Matendelelu 13:1 - O Mikanda Ikola

¹ Kioso ki fundumuka jipolofeta mba ka-jinzoji muʼaxaxi kenu, anga u ku bhana kijimbuete mba kisuma,

Matendelelu 13:1 ပူးပေါင်းရင်းမြစ်များ

I Jisobha 13:18

Anga muene u mu ambela, uixi: Eme uami ngi polofeta ni mukuenu, anjo ia ngi tangela mu kizuelu kia Jihova, uixi: Mu vutule, uize-nê ku bhata dié, nda a die-ku kadikoka ni kunua-ku tumenha. Mbe-phe ua mu tangela makutu.

I Jisobha 13:19

Anga muene ualuluka, hé uiza, anga u dia mbolo mʼonzo iê anga u nua menha,

Jisabhu 30:6

Ku bandekeze-phe kama ku maka mê, muene ua vula ku ku bazela, anga u ku mona u mukua makutu.

Izaía 9:15

O kikulakaji (ua kuka) ni mukuakijingo ene o mútue; o musesedi u longa o makutu, muene o mbunda.

Jelemiia 23:11

Mbata kixi o polofeta, uixi o nganga, a di kasanesa; katé ni monzo iami phulu iâ muene mu nga i sange, eme ngi Jihova.

Jelemiia 23:32

Jihova uambe, uixi: Eme nga bilukila muene a tanga uanji ua upolofeta mu nzoji ja makutu, anga a ji tanga, anga a bhangesa athu ami ku tondala ni makutu mâ ni udianzunga uâ; kuma eme ki nga a tumu mba ngʼa a bhana ngonge; ene ue o mundu iú ka u bhekela mbote ia kima, Jihova ua ki tange.

Jelemiia 27:9

Kana-phe ku bhana mátui ku jipolofeta jenu, ni akua iphata, kia mi zuelela, kuamba: ki mua-ndu bhikila sobha ia Babilonha.

Jelemiia 29:24

O Semaia, Nehelamita, u mu tangela, uixi:

Jelemiia 29:26

Jihova ua ku lumbu unganga bhu kididi kia nganga Joiada, phala ni u kale u katúmua ka inzu ia Jihova ku muthu uoso u sota ku ki tundisa, ni ku di bhanga polofeta, eie u mu te muʼaleia ni bhu ditaka.

Jelemiia 29:8

Mukonda Jihova dia Ifuẋi, Nzambi ia Izalaiele, uambe kiki: O jipolofeta jenu, ala mu kaxi kenu, ka mi tobhese, mba azambuidi enu, mba ue kubhana mátui ku jinzoji ji mua mu kuanjiua.

Jelemiia 6:13

Kuma tundé ku ndenge jâ, tulé ku dikota, ene oso muthu ni muthu a di bhakula ku luimbi lua kitadi; tundé ku polofeta katé ku nganga, a jijila midimu ia makutu.

Izekiiele 13:23

kala kiki, ki mua-nda kumona dingi ima ia ukumbu, mba mua kʼènda dingi ni kuzambula; maji o mundu uami nganda ku u kudila bhu maku menu, hé muà kʼijjia kuila eme-muène ngi Ngana.

Zakadiia 10:2

Kuma o iteka mʼonzo izuela kingoho; akua kutaha ngombo a zambula makutu ni kutanga jinzoji ja ku tobhesa na-ju akuâ; o kiela ku konda malamba, kingoho kiene; kienhiki kiene kia bhekesa kuila athu aia ni kuenda ngó kala jimbudi, ezala ni dilamba, mukonda a kambe kabhila.

Zakadiia 13:4

Mu kizuuʼomo-phe jipolofeta ja kà kala ni sonhi ia kutanga kisukila kioso kia mono mu uanji ua upolofeta; ene uâ ka kà zuata dingi mandu ia kindemba, phala nʼa kuata kutanga makutu.

Matesu 24:11

Bhua kà tukuluka jipolofeta javulu ja makutu, ji kala mu jimbidisa mundu uavulu.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Matesu 7:15

Dimukinenu o jipolofeta ja makutu, a mi kana mu izuatu ia jimbudi, maji moxi diâ-phe ala jimbinji jahame.

Marku 13:22

Mukonda kua ka tukuluka ji-Kristu ja makutu, ni jipolofeta ja makutu, a kèdikiza isuma ni madiuanu, phala a tàmbe kate ni anʼ angene a solo Nzambi, se ki xikina ku ki bhanga.

Luka 6:26

Lamba dienu, athu oso se a mi tumbula kiambote, mbata jitata jâ kiene ue ki ja kexi kutumbula o jipolofeta ja makutu!

Matendelelu 18:20

Maji uoso polofeta u di metena mu ukumbu uê kuzuela kima mu dijina diami, sé eme ku mu tuma-kiu, mba-phe u di metena ku ta maka mu dijina dia jinzambi ja kioso-kioso, polofetʼio ua kà fua muene.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Matendelelu 4:2

O ku makʼama u nga mi tendelela, ki mu tudike-ku kima, ki mu tunune-ku kima, inda mu kumbidila ni kulûnda o ijiia ia Jihova Nzambi ienu, i ngala ku mi lekelela.

II Tesalonika 2:9

Kuma o Kisueia iuná, o ku dʼidikisa kuê, kuenda ni kukalakala kuoso kua Satana, ni nguzu ioso ni iphata ni madiuanu ma makutu.

II Phetele 2:1

Mʼukulu ku mundu-phe kuejile jipolofeta ja makutu, uila kiki mudienu kuandú kala ue jimesene ja makutu. Jene ji mi zombela ni maulongelu mengi ma texikisa, katé ni Muadiʼâ ua a sumba a dituna-nê. O mu kubhanga kiki, a di bhekela kingûmba kialenguluka.

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.