Matendelelu 12:7 - O Mikanda Ikola

⁷ Ima ienu ikôla bhene bhu mu i dila, bhu pholo ia Jihova Nzambi ienu, anga mu sanguluka mu ima ioso i mu tula o lukuaku luenu, nʼenu ni mabhata menu, mu ima ioso iejila mu dibesá dia Jihova Nzambi ienu.

Matendelelu 12:7 ပူးပေါင်းရင်းမြစ်များ

I Malunda 29:22

Ene oso kizuua kienhokio anga adia, anua, ni kutana kuonéne bhu pholo ia Jihova. Anga Solomá dia monʼ a Davidi a mu hingisa lua kaiadi ku usobha, hé a mu lumbila kua Jihova mu kukala musonguedi uâ, o Zadoke a mu lumbila ku unganga.

Nehemiia 8:9

Anga Nehemiia (kuma muene ua kexile nguvulu) ni nganga Ejidala, dia musoneki, ni akua Leví, a kexi mu longa o kifuxi ni ku a lombolouela o maka, hé a tangela o kifuxi kioso, exi: Kiki kizuua kiòlumbile Ngana dia Nzambi ienu, ki mu luuale mba mu dila. Mukonda kifuxi kioso, mu kuívua maka ma kitumu, a kexe mu kudila.

Ndongixi 3:12

Kí kia ngi tetulukila muene, kuila, kana-ku dingi kima kiengi kia fuama o muthu kubhanga kala o kusanguluka ni kubhanga mbote ku muenhu uê.

Ndongixi 3:13

Ni kuila ue, o muthu uoso, se u dia, nʼa nu, nʼa kembe ku mbote ioso ia kikalakalu kiê, ʼió-phe ujitu ua Nzambi kiá.

Ndongixi 5:18

Kima-phe kia mbote ki nga mono o kuiuka, kienhiki: O muthu kúdia ni kúnua ni kukemba ni mbote joso ji tunda mu kikalakalu kiê kioso kia talela hadi kulu dia mundu, mbote joso muene ku ji-dia mu imoxi imoxi, izuua ioso ia muenhu uê, ia mu bhana Nzambi iê; kuma iene o mbandu iê ia mu tokala ia mu xinda Nzambi, diene o dikânda diê ku muenhu iú.

Izaía 23:18

Anga o uenji uê ni futu iê ia undumbu a kà i bhakula kua Jihova; ku i lunda kana, ku i bhaka ue kana; maji uenji uê ua kà tokala ió oso ene ku nanga bhu pholo ia Jihova, phala adie katé ki ekuta, a kale ni kizuatu kia kolo, kinanga, kia makembu.

Izaía 62:9

Maji oso amuni ene a i dia, anga a ximana Jihova; oso a kanze a ibundu iâ, ene ue a kà nuà-ku, mu malumbu ma dibhezelu diami.

Izekiiele 44:3

O ku kilamba-phe, o ió uala kilamba ua kà xikama muenhomo kuma kilamba, nʼende ni kúdia o mbolo bhu pholo ia Jihova; u bokuena jinga bhu njila ia muelu ua mbalanda ia dibhitu, o mu njila ienhiʼii muene ue mua tundila jinga.

Jouele 1:16

Makúdia, bhu mesuʼetu manhi ka batuka-bhu? Ni kusanguluka ni kutana ue mʼonzo ia Nzambi ietu ki ku batuka-mu?

Jouele 2:26

Hé mua kà dia ima ia ndumba anga muikuta, ni mu kale mù ximana dijina dia Jihova Nzambi ienu, ua mi bhangela ima ia madiuanu kala iii; kieneʼokio mundu uami ka kà kala dingi ni sonhi.

Ijila 23:40

O mu kizuua kia kuandekela, mu katula ibundu ia miẋi ioso iakembeʼoio, ni isalale ia maie, ni jithangu ja isasa iabuingita iii ia di zandela kiambote, ni misalakelu ia jihonga; anga mu kemba ni kusanguluka bhu pholo ia Jihova Nzambi ienu mu sambuadi dia izuua.

Malakiia 2:13

Enu-phe mua te-ku dingi kiki: Mu izalesa ni masoxi o kalatódio ka Jihova, ni kukuata kudila ni kukema; ijiienukiu-phe, kuma muene ka kà xikina dingi kutala ku ujitu uenu, mba ujitu uenu uẋikina ku u tambula ni kusanguluka bhu maku menu.

Jipoxolo 2:46

Izuua ioso a jiza ni muẋima umoxi o kubhongoloka jinga mu Tembulu ni kubukula o mbolo ku bhata, hé a kuata kúdia jinga kumoxi ni kusanguluka ni kubatama muẋima.

Matendelelu 12:12

Anga mu kuata kutana ni kusanguluka bhu bhata dia Jihova Nzambi ienu, nʼenu ni anʼenu a mala ni anʼenu a ahatu, ni jiselevende jenu ja mala ni ja ahatu; ni levita uoso uala mu malumbu menu; oko muene ka moneka kânda dia undundu muʼaxaxi kenu.

Matendelelu 12:18

o ima iii ki muiza mu ku i dia, mu i dila bhu Bhata dia Jihova Nzambi ienu, bhu kididi kia tungula Jihova Nzambi ienu bhene bhu mu ongama, nʼenu ni anʼenu a mala ni ahatu, ni jiselevende jenu ja mala ni ja ahatu, ni jilevita joso ji mua tungu na-ju mu mbonge ienu; o bhu Bhata dia Jihova Nzambi ienu bhene bhu mu sangulukila jinga ni ima ioso i mu suualela jinga,

Matendelelu 12:8

O ki tuala kubhanga bhabha bhu tualʼabha, o ku pholo ku muia ki kiene ki mu bhanga jinga. Mukonda tuala kuila kala muthu u bhanga kioso kia mu iukila mu mesu mê.

Matendelelu 14:23

Anga mu i dila bhu kididi kioso Jihova Nzambi ié kia tungula ku kala diembu dia dijina diê, ni díjimu dia masa mé, ni dia maluvu mé, ni dia maji mé, ni dia jiphande-kumbi ja jingombe jé ni jimbudi jé; phala u di longe o kuxila jinga Jihova Nzambi ií izuua ioso.

Matendelelu 14:26

kitadiʼokio-phe kiene ki ua kà sumba na-kiu ioso ia solo o muxima ué, mba jingombe, mba jimbudi, mba vinhu, mba maluvu alulu, ni ioso kiá ia ku tumu o muxima; bhenhobho-phe bhene bhu i dila, bhu pholo ia Jihova Nzambi ié; u sanguluke-phe kiá, nʼeie ni athu oso a ku kala bhuʼjiku dié.

Matendelelu 15:20

Uiza-na bhu pholo ia Jihova Nzambi ié bhene bhu ua a dila, muvu ni muvu, bhu kididi kia tungula Jihova, nʼeie ni athu oso ala bhu jiku dié.

Matendelelu 26:11

Anga uenda ni kusanguluka mu mbote ioso-phe i ku bhana Jihova Nzambi ié, iene i u tana-na-iu, kumoxi ni dibhata dié, anga o levita ni nzuángiza uoso ua tungu momoʼé, u sanguluka ue.

Matendelelu 27:7

Usatela jinga ue jisata ja paze anga bhenhobho údia, usanguluka bhu pholo ia Jihova Nzambi ié.

Matendelelu 28:47

Mbata o Jihova Nzambi ié kua mu bhikila ni vondadi, kua mu bhikila ni kisanngusangu kia muxima, kioso ki uala mu ndumba ia jimbote ja kuvudila.

Filipe 4:4

Enu-phe, sanguluka jingʼ enu mua Ngana. Ngi tona o ku ki zuela: Sangulukenu!