Matendelelu 11:2 - O Mikanda Ikola

² Leluʼidi-phe tumenu ku kʼijiia, kuma ngala ku mi zuelesa enu, ki ngala kuzuelesa anʼenu, akambe ku kʼijiia, nuka amuene o ulongelu ua Jihova! Nzambi ienu ni kijingu kiê, ni lukuaku luê lua suina.

Matendelelu 11:2 ပူးပေါင်းရင်းမြစ်များ

Jisálamu 136:12

Ni kànda dia nguzu, ni lukuaku luasununuka; kuma kulenduka kuê ki kuene kúbhua.

Makatukilu 6:6

Kala kiki, ambela anʼa Izalaiele, kuma: Eme Jihova, mu imbamba ia mi xina akua Ijitu nga-nda ku mi katula-mu, ngi mi jituna mu ubhika uâ, ngi mi kula ni lukuaku lua sununuka, hé ngi londekeza ubatuilu ua kidi ni isunji ia makota;

Jisabhu 22:19

Phala uende ni kudielela jinga kua Jihova, kiene-phe ki nga mu ku longela-u lelu; ngi ku longa-u eie muene;

Izaía 53:5

Maji muene a mu kuama mukonda dia itondalu ietu, a mu tutujula mukonda dia ikuma ietu; O hadi i tu bhekela o kutululuka ni kubatama ia kexile ku thandu diê, o italakanha iê iene ia tu sake.

Jipoxolo 26:22

Kia ngi kudila Nzambi-phe, nga kolokota katé mu kizuua kia lelu, ni kubhana umbangi uê ku makota ni ku jindenge. Ki ngene mu zuela kima-phe kia kambele Mozé ni jipolofeta ku ki zuela kuila hinu kʼ iza.

Matendelelu 29:10

Leluʼidi enu-oso muene muala bhu pholo ia Jihova Nzambi ienu; ni makota ma ibuka ienu, ni adiakime enu, ni jifixiiadi jenu, ni mala oso mu Izalaiele;

Matendelelu 3:24

Muadi Jihova, tata! Eie u Ngana uakalelà-ku, selevende ié uandeka kiá o ku mu londekeza kijingo kié, ni kioso kiene o lukuaku lué lua suina; kuma Nzambi kuẋi mu diulu ni mu ngongo, u kala ni uzonda kala o uzonda ué ni kubhanga o ima ia makota kala o ikalakalu ié ia nguzu i uene kubhanga?

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?

Matendelelu 5:24

Muexi-phe: Tua mono kuma Jihova Nzambi ietu ua tu idikiza kijingo kiê, ni ukota uê, dízui diê tua dʼivu muene muʼaxaxe ka milengu; lelu etu tua mono kiua kuma Nzambi uzuelʼê ni muthu, maji muthu hé u kolʼê muene o muenhu.

Matendelelu 7:19

Ni jipolova ja makota jiná ji ua di muena éʼmuène ni mesu mé ni isunji ni madiuanu, ni lukuaku lua suina lua Jihova Nzambi ié lua ku katula na-iu mu Ijito; kiene ue kia-nda kubhanga Jihova Nzambi ié, ku ifuẋi iene iosuʼoio, ia mi kuata uomaʼleluʼidi.

Matendelelu 8:19

Maji-phe kia kà kala kiki kuila, se kua kuiza mudiangu anga ulanduka Jihova Nzambi ié, se u bhana mátui ku nzambi jengi anga uhombokela mahamba, ni ku kuata o ku ma tolokela ni ku ma bheza, leluʼidi nga tange kidi kuila mua-nda kujikinina muene.

Matendelelu 9:26

Eme-phe hé ngi sambela Jihova, ngixi: Ngana Nzambi, Nzambi tata, ku ki bhange kubuikisa o povo ia tokala undundu ué, povo i ua kula ni unéne uoso, Eie ua i jituna ku Ijito, ni lukuaku lua undanda.

Josuué 24:31

Mu izuua ioso ia Josuué, Izalaiele-phe ua bhikila jinga muene Jihova, ni mu izuua ioso ia ikulakaji, o adiakime, oso akolele hanji muenhu kuema dia Josuué, ia ejidile o kikalakalu kioso kia bhangele Jihova kua Izalaiele.