Matendelelu 11:19 - O Mikanda Ikola

¹⁹ Endenu ni ku a longa anʼenu; mu uzuelelu uenu ki mu xikama mʼonzo, kuatenu maka enhá; o ki mu kala mu kuenda njila, kuatenu maka enhá; o ki u zeka ku kilu, zeka ni maka enhá; o ki u balumuka ku kilu, balumuka ni maka enhá.

Matendelelu 11:19 ပူးပေါင်းရင်းမြစ်များ

Jobe 8:10

Manhi jitata ki ja-nda ku ku longa? A kamba ku ku zuelela? Mu kuijiia kua mixima iâ, ka-nda ku ku tela ue maka eneʼá?

Jisálamu 34:11

Zenu anandenge, mu ngʼivue; eme ngi mi longe o uoma ua Jihova.

Jisálamu 78:4

Etu uetu ki tu i dingila anʼâ, tu tangela muiji uengi ueza-ku o fuma ia Jihova, ni uzonda uê ni madiuanu mê ma kalakala.

Jisabhu 2:1

Monʼami, se u xikina maka mami, anga u kondeka o jingonge jami mu muẋima ué,

Jisabhu 22:6

Longa mona-ndenge mu njila ioso ia tokala o kuendela; katé kieza mu ku kuka, ka xikina ku i xisa, lémbue.

Izaía 38:19

Kikale o athu ku muenhu, mukonda athu ku muenhu, ene ngó a ku ximana, kala eme ki ngala kubhanga leluʼiki. O tata, ua kʼejidisa o kidi kié-eie, u Nzambi, ku anʼê.

Efezo 6:4

Enu uenu mu jitata, kana kuthathamesa anʼ enu ni ku a kuatesa njinda. Maji mu a sasa ni ku a beta, ni ku a longa kioso kia tumu Ngana.

Matendelelu 32:46

ua ambela, uixi: Tenu-ku muxima ku maka oso u ngala ku mi bhela umbangi lelu, mu ma sambukise ku anʼenu, ene ue phala akale ni muanu ua ku kumbidila o maka moso ma kitumu kiki.

Matendelelu 6:7

Anʼé u a longa muene o ku a bhaka ni ku a kumbidila; o ki u xikama mʼonzo ié, banza maka enhá; o ki u kala mu kuenda njila, enda ni maka enhá; o ki u zeka, zeka ni maka enhá; o ki u balumuka ku kilu, kuata maka enhá.