Matendelelu 13:16 - O Mikanda Ikola

¹⁶ Anga mu bhongolola o umonhi uoso u mua sange-mu anga mu u tula mu kaẋi ka dikanga; anga mu ila ni sanzala iene ni umvuama uê uoso mu u ximika mu túbhia, ki ku subhuka kima. Sanzalʼoio ikala kiá ngoho dixita di nangenena, ki bhuà kala dingi, muthu utunga-mu.

Matendelelu 13:16 ပူးပေါင်းရင်းမြစ်များ

Makatukilu 22:19

Uoso u zeka ni kiama muthu ua ku mu jibha, sè kufula.

Izaía 17:1

Kinemenu kia Damasku. Talesa, Damasku a kà mu katula, phala ka kale dingi mbanza, maji ubiluka dixita dia utôkua.

Izaía 25:2

Kuma mbanza ua i kitula ndunji ia matadi, o mbanza ia di-fikidila ni kimbaka ua i bhange ngundu-élele; o kilômbo kia jinzuangiza phala ki ki kale dingi mbanza, ka kà tona dingi ku ku tunga.

Jelemiia 49:2

Uila kiki, Jihova uixi: Talesa, izuua í iza, mu Labáh dia anʼa Amone, nganda kuivisa-mu kikoue kia ita, anga mu di bhanga ndunji ja maxita o ididi iê ia tumina jinga a ka ioha mu túbhia; anga Izalaiele ua kà lundula oso a mu lundula muene, Jihova ua ki tange.

Izekiiele 26:14

Eie-muène hé ngi ku kitula u ditadi dia kabhuetete; hé ua kà di bhanga u dianekenu dia manda ma atona, ki mungu dingi a kà ku tunga; mbata eme ngi Jihova nga ki zuela, Jihova muene ua ki tange.

Mikeia 1:6

Kienhiki-phe hádia Samádia nga kà mu bhanga ndunji ia matadi ma mukau, o mu ixi phala ku phapha-mu mivide, matadi mê nga kà ma mbolomuena mu honga, ididi iê ia di sueka anga nga kà i vulumuna.

Matendelelu 7:25

Iteka iâ ia kusonga, ia jinzambi jâ mu i ta mu túbhia; ni phalata ni ulu uoso ua zunzila ku iteka ioio ki i mi kuate luimbi, ki mu i katule ni i mi bhekele kidibukanu ki mi jikinisa; mukonda ima ienhoio kua Jihova Nzambi ienu ufusa!

Matendelelu 7:26

Kana kubokuesa kima kia ufusa ni kisunji mu jinzo jenu; mu di zemba na-kiu muene, phala ki mu di bhekele lufuku ku thadu dienu, anga mu sokela ni ima ienhoio; inda i mi ibhile muene, sondoluele-nu-iu dikanga, mukonda lufuku muene.

Josuué 6:21

Anga a buikisa mienhu ioso mu mbongiʼomo, ni mala ni ahatu, ni anandenge ni tukulakaji, ni jingombe, ni jimbudi, ni jibulu; iene ioso buí, ku mazu a xibhata.

Josuué 6:24

Mbonge anga a i ta mu túbhia, ni imbamba ioso iala-mu; maji o phalata ni ulu, ni itutu ia ngôndo ni felu a i bheka mu dilundilu dia inzu ia Jihova.

Josuué 6:26

Josuué anga u ta mázui mu izuua ienhoio, uixi; A mu bhubhidile, muthu uoso bhu pholo ia Jihova, u balumuka mu tunga dingi mbonge iii ia Jedikó; mu kuta madisesa, monʼê ua phande-kumbi u mu fua; o mu kuimika mabhitu, monʼê ua kasule u mu fua.

Josuué 8:28

Josuué anga uoha Hai ni túbhia, u i bula katé ki ia di bhange dixita, ia xala ngó o kibhela kiê katé mu kizuua kia lelu.