Jihova Nzambi ienu, uoso ua-nda ku mi tuamenena, muene ua-nda ku mi bhangela o mvunda, kala kia mi bhange mu ima ioso ia bhange kiá, ki mua di muena ku mesuʼenu mu Ijito;
nuka amuene ue kioso kia bhange Jihova o kilômbo kia masoladi a ita a akua Ijito ni jikabalu jâ, ni makalu mâ, kia a lundumuka o menha ku thandu, mu Musanza-ua-Kalunga-ka-Kusuka kioso kia mi landamekene, Jihova anga u a jima mbutu, katé kiki aia muene nzaká;
Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?
Ni jipolova ja makota jiná ji ua di muena éʼmuène ni mesu mé ni isunji ni madiuanu, ni lukuaku lua suina lua Jihova Nzambi ié lua ku katula na-iu mu Ijito; kiene ue kia-nda kubhanga Jihova Nzambi ié, ku ifuẋi iene iosuʼoio, ia mi kuata uomaʼleluʼidi.