Matendelelu 12:28 - O Mikanda Ikola

²⁸ O ki ngala kuzuelʼiki ivenu-kiu muene kiambote, mu ki lunde ku muxima, phala mu bonge ujitu, mu kale ni kuzediua nʼenu ni anʼenu oso ʼa-nda ku mi bhingana katé ku hádia ni hádia, kioso ki mu kuata kubhanga ima iaiuka ku mesu ma Jihova Nzambi ienu.

Matendelelu 12:28 ပူးပေါင်းရင်းမြစ်များ

II Jisobha 17:31

Akua Hava a bhange Niba ni Talatake; akua Sefalavaime a kuata kuoha o tuana tuâ mu túbhia, mbé o mahamba aiadi a Sefalavaime exana, exi: Adameleke ni Anameleke.

II Malunda 7:17

Kuambe-phe dingi eie, se uenda bhu pholo iami, kala kiende tatʼenu Davidi, hé u bhanga muene ioso kala ki nga kuambela, anga u bhaka o jingonge jami ni mabatuilu mami,

Nehemiia 1:5

Ngixi; Ngana tata, u Nzambi ia diulu, Nzambi ia dikota, u kuatesa uoma! Uene mu bhaka o kikutu ni kulendukila ió oso a kuzola anga a bhaka o ijila ié;

Jisálamu 105:45

phala o itumu iê a i kuate muene, o ijila iê a i tumake. Haleluia!

Makatukilu 34:11

Aiuka kiambote kioso ki ngi ku ambela kizuua kia lelu; nga-nda kukaia bhu pholo ié, o Mamodi, ni Makanana, ni Mahiti, ni Mapelezi, ni Mahivi, ni Majebuzi.

Ndongixi 8:12

O mukua ituxi némbe o kuiibha u ku bhanga mu luhama, anga o izuua iê i vula muene, hanji kima kimoxi ki ngejiia mu kidi, kuila ió oso a xila Nzambi ene a zediua, oso muene kiá a kala ni uoma bhu pholo iê.

Izekiiele 37:24

Anga o mubhikʼami Davidi muene ua kà kala sobha iâ, ene oso hé a kà kala ni mubidi umoxi ngó; anga a kʼèndela mu mabatuilu mami, enda ni kualuka o jingonge jami ni ku ji bhanga.

Ijila 19:37

Alukenu o jingonge jami joso, ni mabatuilu mami moso, muende ni kukumbidila o ijiia iami ioso, kala ki nga mi ambela; Eme-muène Jihova.

Nzuá 15:10

Se mu aiuka o ijila iami, mua-ndu xala ue mu henda iami, kala eme ki ngʼ aiuka o ijila ia Tata iami, eme nga xala mu henda iê.

Nzuá 15:14

Enu mu makamba mami se mu bhanga ima ioso i nga mi tumu.

Nzuá 15:3

Enu mua zele kiá, mukonda dia maka u nga mi longo iá.

Matendelelu 12:25

Ku a dié-ze; bhanga muene kioso kiaiuka ku mesu ma Jihova, nda ubonge ujitu, ukale ni kuzediua nʼeie ni anʼé oso a-nda ku ku bhingana kioso eie ki u bhanga kiaiuka bhu pholo ia Jihova.

Matendelelu 24:8

Dimuka jinga ni dibhute, enda ni kukumbidila muene kioso ki ku longa o jinganga, a kua muiji ua Levi; kioso ki nga tendelela eme kua ene, endenu ni ku kuata muanu ku ki bhanga muene.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.