia makota, ni ku pholo kunu anʼa Nzambi a mala kia sakana ni anʼa athu a ahatu, anga a vuala-nâ ana; enhá ene a kexile o mazonda ma xahulu, o iiala ia xi fuma.

I Jisobha 18:28

Anga ene a ta mitendu ni kudikola-kola, ni ku di xinda-xinda jiphoko ni ku di kuama ni misongo, kuma kiene o kífua kiâ, hé a kuata muene kumbomba manhinga ku mikutu iâ.

Izaía 63:16

Maji-phe, eiʼeie u Tatʼetu, né-mbe hanji o Mbalahamu ka tu ijiia, o Izalaiele ue ka tu suu; Eie-phe, Ngana, u Jihova, eie muene u Tatʼetu; u Mukudi uetu tundé xahúlu, diene o dijina dié.

Jelemiia 16:6

Ni makota ni jindenge hinu à kʼafua, moxʼumu, o ku a funda ki kuanda ku xikina; ki bhua-nda kukala ku a dila thambi mba ku di sema ku mikutu, mba ku di kolola jindemba ku mútue.

Jelemiia 3:19

Maji eme ngedile, ngixi: Eme nga-nda ku ku tula kiebhi muʼaxaxe ka ana, anga ngi ku bhana o ixi i tena ku ku uabhela, o ubhinganu ua beta ujitu, ua ifuẋi ia miji? Eme-phe, ngixi: U ngiia Tata, kana dingi ku ngi baluka.

Jelemiia 31:9

À keza ni kudila, nga kà ambata ni kudionda; ngà kʼendesa ku tungiji tua menha, ngiia-nâ mu njila ia iuka, mua bhingi, kà ka dibhukana dingi; kuma eme nga di bhange ngi tata phala Izalaiele, O Ifalaíme muene phande-kumbi iami.

Jelemiia 41:5

anga kuiza-phe athu a tundu ku Xikeme ni ku Silu ni ku Samádia; makuinhi nake a muthu, ni miezu iòkonge, ni izuatu ia tandujuka ni mikutu ia batujuka; o bhu maku a bheka maujitu mâ makudia ni uasu ua dizumba phala ku uʼambata mʼonzo ia Jihova.

Jelemiia 47:5

Ngaza kua muʼiza kabhuetete, Axikilone a mu vuza kumoxi ni masubhu a dikolo diê; katé-phe bhebhi bhu u suka ni ku di tandujula?

Hozeia 1:10

Hanji-phe, né kienhokio, o nzungule ia anʼa Izalaiele ia-nda kuvula muene mukuâ ni kisékele kia kalunga, ki ki xikina ku ki zonga mba ku ki kondala; o ku pholo ku aia, anga kia ká bhita kuila, bhuoso bhu a ambela, exi; Enu ki mu mundu uami, kana, bhenhobho bhene bhu a kà exana, exi: Enu mu anʼa Nzambi ia muenhu.

Ijila 21:5

O Jinganga ka konge mútue, mu kubhanga-mu dibhala, ka bhute ue muezu bhu phaphʼa dítui, kana ue ku di sema jiphoko ku mukutu,

Nzuá 1:12

Maji amoxi-mu a mu tambulula, ia a xikana dijina diê; enhá Nzambi ua a bhana o kutena kua kukala anʼê.

Nzuá 11:52

Kienhiki o muiji ió ue ki uene ngó ua fuila, maji uà fuila kubhongolola kumoxi anʼ a Nzambi oso a di muangena ku makanga.

Loma 8:16

O Nzumbi ia Nzambi muene u bhana umbangi ni nzumbi jetu, kuma tuala tu anʼa Nzambi.

Loma 9:26

O ku pholo ku muia, bhuoso bhua kà mi ambela exi: Ki mu mundu uami, kana! Bheniobho bhene bha kà mʼ ixana mu anʼ a Nzambi ia muenhu.

Loma 9:4

Ene akua Izalaiele, o muiji uòsole kua Nzambi iú ua a bhange anʼ ê, iú ua a bhana ue ku fuma iê. Uate-nâ o ikutu iê, iú ua a bhana o Kitumu. O kubheza kua kidi ala na-ku ene, iá a tambula o jipolomesa ja Nzambi.

Loma 9:8

Kifua-phe uambe kiki, kuma: Anʼa xitu ki ene anʼa Nzambi. Maji ana à vualela mu kixuelu kia kikutu kia Nzambi ene a ejiia kuma luene luvalu luê lua kidi.

II Kolindo 6:18

Ngi mi kale ngi Tata ienu, enu mu ngi kale mu anʼ ami a mala ni àhatu kiene kiambe Ngana Uatena-Ioso.

Ngalásia 3:26

Mukonda enu oso mua di bhange mu anʼ a Nzambi, mu kuxikana Kristu Jezú.

Matendelelu 13:18

kioso eie ki u tumaka kiambote o dízui dia Jihova Nzambi ié, anga ukuata o kualuka ijla iê i ngala ku ku tendelela leluʼiii, ni uende ni kubhanga kioso kiaiukila ku mesu ma Jihova Nzambi ié.

Matendelelu 32:6

Mbé Jihova kiene ki mu mu vutuilʼokio? Muiji ua tobho ua kambe kilunjí? Mbé Jihova ki muene Tatʼenu ua mi kula, ua mi bhanga, iu ua mi bhana o kutunga ni kusoma?

I Tesalonika 4:13

Tuinda-phe, enu jiphange, kuila ki mu kambe kuijiia kikexilu kia ió oso aia ku kilu, phala ki mu kale ni mukondo kala athu amukuâ ka moneka kia dielela.

Jihebeleu 2:10

O ima ioso i laia phala Nzambi, mukonda dia muène. O muène-phe ua mesena anʼê oso a nomona ue ku fuma iê. Uila kiki, kia fuamena kuila Nzambi u ehela Jezú ku tala jihadi mukonda dia kuiuka. Kuma Jezú muene musonguedi uâ ua kubhuluka.

I Nzuá 3:10

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.

I Nzuá 5:2

Bhene bhu tu kʼijidila, kuma tua zolo anʼa Nzambi, se tuedi ni kuzola Nzambi ni kualuka o ijila iê.