Matendelelu 13:15 - O Mikanda Ikola

¹⁵ athu oso atungu bhu sanzala ioio mu a bhitisa ku maju a xibhata, ene oso muene mu a buikisa katé ni ibhaku iâ, ni ima ioso iala na-iu.

Matendelelu 13:15 ပူးပေါင်းရင်းမြစ်များ

Ejidala 10:16

A tundu mu ubhika anga a bhanga muene kienhiki; bhenhobho Ejidala, o nganga, anga u di sandula kumoxi ni athu, ikuna ia jitata, muene a nona mu majina mâ, kala kiá kioso kiala mu mabhata ma jitata jâ; anga a di xikamena, mu kizuua kia dianga ku mbeji ia kakuinhi, phala kutokuesa ima ienʼiii.

Makatukilu 22:20

Uoso u satela nzambi iengi, ki kua Jihova, kana, ió muthu ua ku mu jibha muene.

Makatukilu 23:24

enu-phe kana kufukamena o nzambi jâ, kana ku ji diundila mba eie ua kà fikisa o imbamba iâ ia bhanga; inda ene mua a sengulula muene, o iteka iâ mu i bula-bula.

Ijila 27:28

Sumbala kiene, maji o kima kia kilumbu, kia kulumbidila-ku, kia katula muthu nʼa ki bhana kua Jihova, kixi muthu mba kibhaku, kixi mukáu ua batula ku undundu uê, ki kiatokala ku ki sumbisa, né ku ki kula; kima kioso kia lumbila Jihova kiki, kima kikôla kinéne.

Matendelelu 13:14

kuabhu phe, enda kiá ni kuibhula kiambote, uendesa muene; anga u tongesa muene kiambote; o ki u mona kuila kidi, sai-ku athu afúnha kima kia kisunji kala kiki, muʼaxaxi kenu,

Matendelelu 13:5

O Polofetʼoio-phe, mba ka-jinzojʼó mu mu jibha, mukonda ua tange ima ia kubhumina Jihova Nzambi ienu, ua mi katula mʼoxi ia Ijitu, iú ua mi kula mu dibhata dia ubhika mu mua kexi; muene iú ualu sota ku mi katula mu njila ia mi xindila Jihova Nzambi ienu. Mu kubhanga kiki, mua katula o ku-ibha muʼaxaxe kenu.

Matendelelu 17:4

anga eie a ku ivisa-kiu, hé a ku ambela kioso ki kia bhiti; eie-phe, tokuesa-kiu muene kiambote; se kia kidi, kia jimbuluka muene kuma mu Izalaiele a bhange-mu kisunji kala kiki, talesa,

Matendelelu 2:34

Mu izuua ienhoio, anga tu mu bua o madiembu moso, mabhata mê moso tua ma buikisa, ni mala ni ahatu, ni tuana; ki tua xisa-bhu, né ngó muthu umoxi.

Matendelelu 7:16

Ifuẋi ioso i mi seiela Jihova Nzambi ienu, enu mu i jikinisa muene; ki mua kuatela henda, kana; o mahámba mâ ki mua a bheze, kuma kienhókio ki di bhanga mubhetu phalʼenu.

Matendelelu 7:2

Anga Jihova Nzambi ié u ku bhakuila-u phala ku a jibha, eie-phe buikisa-u muene, ene oso; kana kuta-nâ kikutu kia ukamba, kana ue ku a kuatela henda;

Josuué 6:24

Mbonge anga a i ta mu túbhia, ni imbamba ioso iala-mu; maji o phalata ni ulu, ni itutu ia ngôndo ni felu a i bheka mu dilundilu dia inzu ia Jihova.

Dijingunuinu 17:16

O kuinhi dia lumbinga di ua muene, ni kiama muène, a kà di zemba ni kidia-nzunga. Ene a kà mu sebulula, o ioso iala na-iu a kà mu katula-iu, hé u xala thuẋi-a-thakala. A kà mu dia xitu, a mu oha mu túbhia katé ua buila.

Afundixi 20:3

Anʼa Bejamí anga a kiʼvua kuila anʼa Izalaiele a bande bhu Mixipa. Anʼa Izalaiele anga a zuela, exi: Tu tangedienu, mba kubhukumuka kuenhuku kua bhiti kiebhi?

Afundixi 20:48

Maji akua Izalaiele-phe anga alulukila dingi anʼa Bejamí oso a subhuka-ku a a nemeka ku mazu a mukuale, ni dibhata diene dioso, ni ibhaku iâ ni ima ioso ia sange-mu a i jikinisa muene nzaká; o jisanzala jâ joso hé a ji ta mu túbhia.