Matendelelu 12:21 - O Mikanda Ikola

²¹ O kididi kia tungula Jihova Nzambi ienu phala kuxikika-bhu o dijina diê, se kia ku kala bhua lebha, kiene kimoxi, jingombe ni jimbudi ja ku bhana Jihova Nzambi ienu muenda ni kúdia, kala ki nga mi ambela kiá; mu ji dila ku mabhata menu, kioso kia mi tumu o muẋima.

Matendelelu 12:21 ပူးပေါင်းရင်းမြစ်များ

I Jisobha 14:21

Kienhokio ue Lobouamu, monʼa Solomá, u kala mu kutumina mu Juda. Kioso Lobouamu kia mateka o kutumina ua kexe kiá mu makuinhʼauana a mivu nʼumoxi, anga u bhanga kuinhi dia mivu ni sambuadi ku uosobha mu Jeluzaleme, mu mbanza ia tunguile Jihova mu miji ioso ia Izalaiele nda a tule-mu o dijina diê. Anga u kala ni mamʼâ dijina diê Nahama, mukua Amone.

II Malunda 12:13

Mu Jeluzaleme-phe, sobha Lebouamu u di xitila ni ima ia nguzu anga u kuata kutumina. Kieneʼokio Lebouamu ua kexi mu makuinhi a uana a mivu ni umoxi kioso kiandeka kutumina; anga u tumina kuinhi dia mivu ni sambuadi mu Jeluzaleme, mbonge ia solo Jihova mu miji ioso ia Izalaiele phala o ku ta dijina diê momo; o manhʼâ sobha dijina diê Nahama, mukua Amone.

Ejidala 6:12

O Nzambi-phe, ió ua bhangesa dijina diê di tunge bhenhobho, a buikise jisobha joso ni ifuẋi ioso i zenga lukuaku luâ phala kulungulula o ngonge iii ni kusengulula o inzu iii ia Nzambi, iala mu Jeluzaleme. Eme, Ndala, nga bhana ngonge iii; kioso ki iambe, a ki bhange lusolo. Mahezu.

Makatukilu 20:24

U ngi tungila kalatódio ka mavu, anga u ngi satela ku thandu diê; o sata jê ja kuoha, ni sata ja paze, ni ja jimbudi jé, ni ja jingombe. Bhuoso bhu kididi bhu ngi bhangesa dijina diami kufumanena-bhu, ngi ku sanga bhenhobho, anga ngi ku bhana kuzediua.

Matendelelu 12:11

Kiene kiua Jihova Nzambi ienu kia kà sola kididi bhua kà tunga ue kiá o Dijina diê; o bhenhobho bhene bhu mua kà bheka jinga ioso-lolo i nga mi xindi: jisata jenu ja kuoha, mibhaku ienu ia kusatela, ni madijimu menu, ni ma-ujitu menu ma ku di fikixila bhu lukuaku luenu, ni ioso kiá i mu sola kubhakula ni hasa ioso i uate kua Jihova.

Matendelelu 12:15

Maji o xitu ia kudiʼoio, kioso ki u mona uilu ua ku kuata, u i jibhilʼé muene bhu bhata dié bhuoso bhu ualungu, anga udia muene o xitu kioso kia ku tumu o muxima ué ni kioso kia ku zediuisa Jihova Nzambi ié; kixi muthu ua xidi, kixi muthu ua zele, ene oso a tena kudia, mukua ni kiene mu kúdia o mbambi ni ngulungu.

Matendelelu 12:20

Kuila kiá oxi ié Jihova Nzambi ié ua ku bandekezela-iu kiá katé ku makanga kala kia ku polometela muene, eie anga uila kuenhoko, uixi: Ngandala kúdia xitu, mukonda uilu ua xitu ua ku kuata, sembele, diá-iu muene kioso kia ku tu-mu o muxima.

Matendelelu 12:22

Kifua-phe kiene ki muene mu kúdia o mbambi ni ngulunguʼokio kiene ki mu idia; o muthu uakasanʼó udiê bhuamoxi ni uoso uabhiti ku dibônzo.

Matendelelu 12:5

Bhuoso kiá bhu kididi kia solo kuala Jihova Nzambi ienu muʼaxaxi ka miji ienu ioso, phala kuxikika-bhu o Dijina diê, bhene bhu muia jinga, kuma bhene bhu bhata diê.

Matendelelu 16:11

Kienhokio-phe anga utana ni kusanguluka bhu pholo ia Jihova Nzambi ié, eie, ni monʼé ua diiala, ni ua muhatu, ni selevende ié ia diiala, ni ia muhatu, ni levita uoso uatungu-nê mu mbonge ienu, ni nzuángiza, ni monʼa difundu, ni mutudi; oso kia u uatungu-nâ, bhu kididi kioso bhua solo Jihova Nzambi ié kukala dibhata dia Dijina diê.

Matendelelu 16:6

Kikale ngó bhu kididi kia solo Jihova Nzambi ié ku kala dibhata dia Dijina diê, bhene bhu usatela o Phasu mu ngoloxi, ki tula dikumbi, bhu kithangana ki ua tundile ku Ijito.

Matendelelu 26:2

u katula ku jisamba-tènde ja ibundu ioso i ua-nda kumuna ku mavu aʼxi ioio ia-nda ku ku bhana Jihova Nzambi ié, anga u i longela mu kinda, uia-na-iu bhu kididi kia-nda kutungula Jihova Nzambi ié, bhua-nda kuxikika o dijina diê.