Matendelelu 12:3 - O Mikanda Ikola

³ misônga iâ mu i lundumuna bhoxi, iteka iâ ia kusonga mu i bula-bula, o mixitu iâ (iene mu bhezela) mu i ta mu túbhia, nzambi jâ joso mu ji sengulula muene, o dijina diâ mu di jima muene anga moxiʼomo dibhua-mu.

Matendelelu 12:3 ပူးပေါင်းရင်းမြစ်များ

I Jisobha 14:15

O Ngana ua-ndu kuama ue Izalaiele, kala ki a tutumbisa o dithethele dia mu kunguluka ku menha kiene ue Jihova ua kà vuza Izalaiele mu ixi iambote iii ia bhele ku jitata jâ, anga ua kà a muangena ku sámbua diná dia ngiji ia Ufalate, mukonda a di bhangela mixitu iâ, mu kulokalala o njinda ia Jihova.

I Jisobha 15:13

Anga u balakala muene katé ni mamʼâ, Mahaka, phala a lémbue kukala muene Na Mvale, mukonda dia kiteka kia bhangele ki kuatesa uoma, kia kexe mu kuixana exi Asela; Aza u bula ue o kiteka kienhiki, anga u ki ohela ku mbanduʼa kangiji ka Kedolone.

II Jisobha 11:18

Bheneʼobho o kifuẋi kioso kia tokala mu ixi, ki bokona mʼonzo ia Bale hé a i bula; Kiene ue kimoxi ni jikalatódio jê ni iteka iê ioso muene a i bula-bula; o Matane, nganga ia Bale, a mu jibhila bhu pholo ia jikalatódio jene. Bheneʼobho o nganga Joiada, hé u tá athu mu inzu ia Jihova aia ni kutumina.

II Jisobha 18:4

Kuma muenʼiú ua katula o matala oso, o italamu ioso ua i bula-bula, o mixitu ua i kokela bhoxi, o nhoka ia utadi ia bhangele Mozé muene ua i tuetujula; mukonda katé hanji bhu kizuua kieneʼokio, o anʼa Izalele a kexi mu i ohela uasu ua dizumba ni ku ixana, exi: Nehuxtane.

II Jisobha 23:14

Jipholela joso ue ua ji bula-bula kiòmuene, o mixitu ua i kokela bhoxi, bhu kididi kiê iu uezalesa-bhu ni ifuba ia athu.

II Malunda 14:2

Aza anga u bhanga kia iuka, kia fuama, bhu mesu ma Jihova, Nzambi iê.

II Malunda 14:3

Kuma jikalatódio ja jinzambi jengi ua ji katula, o matala mâ ua ma sengulula; o iteka iâ ua i bula-bula, o mixitu iâ ua i kokela bhoxi.

II Malunda 19:3

Sumbala kiene, maji a sange hanji ima ia mbote momué; mukonda o mixitu eie ua i katula mu ixi, eie ua iudika muẋima ué phala kusota Nzambi.

II Malunda 31:1

Kioso o ima ioso iii ki iabhu, akua Izalaiele oso a kexile bhobho, a katuka, aia mu jimbonge ja Juda anga o iteka a i bula-bula, mixitu a i koka, mu Juda ioso ni mua Bejamí a sengulula-mu o matala moso ni jikalatódio, kiene ue kimoxi mua Efalaime ni Manasa, katé ima ioso kia i sengulula; kuabhu-phe, ana oso a Izalaiele a vutuka kiua, muthu uia kokuʼâ, muthu uia kokuʼâ, mu jisanzala jâ.

II Malunda 34:3

Mukonda o kioso kia bhixila mu muvu ua kanake ua utuminu uê, kioso kiala hanji mona-ndenge, kiene kia mateka ni kusota o Nzambi ia tatʼâ Davidi; o kia tula mu muvu ua kakuinhi ni kiiadi, kiene kiá kiandeka o kuzelesa Juda ni Jeluzaleme ku matala ni ku mixitu ni ku iteka ia kusonga ni ia kuzunza.

Jisálamu 16:4

Malamba mâ mʼaia ni kusokoloka, oso a bhakuila nzambi iengi; kiamenga kiâ eme ngi dituna ku ki bhana, majina mâ ngó ki ngi xikina ku a tumbula ni mizumbu iami.

Makatukilu 23:13

Ima ioso i nga mi tendelelʼiii, alukenu-iu; kana kutumbula nzambi jengi; o dijina diâ mu kanu dié ki di bhite-mu, mba ku ji banza ngó.

Makatukilu 23:24

enu-phe kana kufukamena o nzambi jâ, kana ku ji diundila mba eie ua kà fikisa o imbamba iâ ia bhanga; inda ene mua a sengulula muene, o iteka iâ mu i bula-bula.

Makatukilu 34:13

Maji o kalatódio jâ mu ji bula, iteka iâ mu i bukujula, o matutu ma Axelahe mu a kokela bhoxi.

Izaía 27:9

Kienhiki-phe, o kikuma kioso kia Jakobo, a kà ki bhuisa-ku ni kiamenga; o kiki kia kà kala kiene o kibundu kia kukatula o kituxi kiê kioso, kioso. O Jihova muene kia-nda kubhanga o matadi oso a kalatódio kala matadi ma hala a ma bula-bula; kieneʼokio ue, o mixitu ni iteka ia lumbidile o dikumbi, ki ia kà tena dingi kuimana.

Jelemiia 17:2

Ni anʼâ ue kia banza o jikalatódio jâ, ni mixitu iâ ni miẋi ia uisu, iala bhu thala dia tulundu.

Hozeia 2:17

O majina ma mahamba mê, mu kanu diê nga-nda ku ma katula-mu, majina ma iteka ioio ka kà muiza dingi mu kilunji kiê.

Mikeia 5:14

O mixitu ikôla iala muʼaxaxi ké, nga kà i vuza; o jisanzala jé nga kâ ji muangamuanga.

Zakadiia 13:2

Bhu kizuuʼokio-phe, kia kà kala kiki: Kuma majina ma iteka mu ngongo nga kà ma bhuisa-mu; o iteka ki bhuà kala dingi uoso u i xinganeka, Jihova dia Ilombo Ieta ua ki tange. Ni jipolofeta ja makutu mu ngongo nga kà ji kaiesa-mu, ki ja kà kala-mu dingi; ni nzumbi ioso ia ufusa ue ia kà tunda.

Dialuilu 33:52

akua-xi momo, mua kà a kaiesa oso bhu pholo ienu, iteka iâ ia matadi mu i bula, iteka iâ ia utadi uóuiẋike mu i bhuisa-bhu, matala mâ ma mahamba mu a sengulula;

Matendelelu 12:4

Ki kiene-phe ki mu bhanga ni Jihova Nzambi ienu.

Matendelelu 7:25

Iteka iâ ia kusonga, ia jinzambi jâ mu i ta mu túbhia; ni phalata ni ulu uoso ua zunzila ku iteka ioio ki i mi kuate luimbi, ki mu i katule ni i mi bhekele kidibukanu ki mi jikinisa; mukonda ima ienhoio kua Jihova Nzambi ienu ufusa!

Matendelelu 7:5

Inda mu a bhanga kiki: Kalatódio jâ mu ji bula-bula, jiphonena jâ mu ji bukujula, o mixitu iâ ikôla mu i koka, o iteka iâ ia kusonga mu i oha mu túbhia.

Dijingunuinu 13:1

Anga ngi mona kiama kiala mu tomboloka mu musanza ua kalunga. Kiala ni kuinhi dia lumbinga, ni sambuadi dia mùtue; o ku jimbinga jê kuinhi dia kitundu, o ku mítue iê a soneka-ku majina a isunji, a kuxinga Nzambi.

Afundixi 2:2

Enu-phe uenu, kana kuta kikutu ni akuaʼxi ienhiʼii, kalatódio jâ mu ji bula. Enu-phe ki mua ngʼivu dízui diami; mua ki bhangela-hi kienhiki?