Matendelelu 13:5 - O Mikanda Ikola

⁵ O Polofetʼoio-phe, mba ka-jinzojʼó mu mu jibha, mukonda ua tange ima ia kubhumina Jihova Nzambi ienu, ua mi katula mʼoxi ia Ijitu, iú ua mi kula mu dibhata dia ubhika mu mua kexi; muene iú ualu sota ku mi katula mu njila ia mi xindila Jihova Nzambi ienu. Mu kubhanga kiki, mua katula o ku-ibha muʼaxaxe kenu.

Matendelelu 13:5 ပူးပေါင်းရင်းမြစ်များ

I Jisobha 13:19

Anga muene ualuluka, hé uiza, anga u dia mbolo mʼonzo iê anga u nua menha,

I Jisobha 18:40

Elija anga u a tangela, uixi: Kuatenu jipolofeta joso ja Bahale, ki bhu lenge muthu. Anga a a kuata; anga Elija u kulumuka-nâ ku kangiji ka Kisone, anga u a jibhila kuenhoko.

II Malunda 34:31

Sobha, bhu kididi kiê, anga u balumuka, uimana hé u ta kikutu bhu pholo ia Jihova, phala kukaiela jinga Jihova, ni kualuka o ijila iê, ni kubhaka o maumbangi mê, ni jingonge jê ni muẋima uê uoso ni muenhu uê uoso, ni kutumaka o maka moso ma kikutu mʼòsoneke mu divulu dieneʼodio.

Jelemiia 14:15

Uila kiki, o jipolofeta ja ku tanga ima mu dijina diami, sè eme ku a tuma, eme ngi Jihova, ngambe kiki, ene ala kuila exi: kana-ku xibhata, kana-ku nzala ianda kuiza moxiʼumu; jipolofeta jenhojo ja-nda kubuika ku xibhata ni ku nzala kuene.

Jelemiia 29:32

kala kiki. Jihova uambe kiki, uixi: Tala, Semaia, nehelamita, nga-nda ku mu zungila, ni muene ni muiji uê, muene ka kà kala ni muthu u tunga mu kaxi ka kifuxi kiki, o mbote i nga-nda kubhanga ku kifuxi kiami, muene ka kà i mona mesu, Jihova ua ki tange, mukonda muene ua zuela ni kubhumina Jihova.

Jelemiia 50:6

Kifuẋi kiami kia di bhangele kala mbudi ja jimbidila, tubhila tuâ ene muene a ji tondalesa, a jiʼehelela kutexika mu milundu; a tunda mulundu eza mulundu ni kuenda, a jimbi kididi kiâ kia kunhohena.

Jelemiia 7:23

Maji eme nga a tendelele kiki, ngixi: Bhanenu mátui ku dízui diami, eme ngi kale ngi Nzambi ienu, enu mu kale mu mundu uami; endenu ni kuendela mu njila ioso i ngi mi tuma eme, nda mu bhanduluke.

Zakadiia 13:3

Se bhu kala muthu u di metena ku zuela uanji ua upolofeta, tatʼâ ni mamʼâmuene, a mu vuala, a kà mu ambela, kiki, exi: Eie kua-nda kukola muenhu, mukonda eie ua zuela makutu mu dijina dia Jihova. O muene se ukuata kuzuela uanji ua upolofeta, o tatʼâ ni mamʼâ a mu vuala, ene muene a mu jibha.

Jipoxolo 13:8

Maji Elimase-phe, mukua uanga, kuma diene o dijina diê mu ku di lombolola mu ngeleku, u a fudisa, u sota kufunhisa nguvulu phala a kambe kuxikana.

I Kolindo 5:13

Athu-phe ku kanga, Nzambi muene ua kà a fundisa. Kala ki ambe o Madivulu a Nzambi: Muthu ió ua bhukumuka mu tubhudienu mudienu.

Matendelelu 13:10

Anga mu mu bûba ni matadi katé kiafua, kuma-phe ua sotele ku ku ẋanjula kua Jihova Nzambi ié, Ió ua ku katula kʼoxi ia Ijito, mu dibhata dia ubhika.

Matendelelu 13:15

athu oso atungu bhu sanzala ioio mu a bhitisa ku maju a xibhata, ene oso muene mu a buikisa katé ni ibhaku iâ, ni ima ioso iala na-iu.

Matendelelu 13:9

Kale u mu jibha muene; eie-muène udianga ku mu ila lukuaku ẋaba, phala ku mu jibha; mundu uoso anga a mu lundama kiua.

Matendelelu 17:5

o diialʼodio mba muhatuʼó muia-nê bhu muelu ua kimbaka kia dibhata, anga uoso uabhange o phekalu kala iii, mu mu bûba ni matadi katé kiafua.

Matendelelu 17:7

O lukuaku lua jimbangi luene lu mu andekela o ku mu bûba phala ku mu jibha; anga ku kaiela kiua o mundu uoso; mu kubhanga kiki mua katula o kituxi muʼaxaxi kenu.

Matendelelu 18:20

Maji uoso polofeta u di metena mu ukumbu uê kuzuela kima mu dijina diami, sé eme ku mu tuma-kiu, mba-phe u di metena ku ta maka mu dijina dia jinzambi ja kioso-kioso, polofetʼio ua kà fua muene.

Matendelelu 19:19

kioso-phe kia solele muene kubhanga kua mukuá, kiene muene ue ki mu mu bhanga na-kiu muene; mu ku bhanga kiki, mua katula kituxi muʼaxaxi kenu.

Matendelelu 22:21

kilumba muenhô aie-nê bhu muelu ua tatʼâ, o akua-bhata diê bhenhobho a mu bube ni matadi katé kiafua; mukonda uabhange ulaji mu Izalaiele, o ku di bhanga ndumbu mʼonzo ia tatʼâ; mu kubhanga-phe kienhiki, mua di zelesa.

Matendelelu 22:24

mu a kuata kiiadi kiâ, anga muia-nâ bhu muelu ua mbonge ienhoio, anga mu a bûba ni matadi, katé kiafua; o kilumba, mukonda nguê kudikola mu sanzala; o diiala, mukonda dia sebulula mukajiʼa mukuá; o ki mu zubha kubhanga kiki, mu kaẋi kenu mua zelesa-mu.

Matendelelu 24:7

Se bhu kala muthu unhana muthu ni mukuá, ku phange jê anʼa Izalaiele, phala ku mu bhanga mubhikʼê mba u mu ta uenji, hé u mu sumbisa, muii u kala kiki afue muene. Kifua phekalu ia ufusa muʼaxaxi kenu mua i bhuisa-mu.

Matendelelu 26:14

Kioso kia ngiza o thambi, ku madijimu ki nga nomona-ku kima ki nga dila dilamba diami, lémbue, mba ngala ni kuxila, anga mu kuxila kuami ngi nomona-ku kima anga ngi ki dila ku ufusa uami, mba nga ki te ku muthu ua fu, kana! Inda nga tumaka ngoho o dízui dia Jihova Nzambi iami eme. Nga bhange kala kioso ki ua ngi lekelela eie.

Matendelelu 4:19

Di lange ue, phala o ki u bhetula mesu bhulu, anga umona o dikumbi ni mbeje, ni jithéhtembua, ni ima ioso kiá iene ku maúlu, muxima hé u ku tuma, eie anga usota kubheza o ima ia bhange Jihova Nzambi ié, phala ku kuatekesa naiu o ifuẋi ioso iala bhoxi dia diuluʼabha.

Matendelelu 6:13

Enda ni kuxila jinga Jihova Nzambi ié, muene ngó u mu sedivila; o ki ki ku bhinga kuloka, kale ulokela ngó mu dijina dia Jihova.

Matendelelu 7:4

kuma enhó asoko-bhu ku hunganesa anʼé a mala nʼa lémbua ku di tuma nʼeme anga a kuata ku bheza jinzambi jengi; kiókio-phe o njinda ia Jihova i mi uamena anga mu jima o mbutu kindala.

Josuué 23:8

Inda enu mu naminina kua Jihova Nzambi ienu, kala ki mua bhange kiá katé bhu kizuua kia lelu.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Afundixi 20:13

Kiki-phe mala enhó a sekala, ala mu Ngibeia, tu bhakuidienu-nâ, tu a jibhe, phala kituxi kiki tu ki bhuise mua Izalaiele. Bajamí-phe ka xikina kuivua o dízui dia akuâ, o phange jê anʼa Izalaiele.

I Samuuele 12:14

Se mu kala ni uoma ua Jihova, se mu mu bhikila muene, se mu mu ívua dízui diê, se mu kamba kuxibhaka o kijila kia Jihova Nzambi ienu, kixi enu kixi o sobha uala ku mi tumina, kiauabha! Mu disanza mu di hiha bhu pholo ia Jihova Nzambi ienu.