Matendelelu 12:6 - O Mikanda Ikola

⁶ Bhene bhu muenda ni kubheka o jisata jenu ja kuoha, ni ibhaku ienu ioso ia kusatela Jihova, ni madijimu menu ni maujitu menu ma ku di fikixila bhu lukuaku luenu, ni jihasa jenu, ni mibhaku ienu ia vondadi, ni jiphande-kumbi ja jingombe jenu ni ja jimbudi jenu.

Matendelelu 12:6 ပူးပေါင်းရင်းမြစ်များ

II Malunda 31:14

O Kola, monʼa Jimina, o levita, mulangiʼa-bhitu ku mbandu ia mutundila-kumbi, muene a mu bhele o kutambula konda ia maujitu ma ku di fikixila, ma Nzambi, mbé o kuenda ni kuuana o maujitu ma Jihova ni ima i kôla kinéne.

II Malunda 7:12

Jihova anga u tukulukila Solomá mu usuku, u muʼambela, uixi; Musambu ué nga uivu, eme nga di solela, kididi kiki phala inzu ni sata.

Ejidala 3:2

Jesuua, monʼa Jozadake, u balumuka ni phange jê, jinganga, ni Zolobabele monʼa Selatiiele, ni phange jê, anga a tunga Kalatódio ka Nzambi ia Izalaiele, phala ku thandu diê kubhakuilaku o jisata, kala kia ki soneka mu divulu dia kitumu kia Mozé, muthu ua Nzambi.

Nehemiia 10:36

ni jithungunu jetu ja mala, ni ja ibhaku ietu, tu bhanga kala ki a ki soneka mu kitumu; ni kuila o ʼthungunu jetu, ni ja ʼmbudi jetu, tu ji bheka mʼonzo ia Nzambi ietu, ku jinganga, ene mu bhanga o ukunji mʼonzo ia Nzambi ietu.

Nehemiia 10:39

Mukonda anʼa Izalaiele ni anʼa Leví a tokala a bheka o maujitu ma kubhuka ma jimbundu ni ma vinhu ni ma maji, mu maxilu ió; mbata muene muala o itutu ia kididi kikôla, muene muala ue o jinganga ja kuata o ukunji, ni alangidi a mielu, ni jingimba; kífua mu kubhanga kienhiki, o inzo ia Nzambi ietu ki tu a-nda ku i ehelela.

Jisálamu 116:17

Ngi ku satela sata ia kusakidila, ngi hingila jinga mu dijina dia Jihova.

Izekiiele 20:40

Mbata, o ku mulundu uami ukôla, ku mulundu ua di leka ua Izalaiele, kuenhoko kuene hádia kua-nda ku ngi bhikila o dibhata dioso dia Izalaiele, bhata diosòlolo muene mu ixi muenhomo; kuenhoko kuene ku nga kà sangulukila momuʼâ, hé kuenhoko ngi mi bhinga o mibhaku ienu ia vondadi, ni maujituʼenu a ibundu ia mutômo, kumoxi kiá ni ima ienu ioso ikôla, Jihova ua ki tange.

Ijila 1:3

Ujitu uê se u kala sata ia kuoha ia ngombe, a sole ia ndumbe, sé ngó unema; a i bheke muène mu vondadi iê, bhu muelu ua balaka ia kutakanena, phala a i ẋikine bhu pholo ia Jihova.

Malakiia 3:10

Bhekenu madijimu moso mʼonzo iami ia dilundilu, mʼonzo iami mu kale mákudia; o ki mu zubha ku ki bhanga, ngi lodienu kiá, eme ngi Jihova dia Ilombo Ieta, se ngi kamba ku mi jikuila jinjanena ja diulu, ni ku mi lunduluila dibesá, di mi soka anga di subhuka, di bhinga ki di kala ni nzôngo iê mu ku mi bhekela jimbote.

Malakiia 3:8

Manhi muthu u tena kunhanʼê Nzambi? Enu-phe muala ku ngi nhana; maji-phe, muixi: Etu tua ku nhana ku ima iahi? Mua ngi nhana ku madijimu mami, ma tokala ku ngi bhakuila, ni ku maujitu ma ku di bhela enuʼenu mu vondadi ienu.

Luka 11:42

Lamba dienu-phe, mu jifalizeu! Mukonda enu Nzambi mu mu futa o dijimu dia kizaka, ni dia sabhola, ni dia tu-idima tuoso, o kufundisa-phe, mu kidi, ni henda ia Nzambi, mua i xé bhoxi. Mua fuamene kuila o iíi mu i bhanga, o ioio-phe ue ki mu i xi dingi.

Luka 18:12

Eme ngi jila luiadi ku semana; ngi bhana kua Nzambi o dijimu dia ima iami ioso i ngi mona.

Matendelelu 12:17

O madijimu kana ku ma dila kubhata dienu: ni díjimu dia idima ienu, ni dia maluvu menu, ni dia maji menu, ni jiphande-kumbi ja jingombe jenu ni ja jimbudi jenu; katé ni ima i mua plometela ku hasa ioso i mua te, ni mibhaku ioso ia vondadi, ni maujitu ma ku di fikixila bhu lukuaku luenu;

Matendelelu 26:2

u katula ku jisamba-tènde ja ibundu ioso i ua-nda kumuna ku mavu aʼxi ioio ia-nda ku ku bhana Jihova Nzambi ié, anga u i longela mu kinda, uia-na-iu bhu kididi kia-nda kutungula Jihova Nzambi ié, bhua-nda kuxikika o dijina diê.

Josuué 22:27

Maji phala umbangi bhu kaẋi kʼetu, mbé ku pholo ku tuia nʼetu, nʼenu, ni miji ietu ioso hádia i tu bhingana, mbé o ku tu enzela phala tu kuatienu kumoxi o kikalakalu kia Jihova bhu pholo iê, ni kubhana jisata jetu ja kuoha, ni mibhaku ietu, ni maujitu etu a kudifikixila. Mbé hádia, anʼenu ka kakule anʼetu, kuila: Enu Jihova ki muala-nê ni kima.

I Samuuele 1:21

Diialʼidi, Elikana, ni dibhata diê dioso, anga a banda kua Jihova mu ku mu satela, kala ki ene mu banga mivu ioso, ni kukumbidila o polomesa iê.

I Samuuele 1:24

Kia zubha ku mu sumuna anga u banda ni mona, ni ngalote jitatu ja ngombe ja kiubha, ni kinda kia fuba, ni kisudi kia vinhu, anga u mu bheka ku inzu ia Jihova mu Silo; kienhokio kambonga kene, hanji ala monʼa uisu.