Matendelelu 12:10 - O Mikanda Ikola

¹⁰ Maji kioso ki mua-nda kuzaúka Njolodá, mua-nda kutunga mʼoxi ia-nda ku mi lunduisa Jihova Nzambi ienu, anga u mi bhana kunhoha ku jinguma jenu joso, mua-nda kutululuka anga mu tunga mu soma.

Matendelelu 12:10 ပူးပေါင်းရင်းမြစ်များ

I Jisobha 4:25

Ni Juda ni Izalaiele, tunde ku Dane katé ku Beleseba, anga a kala bhua kondama, kala muthu u di xibhʼê mu kilembeketa kia muvide uê ni mu kilembeketa kia mufiuku uê, izuua ioso ia utuminu ua Solomá.

I Jisobha 8:56

Jihova a taneku, ua nhohesa o kifuxi kié kia Izalaiele kala kioso kia tangele, ku izuelu ioso iambote ia zuelele mu ukunji ua ngunza iê, Mozé, ki bhua sonoka né ngó kimoxi.

I Malunda 22:18

Manhi, o Jihova, Nzambi ienu, kala ni enu? O muene ka mi nhohesa ku jimbandu kuene kuoso? Kuma ni kidi kiene, muene ua bhakula bhu lukuaku luami o athu atungu mu ixi, o ixi iii ia toloka kienhiki bhu pholo ia Jihova ni bhu pholo ia mundu uê.

Jisálamu 4:8

Kala kiki, ngi zeka ni kutululuka, ngiia muene ku kilu; mukonda eie u Jihova uala ku ngʼinga; né ku ubheka uami ngala bhua kondama.

Makatukilu 33:14

Kuala muene: Pholo iami iene ia-nda ku ku tuamenena, eme muene ngi ku bhana kunhoha.

Jisabhu 1:33

Maji uoso u ngʼividila ki ngi zuela u tunga u soma, kana-ku kia iibha ki mu kuatesa uoma.

Jelemiia 23:6

O mu izuua iê Juda ua kà bhuluka, o Izalaiele uà kà tunga ni kukondama; didi-phe diene o dijina dia-nda ku mu luka: Jihova Dilungilu Dietu.

Jelemiia 32:37

Tala-ze, eme nga-nda ku a bhongolola ku jixi joso ku nga a takuile mu njinda iami, ni mu kutema kuami, ni mu kuthathamana kuami kua vulu kinéne; nga-nda kutona dingi ku a bheka bhu kididi kienhiki anga ngi bhangesa kuila a tunga muenhomo, ni kudondama kuoso.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Izekiiele 28:26

A kà tunga momo ni kukondama, a tunga a soma, anga a kà bhanga mabhata, a kà kuna mivide; kiene muene, a kà tunga ni kukondama, kioso eme ki nga-nda kufundisa ene oso a muia ni kunhana mu jimbandu jâ; hé a kà kʼijiia kuila eme ngi Jihova, ngi Nzambi iâ.

Izekiiele 34:25

Hé nga kà ta na-ju kikutu kia paze, o iama iaiibha mu ngongo nga kà i zubha-mu, o jene hé ja kà tunga ni kukondama mu kikangalakata, hé ja kà zekʼé muene mu matutu.

Izekiiele 34:28

Ki ja-nda kukituka dingi mbole ia uiii ua akua matumbu, mba ji diua dingi ku iama ia ngongo; hé ja kà tunga ni kutululuka kua soko, ki bhu kala dingi muthu u ji sasumuisa.

Izekiiele 38:11

Ua kʼàmba, uixi: Nga-nda kubanda mu kúlua ni jisanzala ja kambe o imbaka, nga kʼèza mu kúlua ni iá a nhoha kiambote, a tunga a soma; ene oso mu kutunga kuâ ka moneka kimbaka, ka moneka ue dikûmba mba mabhitu.

Izekiiele 38:8

Mbata kia-nda kubhita izuua ia vulu, a-nda ku ku zungila; o ku zubhilu dia mivu ua kʼèza mu ixi iôtambule ku xibhata, i ia tundu muʼaxaxe ka ifuẋi iavulu mu ku di bhongoluela ku milundu ia Izalaiele ia xalele jinge jingùndu; maji-phe o ixi ioio a i katula muene muʼaxaxe ka ifuẋi, o kiki-phe ene oso a-nda kutunga ni kukondama.

Matendelelu 11:31

Mbata Njolodá mua-nda ku mu zaúka muene, anga mu bokona mu kúvua oxi ioso i mi bhana Jihova Nzambi ienu; enu mua-nda ku iʼvua muene, muene mu mu tunga.

Matendelelu 3:27

Banda ngó ku thala dia mulundu ua Piska u zambule mesu mé ku luiji, ni ku suku ni ku sulu ni ku thunda, ioso u i tale ngó ni mesu mé, mbata eie o Njolodá ku tené ku mu zaúka.

Matendelelu 33:12

Kia tanga Bejamí, uixi: Kazola kangene ka Jihova, ua-nda kutunga-nê bhua kondama. Kumbi dioso dia kambàmba, unanga ni ku mu vungina; muene anga ubutama bhuʼaxaxi ka isuxi iâ.

Matendelelu 33:28

Kala kiki Izalaiele ua kà tunga ua kà soma, ubheka uê, mu ixi ia dijiia dia Jakobo. Mʼoxi ia masa ni maluvu; o maúlu mê ma suka jinga mbundu.

Matendelelu 4:22

Mbata eme nga-nda fuila kiá mʼoxi iii, o Njolodá ki nga-nda ku mu záuka dingi; enu-phe mua-nda ku mu záuka, o ixi ia uabhʼoio mua-nda ku ivua muene.

Matendelelu 9:1

Ivua, eie Izalaiele, kuma leluʼidi Njolodá mua-nda ku mu zaúka enu mua-nda kúvua ifuẋi ia miji ia mi tundu; o kusuina kuâ kota, o kuenu ndenge; ni jimbonge jamakota, jala mu imbaka iatuta katé ku maúlu.

Josuué 11:23

Kienhiki-phe, Josuué oxi ioso iii ua i tambula; kia bhiti muene kala kioso kia tangele Jihova kua Mozé; Josuué iu ua i bhana anʼa Izalaiele mu ubhinganu, ku jimbambe-jimbambe, ni ku miji-miji. Oxi hé i zumbuka kiua o ku dílua ita.

Josuué 14:1

Kiki-phe, kiene kia tambula anʼa Izalaielʼiki mu ubhinganu uâ, mʼoxi ia Kanana; nganga Eleazale ni Josuué monʼa Nune, ni makota oso ku jitata ja miiji ia anʼa Izalaiele, kiene kia a uanena, ku jisorte.

Josuué 3:17

Jinganga-phe ambata álaka ia kikutu kia Jihova, anga emana ku mavu abhu menha mu kaẋi ka Njolodá, akua Izalaiele oso anga a zaukila ku mavu akukuta, katé kifuẋi kioso ku sámbua kuku a bhu-ku, hé a tenena ku sámbua koko.

Josuué 4:12

Anʼa Lubene, ni anʼa Ngadi, ni mbandu ia muiji ua Manasa, anga a zaúka uâ, a maneka, ene a tuamenena ku pholo ia anʼa Izalaiele, kala kia a tangelele Mozé.

I Samuuele 7:12

Samuuele anga u katula ditadi u dʼimika bhu kaẋi ka Mixipa ni Sene, anga u di luka dijina dia Ebenezele, kífua uixi: Katé bhu tuezʼabha, Jihova muene ua tu kuatekesa.