Matendelelu 12:5 - O Mikanda Ikola

⁵ Bhuoso kiá bhu kididi kia solo kuala Jihova Nzambi ienu muʼaxaxi ka miji ienu ioso, phala kuxikika-bhu o Dijina diê, bhene bhu muia jinga, kuma bhene bhu bhata diê.

Matendelelu 12:5 ပူးပေါင်းရင်းမြစ်များ

I Jisobha 12:27

Kuma athu iá se a banda mu Jeluzaleme mu kusatela monzo ia Jihova, muẋima ua athu iá ua-ndu lunguluka hé a di banda kua ngana iâ, Lobouamu, sobha ia Juda; eme-phe anga a ngi jibha, ene anga a vutuka kua Lobouamu, sobha ia Juda.

I Jisobha 14:21

Kienhokio ue Lobouamu, monʼa Solomá, u kala mu kutumina mu Juda. Kioso Lobouamu kia mateka o kutumina ua kexe kiá mu makuinhʼauana a mivu nʼumoxi, anga u bhanga kuinhi dia mivu ni sambuadi ku uosobha mu Jeluzaleme, mu mbanza ia tunguile Jihova mu miji ioso ia Izalaiele nda a tule-mu o dijina diê. Anga u kala ni mamʼâ dijina diê Nahama, mukua Amone.

I Jisobha 8:16

Tunde kizuua ki nga katula o kifuxi kiami kia Izalaiele mu Ijito, ki nga solo sanzala iengi mu miji ioso ia Izalaiele, ni ngi tunge-mu inzo mu ngi tumbika o dijina diami; maji nga solo-phe Davidi, nda a tumine o kifuxi kiami kia Izalaiele.

I Jisobha 8:20

Ngana kienhiki ua tenesa o kizuelu kiê kia tangele; mukonda eme nga balumuka bhu kididi kia tatʼetu Davidi, eme nga xikama ku kiandu kia Izalaiele, kala kia ki tange Ngana; o dijina dia Ngana, Nzambi ia Izalaiele eme nga di tungila inzo.

I Jisobha 8:27

Maji, ku kidi-phe, Nzambi mbé u tunga mu ngongo? Eie ua lembela maúlu, ni diulu dia maúlu, ku tena kusoka-ku, kuambe dingi o inzo iii i nga ku tungila eme!

I Jisobha 8:29

Phala o mesu mé Ngana, a tone jinge muene ku inzo iii usuku ni muanha, ajikukile ku kididi kiki, ki ua tangele, uixi: Dijina diami muene mu dia kà kala jinga; phala kuívua jinga o musambu u ku sambela mubhikʼé mu kididi kiki.

II Jisobha 18:22

O ki mu ngʼila-phe, muexi: Tua dielela kua Jihova Nzambi ietu; manhi ki muenʼiú, a mu katuila o matala ni jikalatódio kuala Ezekiia, iú uambela Juda ni Jeluzaleme, uixi: Bhu Kalatódio kaka, kala mu Jeluzaleme, bhene ngó bhu mu fukamena?

I Malunda 22:1

Davidi anga uamba, uixi: Kididi kiki kiene kia kà kala o inzo ia Ngana Nzambi, o kalatódio kaka kene ka kà kala kalatódio ka sata ia kuoha phala Izalaiele.

II Malunda 7:12

Jihova anga u tukulukila Solomá mu usuku, u muʼambela, uixi; Musambu ué nga uivu, eme nga di solela, kididi kiki phala inzu ni sata.

Ejidala 3:2

Jesuua, monʼa Jozadake, u balumuka ni phange jê, jinganga, ni Zolobabele monʼa Selatiiele, ni phange jê, anga a tunga Kalatódio ka Nzambi ia Izalaiele, phala ku thandu diê kubhakuilaku o jisata, kala kia ki soneka mu divulu dia kitumu kia Mozé, muthu ua Nzambi.

Ejidala 6:12

O Nzambi-phe, ió ua bhangesa dijina diê di tunge bhenhobho, a buikise jisobha joso ni ifuẋi ioso i zenga lukuaku luâ phala kulungulula o ngonge iii ni kusengulula o inzu iii ia Nzambi, iala mu Jeluzaleme. Eme, Ndala, nga bhana ngonge iii; kioso ki iambe, a ki bhange lusolo. Mahezu.

Ejidala 7:17

Kala kiki, ni muanu uoso, ua kà sumba ni kitadi kiki, tungombe, ni ilumbe ia jimbudi, ni tusèseme tua jimbudi, ni mibhaku iê ia makúdia ni makúnua anga ua kà i bhakula bhu Kalatódio ka onzo ia Nzambi ié, iene iala mu Jeluzaleme.

Nehemiia 1:9

Maji se enu mua kà diela anga mua kà biluka ko kuami, anga mu bhaka o ijila iami, ni ku i bhanga, eme bhenhobho, né hanji jihutile jenu ja kà kala kua suku o diulu, kueneʼoko nga kà a bhongolola anga ngiza-nâ bhu kididi ki nga solo phala kubhanga-bhu nangu dia dijina diami.

Jisálamu 78:68

U sola kiá o muiji ua Juda, ni mulundu ua Ziione ua zolo kiavulu.

Makatukilu 15:2

Jihova muene nguzu iami, mukumbi uami, kua muene kua ngʼijila kubhuluka. Iú Muene Nzambi iami, ngi mu ximana jinga; muene Nzambi ia tatʼetu, eme ngi mu zangeleka.

Makatukilu 20:24

U ngi tungila kalatódio ka mavu, anga u ngi satela ku thandu diê; o sata jê ja kuoha, ni sata ja paze, ni ja jimbudi jé, ni ja jingombe. Bhuoso bhu kididi bhu ngi bhangesa dijina diami kufumanena-bhu, ngi ku sanga bhenhobho, anga ngi ku bhana kuzediua.

Makatukilu 25:22

Bhenhobho bhene bhu tu takanena jinga, ki ngiza kokué; bhu thandu dia kibhuna kia kiadi, bhene bhu nga kà zenzamena mu ku ku zuelesela mu kaẋi ka jixelube jala ku thandu dia álaka ia umbangi, o ima ioso i ngi ku tuma kuambela anʼa Izalaiele.

Jelemiia 26:2

Jihova uambe kiki: Imana mu kimbaka kia inzu ia Jihova, u tangele mabhata oso a Juda a mu kuiza mu kubheza kʼonzo ia Jihova, maka oso u nga ku tumu ku a tangela; kujimbe-ku, né kizuelu kimoxi ngó.

Jelemiia 7:12

Maji kindala ndenu-phe ku kididi kiami, kia kexi mu Silu, mu nga xikikile o dijina diami ku dimatekenu, mu tale kioso ki nga mu bhange, mukonda dia unzangi ua mundu uami ua Izalaiele.

Jelemiia 7:14

Onzo-phe iii, ia lukila mu dijina diami, i mua mu dielela, ni kididi kiki, ki nga mi bhana enu ni jitata jenu, nga-nda ku i bhanga kala ki nga bhange Silu.

Ijila 17:4

anga ufula ku ji bheka bhu muelu ua Balaka, phala kubhakula sata kua Jihova, bhu pholo kiki ia balaka, muthu ió manhinga ma mu kale mulonga; kuma ua bhubhisa manhinga; mukonda dia mulonga uenhú, a kà mu batula mu kionge kia kifuẋi kiê.

Dialuilu 7:89

Mozé kioso kia bokona jinga mu balaka ia kutakanena mu kuzuela ni Jihova, uívua dízui di mu zuelesa, di tunda ku kibhuna kia kiadi kiala ku thandu dia álaka ia umbangi, bhu kaẋi ka xelube jiiadi; kienhiki kiene kia mu zuelesa jinga.

Matendelelu 12:11

Kiene kiua Jihova Nzambi ienu kia kà sola kididi bhua kà tunga ue kiá o Dijina diê; o bhenhobho bhene bhu mua kà bheka jinga ioso-lolo i nga mi xindi: jisata jenu ja kuoha, mibhaku ienu ia kusatela, ni madijimu menu, ni ma-ujitu menu ma ku di fikixila bhu lukuaku luenu, ni ioso kiá i mu sola kubhakula ni hasa ioso i uate kua Jihova.

Matendelelu 12:13

Di lange-phe, kana kubhakula jisata ja kuoha bhuoso-bhuoso bhu uamono;

Matendelelu 12:18

o ima iii ki muiza mu ku i dia, mu i dila bhu Bhata dia Jihova Nzambi ienu, bhu kididi kia tungula Jihova Nzambi ienu bhene bhu mu ongama, nʼenu ni anʼenu a mala ni ahatu, ni jiselevende jenu ja mala ni ja ahatu, ni jilevita joso ji mua tungu na-ju mu mbonge ienu; o bhu Bhata dia Jihova Nzambi ienu bhene bhu mu sangulukila jinga ni ima ioso i mu suualela jinga,

Matendelelu 12:4

Ki kiene-phe ki mu bhanga ni Jihova Nzambi ienu.

Matendelelu 14:23

Anga mu i dila bhu kididi kioso Jihova Nzambi ié kia tungula ku kala diembu dia dijina diê, ni díjimu dia masa mé, ni dia maluvu mé, ni dia maji mé, ni dia jiphande-kumbi ja jingombe jé ni jimbudi jé; phala u di longe o kuxila jinga Jihova Nzambi ií izuua ioso.

Matendelelu 14:24

Maji-phe, o ki u kala kanga dia lebha, o ima iii ki i xikina ku i ambata, kuma kididi kia tungula Jihova Nzambi ié phala kuxikika-bhu o dijina diê, kiàla bhua lebha, eie-phe o Jihova Nzambi ié ua ku bhandulula kiavulu,

Matendelelu 15:20

Uiza-na bhu pholo ia Jihova Nzambi ié bhene bhu ua a dila, muvu ni muvu, bhu kididi kia tungula Jihova, nʼeie ni athu oso ala bhu jiku dié.

Matendelelu 16:11

Kienhokio-phe anga utana ni kusanguluka bhu pholo ia Jihova Nzambi ié, eie, ni monʼé ua diiala, ni ua muhatu, ni selevende ié ia diiala, ni ia muhatu, ni levita uoso uatungu-nê mu mbonge ienu, ni nzuángiza, ni monʼa difundu, ni mutudi; oso kia u uatungu-nâ, bhu kididi kioso bhua solo Jihova Nzambi ié kukala dibhata dia Dijina diê.

Matendelelu 16:15

Fesa iii u i bhangela Jihova Nzambi ié mu sambuadi dia izuua, bhu kididi kioso kia solo Jihova; mbata Jihova Nzambi ié ua-nda ku ku zediuisa mu ima ioso i u muna, ni mu ikalakalu ioso ia maku mé; kala kiki, eie u tumbujuka muene ni kutana.

Matendelelu 16:2

Bhu Phasu u satela jinga-phe Jihova Nzambi ié o jimbudi ni jingombe bhu kididi kioso kia solo Jihova Nzambi ié, kukala dibhata dia Dijina diê.

Matendelelu 16:6

Kikale ngó bhu kididi kia solo Jihova Nzambi ié ku kala dibhata dia Dijina diê, bhene bhu usatela o Phasu mu ngoloxi, ki tula dikumbi, bhu kithangana ki ua tundile ku Ijito.

Matendelelu 16:7

Anga u i lamba, u i dila bhu kididi kia tungula Jihova Nzambi ié; o ki kúkia mu kimene, kiene ki uvutukila mu jibalaka jé.

Matendelelu 17:8

Mu kubatula milonga, se bhu kala diba dia ku bhonzo, hé mvunda ia athu a di jibha mbandu ni mbandu, mba dimânda ni dimânda, mba a di kuama enhoso, mba-phe a di kuata jiphata ia a di bhinjika, muʼaxaxi ka mabhata menu; balumuka-phe, u bande ku kibuta kioso kiasolo kuala Jihova Nzambi ié,

Matendelelu 18:6

Se kueza levita ua tundu mu mbonge mua tungile mba ku mabhata mé mu Izalaieleʼumu, anga u di bhana ni vondadi ia muxima bhu dibhata diasolo Jihova,

Matendelelu 26:2

u katula ku jisamba-tènde ja ibundu ioso i ua-nda kumuna ku mavu aʼxi ioio ia-nda ku ku bhana Jihova Nzambi ié, anga u i longela mu kinda, uia-na-iu bhu kididi kia-nda kutungula Jihova Nzambi ié, bhua-nda kuxikika o dijina diê.

Matendelelu 31:11

kioso ki bhongoloka jinga Izalaiele ioso bhu pholo ia Jihova Nzambi iê, bhuʼikididi kia dibhata dia tungula muene, bhenhobho utanga Kitumuʼiki bhu pholo ia Izalaiele ioso, ku mátui mâ.

Kolose 2:9

Kuma o unzambi uoso ua Nzambi, ua muvimba, ua tunga mua Kristu muène ni mukutu uê ua xitu.

Jihebeleu 12:22

Enu-phe mueza ku Mulundu ua Ziione, ku dibhata dia Nzambi ua kola o muenhu, ku Jeluzaleme ia diulu, ni jimidi jê ja ji-anju.

Josuué 18:1

Kionge kioso-phe kia anʼa Izalaiele anga ki bhongoloka bhu Silu. O balaka ia kutakanena anga a i oleka bhenhobho, kioso kia a tolokela kiá oxi.

Josuué 22:11

Anʼa Izalaiele-phe hé a kívua, kuila: Anʼa Lubene, ni anʼa Ngadi, ni kaxaxi ka muiji ua Manasa, atungu kalatódio ka zukamena ku oxi ia Kanana, mu jimbambe ja Njolodá, ku kisambu kiatokala anʼa Izalaiele.

Josuué 9:27

Kizuua kienhókio, Josuué ua a te mu kukala a-ẋangi a jihunhi, a-teki a menha ma kionge kioso, ni kalatódio ue ka Jihova, katé mu kizuua kia lelu, bhu kididi bhuoso bhua sola.

Dijingunuinu 14:1

Kienhókio anga ngi talesa, ngi mona Kambudi uemana ku Mulundu ua Ziione. Anga kukala athu kumoxi ni Muène, hâma ia midi ni makuinhi auana ni midi jiuana, ala ni dijina diê ni dijina dia Tata iê, òsoneke bhu mabhômo mâ.