Matendelelu 10:22 - O Mikanda Ikola

²² Jitata jenu kia kulumukine mu Ijito akexi ngó makuinhi sambuadi a muthu; o kiki-phe Jihova Nzambi ienu ua mi sokolola, kala mu jithéthembua ja diulu, mu kuvula.

Matendelelu 10:22 ပူးပေါင်းရင်းမြစ်များ

Dimatekenu 15:5

Anga u mu bheka bhu kanga, uixi: Tala-phe hanji ku diulu, u tange o jithéthembua, se u tena ku ji kuata konda; anga u mu ambela, uixi: Kiene kia kà kala o mbutu ié.

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

Dimatekenu 46:26

Mienhu ioso iejila kumoxi ni Jakobo mu Ijito, ia tundu mu mukutu uê, anga ku di ta dingi akaji a anʼê, konda ia makuinhi asamanu a mienhu ni kisamanu.

Dimatekenu 46:27

Anʼa Zuze, a a vualela mu Ijito, mienhu iiadi; mienhu ioso ia dibhata dia Jakobo, a kulumuka-nâ mu Ijito, a kexi makuinhi sambuadi a mienhu.

Nehemiia 9:23

Anga u sokolola anʼâ mukuâ ni jithéthembua ja diulu, anga u a bhiẋidisa mu ixi i ua tangelele o jitata jâ ku i bokona, nda a i tambula ni a ivue.

Makatukilu 1:5

Mienhu ioso ia tunda mu mukutu ua Jakobo, makuinhi sambuadi a mienhu; Zuze ua kexidié kiá mu Ijitu.

Dialuilu 26:51

Iá ene a alula ku anʼa Izalaiele, a tena hama jisamanu ja jimidi ni midi imoxi, ni hama sambuadi ni makuinhi atatu.

Dialuilu 26:62

Kia alula a tena makuinhi aiadi a midi ni midi jitatu, mala oso ala mu mbeji imoxi, mba kua di te kiá; kuma ene ka alula mu anʼa Izalaiele ni akuâ, mukonda ene ka a bhana undundu ua kima mu anʼa Izalaiele.

Jipoxolo 7:14

Zuze anga u tuma kutakana tatʼâ Jakobo, ni ndandu jê joso, mbé eze mu Ijitu. Ene a kexi makuinhi sambuadi a mienhu ni kitanu.

Matendelelu 1:10

Jihova Nzambi ienu ua mi sokolola kiá; xinganekenu kuma leluʼidi mua vulu kiá, muedi kiá kala mu jithéthembua bhulu.

Matendelelu 1:11

Jihova Nzambi ia jitata jenu a mi bandekeze muene, o ki mualʼokio a ki bhange dingi katé mu lumidi; ende ni ku mi zediuisa kala kia mi tangela-kiu kiá kuala muene.

Matendelelu 26:5

eie-phe anga u di hambelela kua Jihova Nzambi ié, uixi: Ku tanga o kidi, tatʼetu kia kexe mu Sídia, uakexe sébhue ngó, iú ua kulumukine mu Ijito, anga u kuata kubunganena muenhomo ni kafamília kófele ngó, kala nzuángiza ia hatu; o kuenhoko kuene kiá kua sokolokela, iú ua di bhange kifuẋi kiònene ni mu kusuína, ni mu kuvula.

Matendelelu 28:62

Mua-nda kuxala-phe kiá ngó mu tumbalumbalu tua athu, suke mʼokulu-phe muavudile kala jithéthembua ja diulu; mbata eie kua xikina kubhana mátui ku dízui dia Jihova Nzambi ié.

Jihebeleu 11:12

Uila kiki, ku muthu umoxi, o muène mukua ni kuila uafu kiá, kua sokoloka mundu, mu kuvula a sokela ni jithethembua ku diulu, ni kisekele ku mbandu ia kalunga, o ku a kondala ki ku xikina.