Matendelelu 10:8 - O Mikanda Ikola

⁸ Mu thembu muenhomo Jihova anga utungula kibuka kia Levi, phale kuambata o álaka ia kikutu kia Jihova, ni kukala bhu pholo ia Jihova, mu ku mu sedivila, nʼende ni kubhana kizediuise ku athu mu dijina diê, katé mu kizuua kia lelu.

Matendelelu 10:8 ပူးပေါင်းရင်းမြစ်များ

I Jisobha 8:6

Kienhiki kia bheka jinganga o álaka ia kikutu kia Ngana bhu kididi kiê, mu dibhezelu dia inzo ia ngana, mu kididi kikôla kinéne, bhoxi dia mabhabha ma jikelubini.

I Malunda 15:2

Davidi-phe, uixi: Kana muthu utena kuambata o álaka ia Nzambi, kikale ngó o jilevita; kuma Jihova ua a lumbu, phala kuambata o álaka ia Nzambi ni ku mu bhikila katé ku hádia ni hádia.

I Malunda 15:26

Anga ki bhita-phe ue kuma, Nzambi mu ku kuatekesa akua Levi ambatele o álaka ia kikutu kia Jihova, abhakuile sambuadi dia tuana tua jingombe ni sambuadi dia ilumbe ia jimbudi, mu kusatela.

I Malunda 23:13

O ana a Amalame, enhá: Alá ni Mozé; O Alá a mu tungula phala kukolesa dingi o ima ikôla kinéne, ni muene ni anʼê, mu ithangana ioso katé ku hádia ni hádia; phala ku-ta o ima ia uasu ua mazumba bhu pholo ia Jihova, phala ue ku mu xibhidila jinga ni phala kubhana jinga o dibesá ku athu mu dijina diê katé ku hádia ni hádia.

I Malunda 23:26

O ku akua Levi ue, a tange kuila ki mungu dingi à kʼambata o balaka ia kalatódio, mu kunhunga na-iu, né o imbolongondo ioso iatokala ku ukunji uê.

II Malunda 29:11

Kiki-phe, enu mu anʼami, ki mu kale ni kaxixi mba usudi; mbata Jihova ua mi sola, nda mu kale bhu pholo iê mu ku mu xibhidila, ni mu kale mu akunjiʼê, muie ni kuoha o uasu ua dizumba.

II Malunda 30:27

Bhenhobho, ni jinganga ni jilevita a balumuka anga a bhana o kizediuise ku kifuxi kioso; anga a evua o dízui diâ; kuma o musambu uâ ua bhixila muene katé mu kididi kikôla kia Nzambi, ku diulu.

Jisálamu 134:1

Kiókole! Benzelenu Jihova enu oso mu jiselevende ja Jihova, muene mu kuimana mauusuku moso, monzo ia Jihova.

Jisálamu 134:2

Lekenu o maku menu mu kididi kiê kiangene, muende ni kubenzela jinga Jihova.

Jisálamu 135:2

Enu muemana mʼonzo ia Jihova, mu lumbu lua dizemba dia Nzambi ietu.

Jelemiia 15:19

Uila kiki: Jihova uambe kuma: Sʼeie ua toloka, eme-phe ngi ku takana dingi, anga u kala jinga bhu pholo iami: eie se u tungula kima kia ujitu, o kia lusebu anga u ki texi, ua-nda ku kala-phe mukuâ ni dikanu diami; ndoko, eha-u ene a ku tolokele eie, eie ku ki sèse ku a tolokela ene.

Izekiiele 44:11

Né kienhókio, hanji-phe a kà kala akunji a dibhezelu diami, ni kulangidila bhu mielu iaʼnzu, a kà bhikila o dibhata diami; o ibhaku ia sata ia kuoha ene a kà i batula o xingo, ni sata ia ituxi, a kà kala bhu pholo ia mundu, phala o ku u bhikila.

Izekiiele 44:15

Maji o jinganga, akua muiji ua Levi, o anʼa Zadoko, aiuka o kilèkelelu kia dibhezelu diami, kioso anʼa Izalaiele kia ngi balukila, ene enda ni kubhiẋila kokuami, phala ku ngi bhikila, enda ni ku kala bhu pholo iami, phala o ku ngi bhakuila o maji ni manhinga, Jihova Nzambi ua ki tange.

Ijila 8:9

Anga u mu ta kijinga ku mútue; o ku kijinga, bhu dibhomo, u kutila-ku xapa ia ulu, kifua kitundu kikôla; kala kia tumu Jihova kua Mozé.

Ijila 9:22

Alá anga u leka maku ku alela o kifuẋi u a bhana kizediuise; anga u tuluka kia zubha kubhana o sata ia kituxi, ni sata ia kuoha, ni sata ia paze.

Dialuilu 3:31

Kimbamba kiâ o álaka, ni meza, ni kaxtisale, ni jikalatódio, ni imbamba ioso iene mu bhanga na-iu kikalakalu kia dibhezelu, ni dibeka dia kibatulu ni ima ioso ia tokala-ku.

Dialuilu 3:6

Muiji ua Levi eze bhua zukama, ua bheka bhu pholo ia nganga Alá, ende ni ku mu kalakela.

Dialuilu 4:15

Kioso Alá ni anʼê kia kà zubha kuvunga ku imbamba ioso ia dibhezelu, kilombo kuila kia-nda kukatuka kiá, kiene kiua kiʼza anʼa Kohate mu ku i zangula; ima iene ikôla-phe ka i kuate ni maku, phala ka fue. Ima iii iene kimbamba kia anʼa Kohate ku balaka ia kutakanena.

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Jipoxolo 13:2

Kizuua kimoxi, o ki a kala mu bheza Ngana, ni mu kujila, Nzumbi Ikôla uixi: Ngi tunguidienu mu akuâ, Barnabé ni Saúlu, aie mu sedivisu ioso i nga exanena kubhanga.

Loma 1:1

Eme Phaulu, nga soneka o mukanda iú—eme ngi selevende ia jezú Kristu, a ngʼ ixana kuala Nzambi kukala Poxolo, ià a ngi lumbila kutula o Njimbu Iambote.

Loma 12:7

Hé ungunza, tu xikamene o ungunza uene. Se uhete ua kulonga, tu longe-phe.

II Kolindo 6:17

Ngana muène uixi, dingi: Uila kiki, Tundenu mu mundu uâ, mu di kalele, eme ngi Ngana. Kana kubabata kima kia ufusa, eme nda ngi mi tambulule.

Ngalásia 1:15

Maji bhu kithangana-phe kioso kia solo Nzambi, ua ngi tungula tundé mu divumu dia mamʼ etu, iú ua ngʼ ixana mu kiadi kiê phala ku mu bhikila.

Matendelelu 17:12

Muthu uoso-phe usola kunanuka ni ukumbu, na kambe kubatekela kia mu ambela o nganga uene bhu pholo ia Jihova Nzambi ié, ne-mbé kuividila o kizuelu kia mufundixi, nguê na-kiu, kuabhu, muthu ió mu mu jibha afue muene. Sembele mu kubhanga kiki ituxi iende ni kubhua mu Izalaiele;

Matendelelu 18:5

Mbata o Jihova Nzambi ié muene ua tungula o nganga mu miiji ié ioso, phala akale mu kikalakalu kia kubhikila o dijina dia Jihova, ni muene ni anʼê a mala, izuua ioso.

Matendelelu 21:3

O mbonge ioso iabeta ku di zukama ni kimbi, makota ma mbongeʼoio akuate seseme ia ngombe ia mukaji, ioso kiluua ibhita ku kikalakalu, kiluua iambáta kimbámba.

Matendelelu 21:5

Kienhokio-phe o Jinganga ja anʼâ Levi ji bhiẋila-bhu, kuma o Jihova Nzambi ié ua a sola phala ku mu bhikila muene, ni kubenzela athu mu dijina dia Jihova; o ki bhu kala mulonga, mba manhinga, enhá ene a batula o maka.

Matendelelu 31:9

Mozé anga usoneka kitumu kiki, u ki bhana ku jinganga, anʼa Levi, oso akexe kunhata o álaka ia kikutu kia Jihova, ni ku adiakimi oso a Izalaiele.