Matendelelu 11:13 - O Mikanda Ikola

¹³ Kia kà kala kiki-phe kuila, se mu kuata muanu ua kutumaka ijiia iami i ngala ku mi bhana lelu iii, ia kuzola Jihova Nzambi ienu, ni ku mu sedivila ni muxima uenu uoso ni muenhu uenu uoso,

Matendelelu 11:13 ပူးပေါင်းရင်းမြစ်များ

I Jisobha 3:3

Solomá anga u zola Jihova, u kala mu kuenda mu ijila ia tatʼâ Davidi; inda kima kimoxi ngó; u kala mu satela ku matala, ni kuohela-ku o fumasa ia dizumba.

Jisálamu 119:2

A lungu ió aiuka o umbangi uê, a mu u sota muene ni muẋima uoso.

Jisálamu 119:4

Eie ua tu bhana o phangu ni ndongo phala tu kuate muanu mu ku i aiuka.

Jelemiia 17:24

Jihova uambe uixi: Kia-nda kubhita-phe kiki, se mu ta-bhu makidikidi mu kubhangela ku ngʼivua eme, hé mu fula ku bokuesa imbamba mu mbonge, bhu mielu iii, mu kizuua kia Sabhalu, anga mu kolesa o kizuua kia Sabhalu, ni ku kamba kubhanga-mu kikalakalu kioso-kioso,

Izekiiele 34:26

O jene nga kà ji kitula dibesá kumoxi ni ididi ia mulundu uami ukôla; o mvula hé nga kà i tuma kusonoka bhu thembu iê; ia kà kala mvula ia kizediuise.

Ijila 26:3

Se mukuata kuendela mu jingonge jami, ni mu aluke o ijiia iami, anga muenda ni ku i bhanga,

Ijila 26:4

eme-phe ue ngenda ni ku mi bhana mvula ienu bhu thembu iê ia tokala; o ixi ienda ni kutubhula muene ima ia ubhe, o ku mikáu miẋi ia kuphapha ue ilukula muene ibundu.

Matendelelu 10:12

Kiki-phe, eie u Izalaiele, ihi ia ku xindi Jihova Nzambi ié, oko ua ku edi ngó, uixi: Xila Jihova Nzambi ié, enda mu ikoka iê-muène, mu zole, enda jinga ni kusedivila Jihova Nzambi ié ni muxima ué uoso, ni muenhu ué uoso,

Matendelelu 11:1

Zola-phe Jihova Nzambi ié, ukuate kualuka ni muanu o ima ioso ia ku tendelela, ni ijiia iê, ni mabatuilu mê, ni jingonge, ni itumu iê, izuua ioso.

Matendelelu 11:22

Xi! Mbata se mua kuata muene muanu ua kubhaka kiambote o jingonge josuʼiji ji nga mi tendelela ku ji langa, anga mu zola Jihova Nzambi ienu, ni kuenda jinga mu njila iê ni kitongola kioso,

Matendelelu 11:8

Ijiia-phe kuatenu-iu kiambote, ngala ku mi bhana leluʼidi, nda mu kale ni nguzu, phala mu bokone mu vue oxi i mua lungu mu kúvua;

Matendelelu 28:1

Eie-phe se uaẋikina kuívua ni muanu uoso o dízui dia Jihova Nzambi ié, anga o jingonge jê joso ji ngala ku ku tendelela lelu, u ji ta muxima, anga u ji kumbidila muene, Jihova Nzambi ié ua-nda ku ku zangeleka, anga ifuẋi ioso mu ngongo i kala ndenge.

Matendelelu 4:29

Kienhokio-phe, kuenhoko ua kà sota Jihova Nzambi ié, anga u mu sanga, se u mu sota ni muxima uê uoso ua muvimba, ni muenhu uê uoso ua muvimba.

Matendelelu 6:17

Kala kiki, kalenu ni muanu ua kualuka o ijiia ia Jihova Nzambi ienu; alukenu ue o ma-umbangi mê, ni jingonge jê jene ku mi lekela.

Matendelelu 7:12

Kià kala-phe kuila, enu o ki mu ivua o mabatuiluʼama, se mu ma bhaka kididi, anga mu ma kumbidila, ni Jihova Nzambi iénu ua-nda kusuina dingi kiengi mu ku kumbidila o kikutu ni kuenda ni ku mi bindumuna kiambote kala kia lokela jitata jenu.