Matendelelu 12:11 - O Mikanda Ikola

¹¹ Kiene kiua Jihova Nzambi ienu kia kà sola kididi bhua kà tunga ue kiá o Dijina diê; o bhenhobho bhene bhu mua kà bheka jinga ioso-lolo i nga mi xindi: jisata jenu ja kuoha, mibhaku ienu ia kusatela, ni madijimu menu, ni ma-ujitu menu ma ku di fikixila bhu lukuaku luenu, ni ioso kiá i mu sola kubhakula ni hasa ioso i uate kua Jihova.

Matendelelu 12:11 ပူးပေါင်းရင်းမြစ်များ

I Jisobha 12:27

Kuma athu iá se a banda mu Jeluzaleme mu kusatela monzo ia Jihova, muẋima ua athu iá ua-ndu lunguluka hé a di banda kua ngana iâ, Lobouamu, sobha ia Juda; eme-phe anga a ngi jibha, ene anga a vutuka kua Lobouamu, sobha ia Juda.

I Jisobha 8:13

Ni kidi kiene, eme nga ku tungila inzo mʼu kala jinga, Kuma dibhata dia nangu dié dia kalelà-ku.

I Jisobha 8:16

Tunde kizuua ki nga katula o kifuxi kiami kia Izalaiele mu Ijito, ki nga solo sanzala iengi mu miji ioso ia Izalaiele, ni ngi tunge-mu inzo mu ngi tumbika o dijina diami; maji nga solo-phe Davidi, nda a tumine o kifuxi kiami kia Izalaiele.

I Jisobha 8:29

Phala o mesu mé Ngana, a tone jinge muene ku inzo iii usuku ni muanha, ajikukile ku kididi kiki, ki ua tangele, uixi: Dijina diami muene mu dia kà kala jinga; phala kuívua jinga o musambu u ku sambela mubhikʼé mu kididi kiki.

II Jisobha 18:22

O ki mu ngʼila-phe, muexi: Tua dielela kua Jihova Nzambi ietu; manhi ki muenʼiú, a mu katuila o matala ni jikalatódio kuala Ezekiia, iú uambela Juda ni Jeluzaleme, uixi: Bhu Kalatódio kaka, kala mu Jeluzaleme, bhene ngó bhu mu fukamena?

I Malunda 22:1

Davidi anga uamba, uixi: Kididi kiki kiene kia kà kala o inzo ia Ngana Nzambi, o kalatódio kaka kene ka kà kala kalatódio ka sata ia kuoha phala Izalaiele.

II Malunda 6:20

Mesu mé a tone mu usuku ni mu muanha ku thanduʼa kididi kiki, ki ua tange Eʼmuene kuila o dijina dié bhene bhu u di ta, phala kuívua o musambu u ku sambela mubhikʼé bhu kididi kienʼiki.

II Malunda 7:12

Jihova anga u tukulukila Solomá mu usuku, u muʼambela, uixi; Musambu ué nga uivu, eme nga di solela, kididi kiki phala inzu ni sata.

Ejidala 6:12

O Nzambi-phe, ió ua bhangesa dijina diê di tunge bhenhobho, a buikise jisobha joso ni ifuẋi ioso i zenga lukuaku luâ phala kulungulula o ngonge iii ni kusengulula o inzu iii ia Nzambi, iala mu Jeluzaleme. Eme, Ndala, nga bhana ngonge iii; kioso ki iambe, a ki bhange lusolo. Mahezu.

Jisálamu 100:2

Jihova mu sedivilienu ni kutana, bhiẋilenu bhu pholo iê ni kuimba.

Jisálamu 116:17

Ngi ku satela sata ia kusakidila, ngi hingila jinga mu dijina dia Jihova.

Jisálamu 66:13

O ki ngalʼiki, ngi bhixila mʼonzo ié ni jisata ja kuoha; ngi bhana muene kioso ki nga di hambelela kokué.

Jisálamu 78:68

U sola kiá o muiji ua Juda, ni mulundu ua Ziione ua zolo kiavulu.

Makatukilu 25:8

A ngi iudikile kibúta kikôla phala ngi tunge muʼaxaxi kâ.

Makatukilu 29:45

Nga kà tunga mu kaẋi ka anʼa Izalaiele, ngi kala ngi Nzambi iâ.

Jelemiia 7:12

Maji kindala ndenu-phe ku kididi kiami, kia kexi mu Silu, mu nga xikikile o dijina diami ku dimatekenu, mu tale kioso ki nga mu bhange, mukonda dia unzangi ua mundu uami ua Izalaiele.

Ijila 17:4

anga ufula ku ji bheka bhu muelu ua Balaka, phala kubhakula sata kua Jihova, bhu pholo kiki ia balaka, muthu ió manhinga ma mu kale mulonga; kuma ua bhubhisa manhinga; mukonda dia mulonga uenhú, a kà mu batula mu kionge kia kifuẋi kiê.

Matendelelu 12:13

Di lange-phe, kana kubhakula jisata ja kuoha bhuoso-bhuoso bhu uamono;

Matendelelu 12:14

maji jisata ja kuoha ni ima ioso kiá i nga ku xindi kale u ji bhakuila bhu kididi kioso ki sola Jihova, phala kukala kididi kiê, muʼaxaxe ka kibuka kimoxi kia tungula mu ibuka ienu.

Matendelelu 12:18

o ima iii ki muiza mu ku i dia, mu i dila bhu Bhata dia Jihova Nzambi ienu, bhu kididi kia tungula Jihova Nzambi ienu bhene bhu mu ongama, nʼenu ni anʼenu a mala ni ahatu, ni jiselevende jenu ja mala ni ja ahatu, ni jilevita joso ji mua tungu na-ju mu mbonge ienu; o bhu Bhata dia Jihova Nzambi ienu bhene bhu mu sangulukila jinga ni ima ioso i mu suualela jinga,

Matendelelu 12:21

O kididi kia tungula Jihova Nzambi ienu phala kuxikika-bhu o dijina diê, se kia ku kala bhua lebha, kiene kimoxi, jingombe ni jimbudi ja ku bhana Jihova Nzambi ienu muenda ni kúdia, kala ki nga mi ambela kiá; mu ji dila ku mabhata menu, kioso kia mi tumu o muẋima.

Matendelelu 12:26

Maji ioso ima i ua lumbila Nzambi, ni ioso kiá i mua tela hasa ienu, muiza na-iu muene bhu kididi kioso kia tungula Jihova,

Matendelelu 12:5

Bhuoso kiá bhu kididi kia solo kuala Jihova Nzambi ienu muʼaxaxi ka miji ienu ioso, phala kuxikika-bhu o Dijina diê, bhene bhu muia jinga, kuma bhene bhu bhata diê.

Matendelelu 14:23

Anga mu i dila bhu kididi kioso Jihova Nzambi ié kia tungula ku kala diembu dia dijina diê, ni díjimu dia masa mé, ni dia maluvu mé, ni dia maji mé, ni dia jiphande-kumbi ja jingombe jé ni jimbudi jé; phala u di longe o kuxila jinga Jihova Nzambi ií izuua ioso.

Matendelelu 15:19

Anʼoso a phande-kumbi a jingombe, ni jimbudi, o kia kala ndumbe mu i lumbila Jihova Nzambi ié; monʼa ndumbe ua jikula divumu dia ngombe kana ku mu ta ku kikalakalu kia kudima; o monʼa ndumbe ua jikula divumu dia mbudi, kana ku mu bhuta kindemba.

Matendelelu 15:20

Uiza-na bhu pholo ia Jihova Nzambi ié bhene bhu ua a dila, muvu ni muvu, bhu kididi kia tungula Jihova, nʼeie ni athu oso ala bhu jiku dié.

Matendelelu 17:8

Mu kubatula milonga, se bhu kala diba dia ku bhonzo, hé mvunda ia athu a di jibha mbandu ni mbandu, mba dimânda ni dimânda, mba a di kuama enhoso, mba-phe a di kuata jiphata ia a di bhinjika, muʼaxaxi ka mabhata menu; balumuka-phe, u bande ku kibuta kioso kiasolo kuala Jihova Nzambi ié,

Matendelelu 18:6

Se kueza levita ua tundu mu mbonge mua tungile mba ku mabhata mé mu Izalaieleʼumu, anga u di bhana ni vondadi ia muxima bhu dibhata diasolo Jihova,

Matendelelu 23:16

inda atunge kiá nʼeie, atunge ngó mu bhata dienu bhuoso bhua mu uabhela muene, bhua tena kukala kiambote, kana ku mu bhondeleka.

Matendelelu 26:2

u katula ku jisamba-tènde ja ibundu ioso i ua-nda kumuna ku mavu aʼxi ioio ia-nda ku ku bhana Jihova Nzambi ié, anga u i longela mu kinda, uia-na-iu bhu kididi kia-nda kutungula Jihova Nzambi ié, bhua-nda kuxikika o dijina diê.

Matendelelu 31:11

kioso ki bhongoloka jinga Izalaiele ioso bhu pholo ia Jihova Nzambi iê, bhuʼikididi kia dibhata dia tungula muene, bhenhobho utanga Kitumuʼiki bhu pholo ia Izalaiele ioso, ku mátui mâ.

Josuué 18:1

Kionge kioso-phe kia anʼa Izalaiele anga ki bhongoloka bhu Silu. O balaka ia kutakanena anga a i oleka bhenhobho, kioso kia a tolokela kiá oxi.

Josuué 22:11

Anʼa Izalaiele-phe hé a kívua, kuila: Anʼa Lubene, ni anʼa Ngadi, ni kaxaxi ka muiji ua Manasa, atungu kalatódio ka zukamena ku oxi ia Kanana, mu jimbambe ja Njolodá, ku kisambu kiatokala anʼa Izalaiele.

Josuué 22:16

Kionge kioso kia Jihova azuela kiki, exi: Kituxi kiosuʼiki kiahi ki mu tondala na-kiu, hé mu ta mulonga kua Nzambi ia Izalaiele, anga mu ta kíá dikunda kua Jihova leluʼidi, hé mu di tungila kiá kalatódio kenu mu ku kitukila Jihova anga mu zoka-nê muene?

Josuué 22:23

Se tua tungu kalatódio phala kuta dikunda kua Jihova, mba-phe phala ku tela-ku jisata ja kuoha ni mubhaku ua musa, mba tua-nda ku bhakuila-ku mubhaku ua paze, Jihova muene ki tua bhangʼiki a tuʼibhule-kiu!

Josuué 22:27

Maji phala umbangi bhu kaẋi kʼetu, mbé ku pholo ku tuia nʼetu, nʼenu, ni miji ietu ioso hádia i tu bhingana, mbé o ku tu enzela phala tu kuatienu kumoxi o kikalakalu kia Jihova bhu pholo iê, ni kubhana jisata jetu ja kuoha, ni mibhaku ietu, ni maujitu etu a kudifikixila. Mbé hádia, anʼenu ka kakule anʼetu, kuila: Enu Jihova ki muala-nê ni kima.

Josuué 22:29

Ki tualʼiki, Jihova ki tu tena ku mu baluka, mba ku mu ta dikunda, ni tu tunge kalatódio kengi, tuexi kuie mubhaku ua kuoha, mba ua musa, mba sata, anga o kalatódio kangene ka Jihova Nzambi ietu, kala bhu pholo ia balaka iê, tu ka ta dikunda!

Josuué 9:27

Kizuua kienhókio, Josuué ua a te mu kukala a-ẋangi a jihunhi, a-teki a menha ma kionge kioso, ni kalatódio ue ka Jihova, katé mu kizuua kia lelu, bhu kididi bhuoso bhua sola.

I Samuuele 1:21

Diialʼidi, Elikana, ni dibhata diê dioso, anga a banda kua Jihova mu ku mu satela, kala ki ene mu banga mivu ioso, ni kukumbidila o polomesa iê.