Matendelelu 12:12 - O Mikanda Ikola

¹² Anga mu kuata kutana ni kusanguluka bhu bhata dia Jihova Nzambi ienu, nʼenu ni anʼenu a mala ni anʼenu a ahatu, ni jiselevende jenu ja mala ni ja ahatu; ni levita uoso uala mu malumbu menu; oko muene ka moneka kânda dia undundu muʼaxaxi kenu.

Matendelelu 12:12 ပူးပေါင်းရင်းမြစ်များ

I Jisobha 8:66

Anga mu kizuua kia kanake a sulula kifuxi, ene anga a benzela sobha; aia kiua ku jifundu jâ, a sanguluka ni mixima ia tana, mukonda dia mbote ioso ia bhangele Ngana kua ngunza iê Davidi, ni ku kifuxi kiê kia Izalaiele.

II Malunda 29:36

Ánga Ezekiia ni kifuẋi kioso a sanguluka mukonda o Nzambi muene-muène ua bhangesa o kifuxi kiê o ku di iudika kiambote, mbata o kikalakalu kiki a ki bhange lusolo.

Nehemiia 8:9

Anga Nehemiia (kuma muene ua kexile nguvulu) ni nganga Ejidala, dia musoneki, ni akua Leví, a kexi mu longa o kifuxi ni ku a lombolouela o maka, hé a tangela o kifuxi kioso, exi: Kiki kizuua kiòlumbile Ngana dia Nzambi ienu, ki mu luuale mba mu dila. Mukonda kifuxi kioso, mu kuívua maka ma kitumu, a kexe mu kudila.

Jisálamu 147:1

Ximanenu Jihova! kima kiambote o kuimba mù ximana Nzambi ietu; kiki-phe kia touala, kia fuama muene o kuximana.

Ijila 23:40

O mu kizuua kia kuandekela, mu katula ibundu ia miẋi ioso iakembeʼoio, ni isalale ia maie, ni jithangu ja isasa iabuingita iii ia di zandela kiambote, ni misalakelu ia jihonga; anga mu kemba ni kusanguluka bhu pholo ia Jihova Nzambi ienu mu sambuadi dia izuua.

Dialuilu 18:20

Jihova ue anga uambela dingi Alá, uixi: O mu ixi ié eie kua kà kala-mu ni undundu ua kima, o muʼaxaxe kâ ene ki mua kà ku kala dikânda; muʼaxaxe ka anʼa Izalaiele, emiʼeme ngi undundu ué, eme ngi dikânda dié.

Dialuilu 18:26

Eie ue ua ka zuelela o jilevita, u a tangela, kuma: Kioso enu ki mu tambula o mbandu ja kakuinhi ku ana a Izalaiele, ji nga mi bhela enu kokuâ mu undundu uenu kienhókio mu bhakula-ku o ujitu uenu kua Jihova; jene o jimbandu ja kakuinhi ku mbandu ja kakuinhi ji mua tambula.

Nzuá 13:8

Phetele uixi: Kana, Ngana, nguami eie ni u ngi sukule inama. Jezú uixi: Se nga kambe ku ku sukula, eie ku kala dingi u dixibulu diami.

Jipoxolo 8:21

Eie mu Njimbu iii kuala-mu ni kibatu mba kididi, kuma o muẋima ué ki ua iukila kua Nzambi.

Matendelelu 10:9

Kiene kia bhekesa kuila o Levi kala ni undundu ua kima muʼaxaxi ka jiphange jê, mukonda undundu ua-muene, Jihova muene, kala kia ku ambela Jihova Nzambi ié.

Matendelelu 12:18

o ima iii ki muiza mu ku i dia, mu i dila bhu Bhata dia Jihova Nzambi ienu, bhu kididi kia tungula Jihova Nzambi ienu bhene bhu mu ongama, nʼenu ni anʼenu a mala ni ahatu, ni jiselevende jenu ja mala ni ja ahatu, ni jilevita joso ji mua tungu na-ju mu mbonge ienu; o bhu Bhata dia Jihova Nzambi ienu bhene bhu mu sangulukila jinga ni ima ioso i mu suualela jinga,

Matendelelu 12:19

O levita-phe ki muthu ua ku mu ta dikunda, anga mu fula ku mu dikila mu thembu joso ja kukala kulu dia mundu,

Matendelelu 12:7

Ima ienu ikôla bhene bhu mu i dila, bhu pholo ia Jihova Nzambi ienu, anga mu sanguluka mu ima ioso i mu tula o lukuaku luenu, nʼenu ni mabhata menu, mu ima ioso iejila mu dibesá dia Jihova Nzambi ienu.

Matendelelu 14:29

mbé kia kà tukuluka o levita (kuma muene muthu ka moneka ngó dikânda ku undundu kala eie), ni nzuángiza ua tunda o dikanga, ni mona difundu, ni mutudi, u ua tungu-nâ bhuamoxi, mu sanzala ienu, a tene kúdia katé kiekuta; phala Jihova Nzambi ié a ku tele dingi dibesá ku ikalakalu ioso ia maku mé i uenda ni kubhanga.

Matendelelu 16:11

Kienhokio-phe anga utana ni kusanguluka bhu pholo ia Jihova Nzambi ié, eie, ni monʼé ua diiala, ni ua muhatu, ni selevende ié ia diiala, ni ia muhatu, ni levita uoso uatungu-nê mu mbonge ienu, ni nzuángiza, ni monʼa difundu, ni mutudi; oso kia u uatungu-nâ, bhu kididi kioso bhua solo Jihova Nzambi ié kukala dibhata dia Dijina diê.

Matendelelu 16:14

O ki u bokuesa o fesa, utana, eie ni monʼé ua diiala, ni ua muhatu, ni selevende ié ia diiala, ni ia muhatu, ni levita, ni nzuángiza, ni monʼa difundu, ni mutudi, oso kiá u uatunga-nâ mu sanzala ienu.

Matendelelu 18:6

Se kueza levita ua tundu mu mbonge mua tungile mba ku mabhata mé mu Izalaieleʼumu, anga u di bhana ni vondadi ia muxima bhu dibhata diasolo Jihova,

Matendelelu 26:11

Anga uenda ni kusanguluka mu mbote ioso-phe i ku bhana Jihova Nzambi ié, iene i u tana-na-iu, kumoxi ni dibhata dié, anga o levita ni nzuángiza uoso ua tungu momoʼé, u sanguluka ue.

Matendelelu 26:12

Mu muvu ua katatu, ua tokala o madijimu, kioso ki u zubha o kubhongolola madijimu oso a jimbote ja idima ié, enda ni ku ma uanena o levita, ni kidijila, ni monʼa difundu, ni mutudi ua fundu o diiala, nda akale ni kia kúdia mu diembu diʼeie, phala ekute.

Matendelelu 27:7

Usatela jinga ue jisata ja paze anga bhenhobho údia, usanguluka bhu pholo ia Jihova Nzambi ié.

Josuué 13:14

O mu kuuana ubhinganu, Mozé o muiji ua Levi ka u bhana kima; mukonda o jisata ja kuoha, ja bhana kua Jihova Nzambi ia Izalaiele, diene o dikanda diâ dia ubhinganu, kala kia a ambelele kiá.

Josuué 13:33

Maji o muiji ua Levi phe Mozé ka u bhana ubhinganu; kuma o Jihova Nzambi ia Izalaiele, muene o ubhinganu uâ kala kia mu ambelele-kiu kiá kuala Jihova muene.

Josuué 14:4

Anʼa Zuze, ene-ku a di bhange miiji iiadi, Manasa ni Ifalaimi. O jilevita ka ji bhele undundu, a a bhele ngó jisanzala, phala a tunge a some, ni mikáu iâ ku maxilu a mabhata mbé o ibhaku iâ ni uvuilu ua ilunga iâ.