Matendelelu 11:14 - O Mikanda Ikola

¹⁴ Eme-phe oxi ienu ngenda ni ku i bhana o mvula ioso iatokala bhu thembu iê; ngi bhana o mvula ia dianga ia isanga bhu kudinji, hé ngi kaielesa ue ia sukidila-ku ia kungulula musoke, phala mu mune idima, ni masa, ni vinhu ia uisu, ni maji-mê.

Matendelelu 11:14 ပူးပေါင်းရင်းမြစ်များ

Izaía 30:23

Kienhokio-phe Jihova ua-nda ku ku bhana o mvula ku mbutu ié i u kuna bhoxi, u ku bhana ue mbolo, o phèmbele jaʼxi; mavu iá a-nda kuima muene kiasoko; mu kizuuʼokio ibhaku ié ia kà dila jinga mu mâkela madixala.

Jelemiia 14:22

Manhi ku ima ia kingoho ia jijila o matumbu, kuala ki tena kunokesa o mvula? inga maúlu ma tena ku di bhela mvula? Kʼeie muene ngó, u Jihova, Nzambi ietu? Kala kiki tua kinga kokué, mbata eie uene ku bhanga ima iosuʼiii.

Jelemiia 5:24

Alembua kuila mu muẋima uâ, exi: O kiki tu xile kiá Jihova Nzambi ietu, mukua ku bhana o mvula, ni ia kudinji ni ia kasamanu, bhu kithanga kiê; mukua ku tu bhakela o jisemana joso ja tu xindila jinga kumuna o idima.

Izekiiele 34:26

O jene nga kà ji kitula dibesá kumoxi ni ididi ia mulundu uami ukôla; o mvula hé nga kà i tuma kusonoka bhu thembu iê; ia kà kala mvula ia kizediuise.

Jouele 2:19

Jihova ua kà tangela mundu uê, ua kà kumbulula, uixi: Talesa-ze, ngi mi tumikisa tiliku, ni vinhu ia ubhe ni maji, ima iosuʼiii ia kà mi kuma; ki ngà mi bhana dingi ku lusebhu mu kaxi ka akua jixi.

Ijila 26:3

Se mukuata kuendela mu jingonge jami, ni mu aluke o ijiia iami, anga muenda ni ku i bhanga,

Ijila 26:4

eme-phe ue ngenda ni ku mi bhana mvula ienu bhu thembu iê ia tokala; o ixi ienda ni kutubhula muene ima ia ubhe, o ku mikáu miẋi ia kuphapha ue ilukula muene ibundu.

Malakiia 3:11

Mukonda dienu, ngi bazela kabamba uene mu kujeja, phala ki ka mi dile idima iaʼxi ienu; o muvide uenu mu mábhia ki u seluka ni ukambe kuima; Jihova dia Ifuẋi ua ki tange.

Jipoxolo 14:17

Maji mu thembu joso Nzambi ka kambele-phe ku dʼ idikiza kioso Muène kiene, mu mbote iê iene mu kubhanga. Kuma Muène mukua kubhindumuna, ua bhana jinga mvula ku diulu, ni idima kuvula bhu thembu ja tokala, phala mu kale ni kúdia, o muẋima uenu uizale ni kusanguluka.

Matendelelu 28:12

Jihova ua-nda ku ku jikuila o dibhakelu diê, dia mbote, o diulu, phala diende ni kubhana o mvula ku mavu mé bhu thembu iatokala; anga Jihova muene uzediuisa o ikalakalu ia maku mé. Eie-phe, ua-nda sobhesa miji ia athu avulu, maji eie nuka ua-nda kusobha kima.

Tiiaku 5:7

Kala kiki, kuatenu-phe kinhenge, enu jiphange, katé bhua kèjiia Ngana. Talesenu kidimakaji kioso kia kinga ibundu iambote i tunda mu mavu. Muène u i kuatela kinhenge, katé ki i nokena mvula ia kudinji ni ia kasamanu.